OLAC Record oai:paradisec.org.au:KK2-0239

Metadata
Title:		Ginru ginsa (Migration)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Jat Sinwa (speaker), 2019. Ginru ginsa (Migration). MPEG/X-WAV/XML. KK2-0239 at catalog.paradisec.org.au. https://dx.doi.org/10.26278/5fa2c9b2f3277
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Jat Sinwa
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-01-28
Date Created (W3CDTF):		2019-01-28
Description:		Transcription (La Ring) E ya ngai tsun na labau maumwi gaw anhte Jinghpaw Wunpawng amyu masha ni yu hkrat wa ai ginru ginsa labau rai nga ai. Labau a gabaw gaw ginru ginsa lam ngu ai re. Anhte Jinghpaw Wunpawng amyu masha ni e lahta dinghta majoi kaw na anhte yu hkrat wa nna ndai mali hku majoi de anhte du hkrat wa ga ai. Mali hku majoi kaw na mali hku majoi kaw nga ai aten hta e anhte ndai e ginru ginsa kaw na i Mali Hpungnawn ngu ai dai Mali Hpungnawn a shi hpe lam woi ya ai Miwa hpung Shawa Hpung Gummawn ngu ai dai wa ndai Mali Hpungnawn kaw rap na shaloi e ndai hkan nang ai ni hpe tsun ai ga gaw "E ndai kaw sadi nna rap ga" ngu tsun ai shaloi dai kaw hkan ai ginru ginsa ma ni gaw "Hpabaw da aw mali da aw" nga na she tsun ai kaw na Mali hka ngu na byin wa ai re. Dai hpang e anhte e shanhte gaw dai kaw na Mali Hpungnawn kaw rap nga ai shaloi e Numlawng lakang ngu ai dai mahkrai hte hkrai nna she Numlawng lakang gaw e Numlawng hpun gaw manyen ai re majaw dai kaw dai hpe hkai nna lai ai shaloi kashawt kahpai ai shaloi e dai kaw na anhte Jinghpaw ni mying lu ai ngu na hkai ma ai. Dai kaw anhte Marip Lahpai Maran Magawng Dureng Hkashu Hkasha Maran e dai kaw anhte myu Wunpawng sha ni dai kaw e mying lu ai nga na hkai ma ai re. Dai kaw na anhte dai kaw na gaw e ginru ginsa ma ni gaw Nen Di Tan ngu ai ndai Putao ga kaw e shanhte lai ai. Nen Di Tan kaw na lai ai shaloi ndai San Lan kadawng ngu ai kaw du ai. Dai San Lan kadawng kaw na lai ai, lai ai hpang gaw Mung Lang hka kaw rap ai. Mung Lang hka kaw na e Mung Lang hka kaw na Hkau Min Du hkyet dai kaw lai rai na Mung Yang hka de du. Mung Yang hka kaw rap nna N-yaw hka hku de N-yaw hka hkan nna e yu mat wa ai. N-yaw hka kaw na gaw mali hka de bai du ai. Mali hka de du ai mali hka kaw gaw dai Dum N-tep ngu ai shara kaw du ai re. Dum N-tep kaw gaw ndai ginru ginsa ma ni gaw e nlung shadaw jun nna dai kaw mahkrai hkrai nna dai kaw lai mat wa ai. Lai ai hpang e Dingla kawng mare kaw Dingla kawng kaw bai du ai. Dingla kawng bum kaw na ndai e Dingla kawng bum kaw na gaw e Dingla kawng bum kaw lai rai na ndai N-yawt bum de bai du. Buren bum e Burawn bu de bai du ai shaloi gaw shanhte ndai lapu kaba langai mi dai hku na taw nga ai. Dai lapu hpe gaw e Shawa Hpung Gummawn nhtu kaba shaw nna kahtam sat kau ai. Dai kaw na Zau Ra bum de bai hkoi. Zau Ra bum kaw na gaw e htaw ra N-nam bum de bai du, N-nam bum kaw na gaw dai kaw na gaw htaw Ningmung Ninghkyeng ngu ai shara de du mat ai. Dai Ningmung Ninghkyeng Wa Yup Yang kaw e shanhte shanu nga ma ai. Dai Wa Yup Yang kaw shanu nga ai ahkying aten hta e ma hpe hta sha ai galang kaba e dai nga ai. Dai gaw dai kaw nga ai ahkying aten hta e ma ni hpe e galang dai gaw hta sha sha rai ai. Dai hta sha ai shaloi gaw ndai kaw na ndai e ginru ginsa e hkawm ai ningbaw ningla ni gaw dai galang hpe gap na matu shanhte yaw ai. Yaw ai shaloi ndai salung sala hpun ngu ai dai kaw she ndai nai hkala ru wa e dai kaw e sumwum byin mat wa ai. Hpun ntsa kaw ndai hkum sumwum kaba byin mat wa e byin ai hpe e shanhte dai kaw galang gaw ma hpe dai kaw hta na sha sha re hpe chye ai majaw dai nai hkala ru hpe tam ai shanhte. Tam ai shaloi gaw le mali hka hte sang hka zup kaw dai nai hkala ru wa dai kaw tu nga ai hpe mu ai. Dai mu ai shaloi gaw ningbaw ningla ni gaw dai hpe e sa htu gawt na ndai nai hkala ru hpe sat kau ai. Sat kau ai shaloi ndai sat kau ai shara ya du hkra dai e nai hkala ru htu ai nhkun ni bai na nlung shingban ngu ai ga htu ai baw dai baw ma ya du hkra ma taw nga ai re. Dai sakse naw nga ai. Dai kaw na gaw sanit ya na yang gaw dai e nam sumwum ni wa yawng nyip mat wa ai. Nyip mat wa ai shaloi gaw shanhte dai kaw ndan kaba hte ja ndan ndan kaba hte gap nna e dai u galang hpe e gap sat kau ai. Dai u galang gaw dai kaw hkra nna dai Ningmung Ninghkyeng shara kaw na deng hkun daram tsan ai shara kaw hkrat si mat wa ai. Dai kaw na gaw e ndai ginru ginsa ma ni gaw bai e yu mat wa ai. Ndai nlung chyu nga ai e Dan hka, Dan hka hkan nna yu mat wa nna Hta hka kaw du ai. Hta hka kaw du ai hpang she e dai Hta hka kaw Shi Hkan daru kaw rap nna e maka kawa tu ai dai kaw lai i rai na she nlung chyinghka de bai du. Nlung chyinghka kaw na e shi gaw Shang hka hka nam de yu ai. Shang hka hka nam de yu nna she dai N-bu hkan kaw N-bu hkan daru kaw she Mawa hpung aw Shawa Hpung Gummawn ngu ai e dai wa gaw ndai "Anhte shapawng yawng n-gun ja shingjawng ga" nga nna dai kaw nlung kaba langai mi e manu mana kaba ai nlung langai mi hpe e hka ndai nlung ntsa kaw bai hpai mara da ai. Mana wa Ning Awn ngu ai wa mung langai hpai mara da ai. Shan lahkawng nlung kaba ba law ai lahkawng dai hku na langai hpra mara da ai. Ya daini ndai ahkying aten du hkra Mawa Hpung Gummawn mara da ai nlung gaw hkrat na zawn zawn hkrat na zawn zawn raitim mung nhkrat ai hka kade kaba timmung nhkrat ai. Mana wa Ning Awn mara dat ai nlung wa gaw hkrat nna hka la-ing de taw nga sai. E dai kaw na dai Nbu Hkang, Nbu Hkang kaw na gaw shanhte e bai ginru ginsa hkawm matut ai. Matut ai shaloi htaw Tup Lahkyik bum ngu ai dai de du ai. Tup Lahkyik bum kaw na she e Malang Di hkyet kaw lai, Malang Di hkyet kaw lai na Nbawng Lawng dumlawng ngu ai ndai ga dum lawng e dai kaw lai ai. Dai kaw lai ai shaloi gaw anhte e N-ga dingsa ga bai du ai. E N-ga dingsa ga kaw na lai ai shaloi gaw Nbawng lawng aw Latsa dumlawng ngu ai ga dumlawng kaw kalang bai lai ai. Lai ai shaloi gaw le Shingyang Kadi ngu ai Shingyang Kadi de bai du. Dai Shingyang Kadi kaw na gaw Ja Ran ga de hprawt. Ja Ran ga kaw na e lai e Ja Ran ga kaw na lai ai hte gaw Kadawng ga de du ai. Kadawng ga kaw na ndai aw Ja Ran ga kaw na lai ai shaloi e Numru hka ngu ai Ningwa dun kadawng hku na lai rai na kadawng ga du ai. Kadawng ga kaw na lai ai shaloi gaw ya anhte labau shang rai nga ai jahku numshe ndai lambraw jahku zup ai shara kaw du. Dai kaw na lai yang gaw Gumsawn ga kaw du ai. Gumsawn ga kaw na ginru ginsa ma ni gaw dai hku hkawm mat wa re shaloi gaw e Dingbu dingsa du ai. Dai Dingbu dingsa kaw na mung kalang mi bai hkawm lai na she ndai Chyaihku e Chyaihku gindai de e ndai hpun chyalai tu ai Chyaihku de e shanhte du mat ma ai. Dai hpun chyalai tu ai shara kaw shaning na na dai kaw ginru ginsa ma ni nga nga sai. Hpang e dai kaw na lai rai na she Hkranghku majoi de bai du. Hkranghku majoi de du ai shaloi gaw shanhte ndai e yi hkyen ai ni bai na ndai numwawn numla e zawn re ni poi zawn re ni galaw na matu shanhte bawng ban ma ai dai shara Hkranghku majoi kaw. Dai bawng ban ai shaloi gaw dai shanhte ginru ginsa kaw lawm sa ai nga, nga wuloi langai mi shi gaw mi htaw mahtum mahta kaw na nan dai hku woi hkan ai e nga dai wa gaw dai shanhte dai hku bawng ai shaloi gaw dai nga wa gaw ga shaga wa ai. Nga wuloi dai gaw ga shaga na she e shi gaw hpabaw tsun ai i nga yang, "Ngai gaw mahtum mahta kaw na ya daini nanhte kaw nanhte hte rau rai na ya nang kaw du ai, mahtum mahta wa tsun dat ai gaw anhte gaw aw ngai hpe sat nna nye na nsoi nsa gaw shanhte mahtum mahta maga de e hkungga jaw u ga. Bai na nye na nye na hkum hkrang shan ni hpe gaw nanhte ginru ginsa ni hpe ngai tsun dat na, ndai magawng mang ngu ai ndai hpe gaw salum sin ni bai na n-gun shan ni magyi ni dai kaw na shan ni hpe e kachyi chyi pu sin ma hkra hpe jahkum la nna dai hpe gaw e hkungri kaw tawn da na e nat ndai sharep nat ni hpe e ndai nat mahkra hpe e ndai hkungri kaw tawn na hkungga jaw mu" ngu na "Ndai mahtum mahta ni matsun dat ai re. Bai na ndai nanhte shinggyim masha ni gaw ndai mayu shayi kahpu kanau makyin jinghku jinghku jingyu ni hpe gaw ndai hku matsun dat ai e mayu maga de gaw e mai tsan lawm ai hkra maga na lagaw magyi hpe e jaw mu, bai na lapai na hte e salum gaw ndai poi madu ni nta madu ni hpe jaw mu, bai na du gaw dama ni hpe jaw mu. Bai na ndai e tsa pyi shup ai tsa pyi pyi ya ai e num hpawmi ni hpe gaw ndai shingni nu shingnu shingni nu shan jaw mu, bai na kaga hpawmi ni hpe gaw ndai magyi lahkawng zup ai shara kaw e nga ai shan dai hpe e hpawmi ni hpe jaw mu, bai na ngadang la ai ni hpe gaw ngadang la ai hkungri galaw ai ni hpe gaw baw jaw mu. Bai na ndai e hkinjawng wa hpe gaw ndai garep na shan jaw mu" e ngu na matsun dat ai. E dai hte maren rai na ya anhte daini du hkra mayu dama makying jinghku jingyu ni hpe e ndai numwawn numla poi galaw ai shaloi gaw dai hku na anhte jai lang ga ai. Dai kaw e anhte um ginru ginsa e gaw dai kaw e shaning na na hkring nga sai rel Dai kaw na dai hpe e anhte gaw ya daini daina du hkra ndai ginru ginsa labau hte nnan yu hkrat wa ai kaw na ndai poi lamang galaw ai du hkra shi na e shi hpe e ginru ginsa ni lang ai labau hpe anhte ni daini du hkra lang nga ga ai re. Ndai e chyut-yun-chet langai hku na i Myen hku gaw lawm sai chyut-yun-chet langai hku na gaw ndai e Nbu hkan kaw e nlung mara ngut ai hte gaw Shawa Hpung Gummawn gaw dai kaw na bai sai. Bai ai gaw shi gaw "Ngai gaw e nlung chyu, e nlung chyu chyu nna pyilan madai tai na ngai gaw dai de wa nga na" shi gaw Mawa Hpung Gummawn gaw dai kaw na bai mat wa sai. E maumwi gaw labau gaw dai kaw ma sai hku re. Matut nna mung e naw nga ai raitim mung ya ndai kaw naw jahkring ga. . Language as given:
Format:		Digitised: no Media: Audio
Identifier:		KK2-0239
Identifier (URI):		http://catalog.paradisec.org.au/repository/KK2/0239
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK2/0239/KK2-0239-A.mp3
		http://catalog.paradisec.org.au/repository/KK2/0239/KK2-0239-A.wav
		http://catalog.paradisec.org.au/repository/KK2/0239/KK2-0239-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0239
DateStamp:		2021-08-27
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Jat Sinwa (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia