OLAC Record oai:paradisec.org.au:KK2-0266

Metadata
Title:		Moi na Myitkyina (Old Myitkyina)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Nshang San Awng (speaker), 2020. Moi na Myitkyina (Old Myitkyina). MPEG/X-WAV/XML. KK2-0266 at catalog.paradisec.org.au. https://dx.doi.org/10.26278/5fa2c972894cc
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Nshang San Awng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2020-01-01
Date Created (W3CDTF):		2020-01-01
Description:		Transcription (Ja Seng Roi) Moi na Myitchyina gaw kaga myu ni nau n law ai le. Ya gaw kaga amyu ni grai kayau mat wa. E, hkyingmi jahku tsa e ndai, masat shi jan ning ram du hkra gaw nau masha kaga amyu nau n law ai. Ya gaw kaga amyu grai law mat wa. Upama nga yang gaw, dai ten hta nga yang gaw hkang ni, yahkai ni kaya ni, pa-aw ni nga gaw ngai mung n nga ai le i. Aw, asuya magam gun let, kayin ni du ai nga. Myen ni du ai nga. Mi kaw na gaw Sam ni loi loi nga. E, rai na she, e, nambat lahkawng majan ten hta, dai kaw hpyen la la ai. Lam galaw ai. Mawdaw gawt dai ren. Ndai gawrahka ni. I, gala ni, e dan re. Hkring mat wa le. Bai n wa le i. E, dan re ni nga. Reng gaw, ndai shatapru maga de nga yang gaw sun chyu sha re gaw. Ya mangai ngai i na wang, ya nta hkun ram rai mat dai gaw mi gaw wang ngai sha re. Langai hte langai nta ngai mi hte ngai marawn na pi naw n na hkat dai ram, e dai hku re gaw. Reng gaw dai ten hta gaw nta ma chinghkaw hpaw da tim gadai lagau na n nga. Ya gaw lawu ga na masha grai bai lung wa majaw zaw hkat da tim pa naw adawt na bai lagau ya le i. Ya dai majaw ya gaw masha gayau ai majaw grai sa dai ra mat ai. Moi na hku na n mai. Moi gaw lagu ai masha nau n nga. Bai mawdaw ni grai shuk wa sai ya. Moi gaw mawdaw n shuk ai. Lagaw leng hkum ai. Lagaw hku mai hkawm mai. Ya gaw lagaw leng hku hkawm mai pa n nga sai. Dai gaw. Rawt jat wa hku rai nga le i. Gatdaya lam law law n nga. Ya law law nga wa. E, dai ni ma rawt jat wa. Re, shatapru re. Ndai Shatapru hpe gaw moi gaw "ShaTa Pru" ngau shamying ai. Raitim, mungkan majan aten hta she Jinghpaw ni gaw law law n nga na she. Nang kaw gaw Inglik asuya magam gun ai gawrahka ni gaw nang kaw sun ni, hkauna ni, gawlaw na hkring nga mat wa. Reng gaw shanhte gaw shanhte na n-gup hku na Shatapru ngu n mai tsun ai. Reng gaw, Sitapu, Sitapu nga tsun ai. Re majaw e, ya gaw asuya kaw tara shang gaw Sitapu rai taw nga ai. Hkrak gaw Shatapru she re. Shatapru ngu ai Shata pru ai shara le i. Shata jan mai ai shara, ngu hku rai nga. Raitim, ya gaw Sitapu nga pungsan kaw. Gawra hka ni ga n pri ai majaw. Sitapru nga na tsun ai. Sitapru nga tsun ai le i. Shatapru ngu n mai tsun ai majaw shi n-gup hte Sitapu nga. Reng gaw, reng gaw, gawrahka mying zawn hpa zawn zawn nga mat wa na Myen hku ka shaloi, Inglik ni mung ya Sitapu she rai taw nga dai majaw. Hkrak gaw sharapru re. Ya nga, awra kaw ya tida lawk, tida lawk ngu ai gaw Njang Kawng she re mi. Mying ni yawng Myen ming galai kau ai. E, dai ni shai wa. Myitchyina gaw mi ningnan na mare gaw ya asuya wunji ni nga shara hteng gaw "Sana Kawng mare" nga. Sana Duwa. Lahtaw Sana Duwa na mare, Sana Kawng nga. Inglik ni bai ashe re jang she, shanhte hpe bai gumlang, gumlang ai Inglik ni hpe gumlang. N dang, n dang jang she nam de pru mat. Reng Inglik ni gaw bai, dai kaw num ni chyu sha ngam sai. Num ni hpe, nga ai shanhte na madu jan ni hpe Inglik ni hpyen la ni bai roi rip ya re majaw she, manu mana mahkawng na bai manu mana wa htim yang, Myitchyina, ndai myu kaw nga ai ya na myu ka-ang hteng kaw nga ai dum nta ni, nam dum kaw na hkawt yawng nat kau ai. E, dai gaw hkyingmi jahku tsa e, jahku shi ngai hkawn hkan le i. Hkyingmi masat tsa e jahku shi ngai hkawng hkan. Rai jang she, Myitchyina myu kaw hpa n nga mat wa. Reng gaw Inglik ni ma mawga, mawga ginsum rau nga ra mat wa. Reng she, dai shaloi she Inglik ni gaw yawng hpe balawk cha na atsawm di. Dai majaw dai ni, Myitchyi na Myu kaw magi magaw rai nau n law ai. Balawk re. Hkak rai na rai mat wa le i. Reng gaw, dai shaloi she mare, Myitchyina gaw dai majaw, Myitchyina ngu ma shamying ai gaw dai kaw na she shamying wa hku. Mi gaw "Sana Kawng" she re. "Sana Kawng" mare she re. Sana Kang, n-ga Njang kawng i, e dai hku na she re. Reng gaw, hkyingmi jahku tsa e, aw hkyingmi masat ta e jahku shi manga ning hta she shanhte Inglik ni a shahte rung ni hpa ni gap wa, rai na. Deng gaw, dai kaw na she bai hpang wa jang gaw Jinghpaw ni gaw yawng hpyen hprawng hprawng mat sai le, Inglik ni hpe hkrit na. Deng, Inglik ni hte rau nga ai gala ni bai wa nga ai. Reng gaw grau ngwi bai Jinghpaw du ni hpe bai tawng chuk ni, tawng a-uk ni bai jaw. Rai wa na bai pri nem wa shaloi gaw Jinghpaw ni bai wa nga. Ya nga shara gaw aw ya gaw hka ni yawng la sai le i. Ndai myu ma, minyat, minyat, shansu tawng myawk, Kachin Su nga dai hka mayan gaw Jinghpaw ni chu nga ai rai nga yawng. Dai ya gat galaw ai shara kaw na Jinghpaw nta ni hpe "anhte asuya shara galaw na. Htawt ya rit" nga nang de shatapru de mahtang bai sit shangun. Re majaw, dai kaw na sit wa ni re Shatapru. Shatapru manau wang moi gaw ndai gaw hkauna pa she re. Hkyingmi jahku tsa mali shi kru ning hta Dai shaloi nambat lahkawng majan, e, Kachin levis ni, Kachin ringja ni hkuna, Japan ni, Japan hpe dang ai padang manau le i, ndai kaw galaw ai majaw dai kaw na hpang na dai hpe gaw manau wang ngu masat wa ga. Reng gaw mali shi masat ning hta Inglik kaw na bai shanglawt bai lu kaw na gaw wang kum na nan manau wang ngu na atsawm re bai galaw mat wa. Mi hpang ai gaw mali shi kru ning, hkyingmi jahku tsa e mali shi kru. De shang hkan gaw dai gaw hkauna pa sha re. Hpa n nga. Manau shadung nga. Manau shadung gaw dai shaloi gaw hpun hte galaw ai. Hpun hte galaw ai. Ndai kun-garit hte galaw gaw n nga shi ai. Jahku shi jan ning hta she galaw. Aw, jahku shi n jan ai, hkinghkawng ni hta. Hkinghkawng ni hta, ninggawng hkumra manau poi nga na galaw ai. Dai ten hta she Sut Du yup zaw hkawng shi galaw ai. N re, shi alu le i. Dai ten hta gaw manau shadung galaw da le i. Shadaw na, laning mi bai galaw na nga shaloi, dai shaloi bai shakap, maka ni bai galaw rai na jun na dai hku bai galaw. Ngut jang bai, bai raw da le. Baw da le. Baw da na dai kata kaw bai, ndai manau nta, moi na manau nta kaw nang maga re. Galu re. Dai npu kaw dai hku bang tawn da. Bai nau na nga shaloi bai shaw, tsi bai chya. Dai, bai galaw re. Dai shaloi shaning shagu ram gaw n lu nau. Hkawng ning ram reng she kalang lang manau ai. Hpa majaw, tsi bai chya ra. Kalang bai shaw. Shajin na ten grai ra. Hkawng ning hta kalang galaw dai shaloi. N re ndai, arai, malai shi kru ning hta gaw March shata hta manau ai. Japan hpe padang manau ai gaw March shata hta. Awng San wa gaw Japan hte naw pawng taw nga shaloi nang kaw gaw Japan hpe kasat kau hku rai nga ai i. Jinghpaw ni gaw, Jinghpaw mung kaw gaw Japan n nga sai le i. Reng she, Japan ni gaw ya mung, Mandale makau de du hkra ashe re mat jang she, Awng San wa mung "a dai hku rai jang gaw n mai sai." nga shi ma shi shara wa hpe shi bai gasat wa re pung san. Nang kaw gaw padang manau ni ngut sai. Zin Lum kaw galaw sai. Sam mung kaw galaw sai. E, nang Myitchyina kaw galaw ai. Mali shi kru ning hta galaw ai. Nkau mi gaw mali shi manga ning hta galaw ai shara ma nga ai. Dai gaw Awkgat shata hta galaw ai le i. Reng gaw dai kaw na gaw mali shi masat ning hta e, Inglik kaw na shang lawt lu ai. January shata praw mali ya shani shang lawt lu ai. Jinghpaw mung daw masat ai gaw January shata shi ya shani masat ai majaw dai shani Jinghpaw mung daw asuya hpe nang kaw e, dagam na nang kaw asuya hpwet hpang ai le i. Asuya ning nan hpaw hpang ai shara. Rai nga. Dai kaw na gaw hkawng ning rai kalang lang ayan na galaw lai mat wa. Dai gaw madung gaw ndai Jinghpaw mung daw nhtoi hpe dai masat hku na manau galaw ai. Dai lapran e Sut manau ni kaga manau ni ma galaw gaw galaw ai. Galaw lam gaw nga. Raitim, law malaw gaw Jinghpaw mung daw n htoi shaloi galaw ai law ai. Wan leng daru Inglik ni sha galaw ai re. Inglik ni galaw ai lam sha re. Puta-u de du hkra ma Inglik ni galaw sha re. Dai lam hpe sha bai gram ai she re. Inglik ni n galaw ai lam gaw n nga ram re. Nbung li pa ma Inglik ni galaw ai. E, mali shi, mali shi mali manga hkan rai na ma. Mali shi manga ning hkan. Ndai ndai daksu makau kaw na Myitchyina daksu makau kaw na ma nbungli pa rai nga. Dai gaw awra ya na nbungli pa hta grau kaja ai. Raitim, shi na gaw myu ka-ang kaw rai taw. Rai na, awra maga ma bum ni, reng gaw nbungli grai kaba ai ni pa na ma loi yak. Bai na she Amerikan gaw ndai daksu makau na nbungli pa hpe shi naw pai ai. Shaning shagu lamu ga shap shabrai jaw ai. Nbungli pa amerikan pai rai taw nga. Amerikan ni pai ai gaw hkyingmi jahku tsa e e, gade ning hta kun, jahku shi jan ning hta kun, jahku shi ning kun, masat shi jan ning hta kun re. Shanhte amerikan ni bai sa yang she "a n mai lang sai. Re majaw ya anhte gaw ya dai ni kaw na nanhte hpe jaw kau sai" nga. E, dai kaw na she shanhte hte n seng mat ai. Mi gaw amerikan ni na. Nbung li pa re. Dai kaw atsawm grai hkrak hkra galaw da shanhte. N nga sai. Ya masha nta ni rai mat sai. Lam ni she rai mat sai. Daksu wang rai mat sai. Daksu wang kata kaw nang nang maga mung dak su wang nang maga mung, mi gaw daksu wang kaw n lawm ai. Raitim ya amerikan ni bai ap kau jang gaw yawng lawm mat wa hku rai nga. Daksu wang kata. Dakuda ni hpa ni. Dai hpyen nbungli ni le i. N re n re. Dai, myen mung shanglawt lu hpang gaw n lang sai gaw ndai. Aw de sha lang mat sai. Ya na nbungli kwi ni sha lang mat sai. Dai mung shanhte galaw sha re. Amerikan ni galaw sha re. Shanhte galaw da re. Shanhte galaw da ai. Rai na hpyen dap nbungli kwin gaw Myen asuya ni shanhte bai galaw. Dai moi Amerikan ni galaw sha re. Amerikan. Mali shi jang ning hta. Atsawm gaw n chye sai dai gaw. Hkrak nga gaw n chye sai. Labai hpe atsawm n chye sai. Wan leng i. Moi gaw grai law ai. Ya gaw mawdaw ni nbungli ni jawn nai ma law wa majaw nau n law wa ya gaw. Moi kaw na nga. Raitim, bai gaw gap bai le i. Bai gaw gap ai re majaw mi na gaw dai hku n re ai le. Bai gap ai gaw jahku shi jan ning hta she bai gap ai. Mi na gaw dai hku n re le. Hpun pyen, hpun pyen hte hpri tsut rau sha re. Wut hte n re. Shara gaw mi kaw na nga le. Um, moi Inglik prat kaw na nga. Inglik prat kaw na nga. Japan, Japan prat hta ma dai gat sha re. Wunji ni na nta maga gaw. Dai mung moi kaw na le. Moi shaloi gaw pitu ni na le. Dai hpang de reng she wunji aingya ni shatai kau le. E le, dai gaw moi ning nan gaw Sana Kawng mare le. Dai Jinghpaw hpyen la ni nat kau kaw na, Inglik ni gaw yawng hpe akwet cha na masha hpe, masha ni hpe gaw, dai kaw nga masha ni hpe gaw sit kaw na shanhte asuya rung shara shatai kau le. Wa dai kaw awra hpan byin na n re i. Shwe ni ja ni pru na n re i? N re law. Masha ni tsun ai gaw ja ni pru na. Htaw masha ni hte n nga ai sha. Re yaw. N re, n re. Wa Myitchyina na research galaw yu chalu she re. Ma hote bu, wunji nga nta ni hpe tsun ai yaw. Dai kaw na hka le. Ja gaw she pru le. Dai hkan ni. Ja gaw dai hkan ni grai law pru. Mali hka ding yang pru. Dai kaw asuya nta re mat ai majaw, dai hteng kaw ja nau n htu na, dai hteng chyu hka gyip mat wa re n mu i. Nang de gaw grai re gaw. Ja nau htu na. Hkin-gau ye na mali hka grai dam mat wa. Awra mung naw nga shi le. A, hpa du rai sata. Myu kaw shi na lup nga ai le. Sama Duwa Sin Wa Naw. Ndai Sama Duwa Sin Wa Naw na shara gaw aw mawgawng kaw nga. Shi gaw mawgawng myu ne de she re mat sai. Lup gaw nang kaw nga. Gara rai sa ta. Ayeya lawk kaw. Ndai ginsup pa lai re kaw le. Lam makau kaw sha re. Sara hpe naw tsun shi le. Anhte na seng dai kaw re ngu. Dai balawk n re sha, dai n du shi yang na balawk kaw re. Dai kaw maka ni hte mung galaw da. Ndai bawlung pa lai re jang. E, dai kaw e, yu yang jut langai mi kaw aw kata de lup kaba ngai mi re nga ai. Dai gaw moi na Sama Duwa Sin Wa Naw, Kachin Pyine Wunju Chuk Hawng, nambat langai lang na. Nga ai. Um, masha kaba gaw n lawm ai. America kaw ma nga. Shara wun galaw ai ni gaw marai hkawng masum nga ai. Asuya mung masa hte shara bai lu ai gaw n nga. Inglik prat na nta ni gaw ya gaw grai taw sai law. Nga gaw nga. Asuya wunji nta ni gaw hkawng nga ai. Dai gaw Inglik prat na nta ni hkawng nga. Bai na, Hta tung gaw dai n re. Dai shaloi na raitim, dai hpang she gap ai. Lut lat ye lu ai hpang gap ai she re. Lut lat ye lu ai hpang gap ai. Dai ang bai na Inglik prat na dum nta ni, grai taw sai. Hpyen asuya prat e tsawm ra mi lai kau ai. Nau n nga sai. Nang kaw Inglik ni ma grai law hkra n gap da. Bai na Inglik ni gap ai ma wut dep hte n gap ai le. Hpun hte, maisak hte gap ai. Re majaw na na n hkam ai le. Hten mat wa. Rai na nkau mi gaw shakum di na masala bai shakap ai baw le i. E, dan re nta ni nga ai. Dai gaw zinlum ni, sumpra bum ni. Nang kaw Inglik prat na gaw nau n nga sai law. Nau n nga. Ya na tsi rung gaw, Ya na tsi rung gaw hkying mi jahku tsa kru shi ning jan hta gap ai. Ya matut na mung bai jat bai jat re majaw dai ram kaba. Mi na gaw dai ram n kaba. Nang kaw shang ka-ang kaw na dai sha re. De shawng kaw gaw ya tsi rung ashawng daw kaw e, Ning re, hpri tsut hte ning nga ndai hku ning ning re lum lum di galaw da baw le. E, dai baw tsi rung she re. Bai na dai shakum, shakum kaw e masala bilat bai pau ai htap lahkawng re tsi rung ma hpyet kau sai le. Hpyet kau sai moi Inglik prat na. Ngai kajai shaloi dai kaw tsi rung rawng yu. Ya na tsi rung kaba gaw kru shi jang ning hta she galaw. Kru shi jang ning hta re, Myitchyina daksu. Ndai ming bilding wa le i. Ngam mai makau hkan na gaw hpang e bai jat bai jat re. Mi gaw ming bilding dai ngai sha re. Nta kaba ngai mi sha re. Myitchyina daksu. N nga. Nbungli kwin sha re. Myitchyina daksu glaw na hkrat ai gaw ya aw mapahka lai, le tat ma kau kaw re. Ya baho saik pyo ye chan nga dai shara kaw re. Raitim, Sama Duwa Sin Wa Naw she, dai shaloi Jinghpaw mung daw asuya ni "a ndai shara kaw gaw, ndai shatapru kaw Jinghpaw ni malawng nga ai. Hpang mung Jinghpaw ni chyu sha rai mat wa. Gala ni wa jang gaw Jinghpaw ni chyu sha rai na sha ra re. Myu ka-ang kaw ma rai taw re majaw gaw Ndai Inglik, American ni gaw ndai, Nbungli kwin hpe gaw dai ni du hkra n jaw yang, ndai ashe re. Shi shap da ai mung dai kattaya hkin nyep da hteng sha re gaw i. Ndai makau hkan na n lawm ai majaw. Ndai hten wa ga. Nbungli kwin ndai hten u ga. Ndai kaw anhte daksu wang shatai na ngu na. Awra maga na lapran kaw din ai. Lapran kaw nbungli kwin, nang maga daksu wang, ndai maga daksu wang di na, dai hku galaw na. Hpang jahtum gaw hten mat wa rai nga. Um. Mi gaw dai kaw n re. Reng gaw, mi Myitchyina Daksu n rai jang gaw Myitchyina degari kawlik, de hpang gaw Myitchyina deta kawlik. Dai hpang gaw Myitkyina kawlik. De shang gaw Myitkyina U-pasa kawlik. U-pasa kawlik gaw ya ahtaka tit makau kaw na ya ahtaka ku hte lung seng rung, dai hteng yang kaw Dai dai, ayeyar yatkwet le i. Eya yatkwet. E dai kaw gaw mina U-pasa kawlik. Awra Myitchyina daksu shara gawgap ngut ai hpang she awra de bai htawt. Kru shi jang ning hta re dai. Mula tan jawng ni gaw kaga nga le i. Mula tan, ale tan, ahtet tan, ni gaw kaga nga le i. Awra gaw tsang shi awng kaw na htawra de lung. Daksu, kawli san san le i. Hkawng ning. Hkawng ning dai ngut jang she, Yangon daksu, Mandalay daksu e, dai de bai sa. Dai de bai matut lung ai. Mi anhte ma nang law hkawng ning lung. Dai ngut jang Mandalay daksu bai lung. Dai hku re. Ya gaw nang kaw daksu re mat ai majaw. Yang htum hkra Masata htum hkra mai lung mat wa. Masata, PHD du hkra mai lung ai. E, Myitchyina na, um, rai na moi kaw na shawng nga ai gaw nawku jang ang gaw ndai Geis i. Bai na St.Columbun. St.Columbun, e. Bai na ndai ya ahtettan jawng kaw na ahtaka tung, Dai gaw mi mission jawng rai nga. Dai wang yawng re. Awra maga wut hte re ma, hpunpyen hte re ni ma yang. Mission, St.Columbun mission na jawng re. Jawng re ma lawm ai. Jawng n re hpe mung U Ne Win ting la kau ya ai le i. Jawng n re ai du hkra. E, ndai ma ma ni, yup ai shara du hkra ting la ya ai. Rai na, ma ma ni a arung arai gumhpraw du hkra kashun la ya. U Ne Win prat e. Reng gaw hkum tsing, tinang hpun da bu palang rau sha shinggan de n shang wa shngun ai. Yang chikpit kau na she shinggan kaw. Mawga nta rau she bai nga taw nga ra baw le i. Dan re ni nga ai. Reng gaw Inglik prat kaw na Inglik ni hpaw ai jawng ngu ai ya gaw ahtakatit, dai gaw Inglik prat kaw na. Inglik ni hpaw ai jawng nan rai sai. E, Inglik asuya prat na jawng gaw dai ngai sha nga. Ngam ai gaw Mission jawng rai. Ahtaka nga mung Inglikgan ni na. Moi ya gaw set mu set mu let mu ahtettan jawng gaw, moi gaw ashe, bapbtis ni na, e, dai hku. Dai hku she re. Ngam ai ni jawng ni chaw ya nnan bai jat ai ni re le i. Shatapru nawku jawng gaw moi kaw na n nga. Moi gaw shatapru kaw nat jaw chyu sha nga gaw. Kru shi ning grup pyin du hkra gaw hpung masha n nga gaw. Nang kaw. Nat jaw sha nga. Kru shi jang ning sanit shi ning du hkyen nai shaloi she hpung masha ni loi loi nga wa n na. Kru shi jan ning hta dai kaw ya hkaplup hpung ni nawku jawng kaji share, ji sha re ngai mi gap. Bai na she sanit shi, e hkying mi kahku tsa e sanit shi hkawng, hkawng ning kaw na gaw hkatawlik nawku jawng e, dai nga wa. Mi gaw nat jaw ni sha nga. Nat jaw ni rai yang dumsu ni sat sha, sat sha dumsa rai jang she, gala ni gawrahka ni gaw shanhte gaw, shanhte hpe naw ai re le i. Hkrit na yawng hpe shakram kau le i. N na ai. N na ai. Dai gaw hkun, hkun jan ning rai sai. Dai ram sha re. Jak li hte. E jak li hte aw lawu de she re. Aw gat makau kaw na dai kau na hkin rawn ai. Nang kaw na maw jak li kachi ni hte hkin rawn ai. Moi na mali hka gaw, aw hka ka-ang de she re. Re grau ngwi grau ngwi ndai ja htu ni hpa ni a majaw she yawng awun sha na nang de grai dam mat wa le. Ya gaw ndai balaminhtin gap ai. Moi gaw hka kau de nga gaw matsan ai ni nga. Ya gaw hka kau kaw gaw pyaw dum jang she balaminhtin galaw ai hpang gaw lusu ni hka kau de bai nga. Reng gaw hka dem ni bai ndai, yekata ni galaw wa yang she mali hka gaw bai bai kaji wa ya gaw. Bai kaji wa. Hkahkin gau gaw bai, bai jat wa. E, dai hku wa byin ai. Nga ai. Shi ning ram rai jang gaw kalang lang kaba ai. Kalang lang gaw shaning shagu kaba ten ma lawm ai. Kaba ai re. Anhte gaw grai kaba ai ten hta nga gaw ndai ram ram du gaw. Um, shatapru kaw. Ndai kaw, ndai nta kata kaw nga yang nang kaw du ai. Ndai ram du ai. Nta kata de anhte hkali hte ntsa de lung ai. Geis hte St. Columbun, dai hkawng sha re. St. Columbun. St. Columbun, hkatawlik. Ndai hkawng sha re. Ngam ai ni gaw hpang na she re. Bai na aw Tang Hpre kaw na gaw mi kaw na Inglik prat kaw na nga ai nawku jawng re. Tang Hpre kaw na. Tang Hpre. Myit Sung le. Myit Sung kaw na nawku jang. Moi Inglik prat kaw na nga. . Language as given: Jinghpaw
Format:		Digitised: no Media: Audio
Identifier:		KK2-0266
Identifier (URI):		http://catalog.paradisec.org.au/repository/KK2/0266
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK2/0266/KK2-0266-A.mp3
		http://catalog.paradisec.org.au/repository/KK2/0266/KK2-0266-A.wav
		http://catalog.paradisec.org.au/repository/KK2/0266/KK2-0266-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0266
DateStamp:		2021-07-29
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Nshang San Awng (speaker). 2020. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia