OLAC Record: Shada matut mahkai ai lam (Greeting style)

OLAC Record
oai:paradisec.org.au:KK2-0226

Metadata

Title: Shada matut mahkai ai lam (Greeting style)

Access Rights: Open (subject to agreeing to PDSC access conditions)

Bibliographic Citation: Keita Kurabe (collector), Keita Kurabe (depositor), Ndawng Awng (speaker), 2020. Shada matut mahkai ai lam (Greeting style). X-WAV/MPEG/XML. KK2-0226 at catalog.paradisec.org.au. https://dx.doi.org/10.26278/5fa2c8cbecde8

Contributor (compiler): Keita Kurabe

Contributor (depositor): Keita Kurabe

Contributor (speaker): Ndawng Awng

Coverage (Box): northlimit=27.331; southlimit=23.137; westlimit=95.335; eastlimit=98.498

Coverage (ISO3166): MM

Date (W3CDTF): 2020-09-13

Date Created (W3CDTF): 2020-09-13

Description: Translation (La Ring) E anhte Jinghpaw Wunpawng amyu sha ni gaw lai wa sai latsa ning a wo ra maga de nga jang hkristan hpung rai nrai ai ten ji jaw nat jaw nga ai aprat ladaw hta e myi di hpung nahpang tung rai na nga lai wa ai ngu ai hpe chye lu ai. E shing re ai aten hta gaw shada matut mahkai ai lam shada hku hkau ai lam ni hta mung e ya na zawn kachyi mung nnga ai hpe na chye lu ai. Matut mahkai lam gaw ndai wun ginhtawng ngu ai aten hta hkawm wa hkawm sa ai e hkrun lam manam hte hte kumhpaw kumhpa jaw dat shagun dat rai nna e shiga ni hpe sa dat shagun dat re lam hte matut mahkai nga ai ga rai nga. Moi gaw laika ngu nnga ai i ya na zawn matut mahkai ai lam hta hkrun lam yak ai bai na gaw ndai e shiga la ai lam hta yak ai lam ni nga ai majaw matut mahkai ai lam grai ningra ai prat hta shamyeng gawng rawng rai nga ai rai nga. Kahtawng langai mi mung dai kaw shanhte na shanhte na nga, wo ra kahtawng mung dai hte maren e dai hku nga re aten hta e anhte Jinghpaw ni matut mahkai gaw gara kaw bai hpang wa a ta nga jang ndai kumhpaw kumhpa ngu ai masat masa kumhpa shagun ai lam hte hpang ai lam hpe chye lu ai i. Rai yang gaw dai kumhpa ni gaw hpa rai ta nga jang ga shadawn e ndai mare na salang wa langai gaw htaw ra mare kaw nga ai tinang a jinghku e jingyu ni hpe shiga jaw mayu jang laiwa laisa manam ni hpe "E hkau e nang kanang sa na nta" "Dai kahtawng de sa na lo" nga jang "E rai sa dai kaw nye jinghku ni nga ma ai anhte ni kaja nga ai ntsa ni kaja nga ai ngu tsun ya mi yaw" ngu htet dat rai na jum kumhpa mi makai na shagun dat. E dai jum kumhpa shagun dat ai gaw htaw tinang jaw mayu ai ni shagun mayu ai ni kaw du du jaw ya ma ai moi na ni grai sadi dung ai. E rai na she dai jum kumhpa makai ai gaw hpabaw lachyum ta nga yang jum gaw hpraw tsawm ai, lahkawng gaw shi gaw sama nnga ai raitim mung shi gaw namchyim rawng ai. Ndai namchyim gaw shum ai ndai namchyim rawng ai rai nna ndai tsi kaba re. Moi gaw tsi hku lang ai i jum hpe tsi hku lang ai. Bai na shi gaw hten kawn lu ai ma hkra hpe shazim ya lu ai shamat lu ai i. E dai majaw jum hpe madung lang nna kumhpa makai jaw dat ai lam hpe galaw lai wa ai nga jahta ma ai. Dai lam hpe matsing lu ai mu lu ai. Bai lahkawng gaw e shan jahkraw kumhpaw kumhpa shagun ai lam nga ai. Ndai gaw e tinang a kaji kawa ni kanyi katsa ni hpe tinang a num wawn numla poi kaw nshaga lu ai nsaw lu ai shanhte ma saw tim mung ndu lu ai sumtsaw sumtsan re majaw ndu lu mat jang shanhte gaw hpabaw galaw ma ta nga jang dai hkungran poi kaw nga wuhku wula sat ai shan hpe atsawm sha jahkraw tawn da ai. Atsawm sha jahkraw tawn da nna dai poi kaw ndu ai shanhte a kaji kajum ni hpe shan jahkraw dai shangun dat ai. Atsawm sha lahpaw hte makai nna i tsawm hkra htap hkra pali hte gyit ngang ngang di na shagun jaw ma ai. Dai hpe htaw kajum kaji ni lu la jang mung grai kabu ai. "Aw nye hkri nye shu ni e hkungran poi galaw ngut ma sahka, yahte anhte hpe saw ai re wa, shaga ai re wa anhte nlu sa kau dat ai, dai majaw kabu ya sai lo ara lo e sut su mu ga lo mayat maya mu ga lo kungrawng kungra mu ga lo" ngu na shaman ga tsun let dai kumhpa hpe e e. (pat da nu pat da nu). Dai shan jahkraw lu la jang mung majoi e nsha nga ai. Shaman ga i asak kaba dai nta na kajum kaji wa e shaman ga tsun nna "E nye shu nye sha nye hkri ni hkungran poi galaw ai shiga na lu sai lo kabu ai lo gara ai lo. E shu ni hkri ni e hkungran poi galaw sai majaw e mayat mu ga lo maya mu ga lo kung lu kung ra mung ga lo sut ring gan chying mu ga lo, e bum shagu wan tu mu ga lo" ngu shaman ga i tinang chyoi ai daram tsun nna she dai shan jahkraw hpe sha ma ai. Sha ai kaw tsa mai yang mai na jap htu htu na sha yang sha na le i e dai hku galaw ma ai. Rai yang gaw masum gaw hpabaw lang a ta nga jang e ndai shada da myit npyaw hkat ai lam lama byin sa nga jang gaw majap shagun chye ai da myit npyaw ai lam nga yang i myit npyaw ai lam nga yang. "E nanhte anhte hpe shing ngu tsun ai shiga na ai majaw anhte myit npyaw ga ai, dai majaw myit masin kahtet nga ga ai ngu" majap shagun ai da i. Majap hku ngwi hpe atsawm sha makai na kumhpa shagun. Rai yang gaw wo ra lu la ai ni mung e hkap la ai ni mung "Aw ndai ni myit npyaw nga sai dai majaw anhte shanhte hpe tawngban tawngsi di galaw ra sai" ngu na she kaja wa nan shanhte gaw jum kumhpa bai shagun dat i. Jum kumhpa shagun yang e ndai myit npyaw ai masha ni wa "E ya gaw myit pyaw saga ai" ngu di tsun ai hpe gaw jum kumhpa shagun ai. Jum kumhpa du yang e shanhte jum kumhpa bai nhtan ai sha majap kumhpa bai htan jang gaw wo ra ni gaw e majap kumhpa lu la ai ni gaw tawngsi tawngban ai ngu galaw ra sai. Moi gaw tawngsi tawngban ai ngu gaw majoi ngalaw ma ai i dik shale nna tsa dinghkru gaw jaw ra ma ai shadun ra ma ai. Tsa dinghkru lang jang u sat di i nga hkwi di nga (fish) shan ni hpe tsa mai mai nna dai hpe atsawm sha e mara tawngban ai lam galaw ma ai. De a lahta loimi nambat lahkawng ngu na madang gaw e shat lit gun di sa tawng ban ai i. Shat lit gun nna "E ihteng nkung kyang ai majaw naw kaji kadun ai majaw nchyoi nchye ai majaw tsun shaga shut ai rai sai lo, ma ni myit nsu di rai sai lo mara dat ya mi lo" ngu na shat lit hte sa tawngban ra ai. Shat lit ngu ai gaw ya she majoi gun ai i moi gaw hpaga lahkawng gun ra ai. Hpa mi rai rai hpaga lahkawng shagup di gun ra ai, langai sha mi n-gun ma ai. Dai hte tawngban ma ai. Nambat masum gaw hpabaw bai madang tsaw mat ai ta nga jang e dai shat shingnoi gun nna bau shi hkam bau lawm ra ai. Shi hkam bau gaw shiga magap ai i ngu na "Mara magap ya mi" ngu na shi hkam bau la e jaw shangun ai lam nga ai. Dai gaw moi na htung hkying a matut mahkai ai lam e shada hku sat ai lam re. Dai kawn gaw e mi na hta grau nna tsawra hku hkau hkat sai makying jinghku ni mung grai jinghku mat sai i. Mi pru pru shang shang nre ai ni mung dai kaw na pru pru shang shang rai wa sai ngu. Dai lam gaw e Jinghpaw htung lailen shada matut mahkai lam re. Bai na she shada matut mahkai lam hta gaw hpabaw bai nga a ta nga jang ndai hpu nau matut mahkai lam hpe tsun ga nga jang gaw kahpu kanau ni nta kaw tinang sa na nga jang shat lit yu na i matut mahkai la ai. Bai hpu nau nre ai sha jasam ni hpe hpu nau daw la na nga jang gaw e hpu nau kumbang jun ai ngu ai nga ai. Dai gaw hpaga mali shing nrai hpaga lahkawng shat lit rau i rai na hpu nau kumbang jun la ai. Dai ni gaw hpu nau majing hpa rai sai e kumbang jun la ai hpu nau ni gaw ndai hku nga ai. Dai gaw anhte a mahku mara jasat jasa ai lam. Rai yang e dai hpang gaw anhte hpabaw naw re i nga jang gaw e de prat hpang yang e gaw anhte hpabaw i nga yang ndai jahpan lang sai i. Jahpan ngu ai ga gaw ya na hku nga yang saw shaga laika rai nga, saw shaga laika lasu su laika rai nga. Ga shadawn e Maran Zau Yaw a nta kaw poi kaba galaw na manau poi kaba galaw na nga jang gaw e shi ya nga ai shani manau poi kaba galaw na nga jang dai shaman ngu ai hpe makyit shi di makyit ma ai. Dai shaman gaw hpabaw hte galaw a ta nga jang grau nna gaw shaba lap lang ai. Shaba lap gaw hpa rai na lang a ta nga jang mi ndai e gumgun gunhpai nat ni lamu madai kaw na ma shaba lap hpe matsun madun ai lam nga ai. Rai yang she ndai e ningwawt dumsa ni mung shaba lap hpe lang ai lam nga ai. Rai yang gaw amyu myu chyawm gaw e di loi ai le i, kadoi loi ai di kau loi ai majaw mung rai na. Raitim mung madung gaw ya sha tsun ai mi na e majun nga ai ga matsun nga ai majaw lang ai. E dai shaba lap hpe rit la nna she kaji ji di rit la nna she dai hpe shi di makyit nna yawng hpe shadu ai. Daini lani mi lai jang lani mi na di kau, hkawng ya lai jang hkawng ya makyit lahkawng hpe di kau. Masum ya lai jang makyit masum hpe di kau. Rai yang gaw sanit sha nga sai gaw ya nhtoi sanit ya nga, e sanit ya bai lai jang e mali hpe bai di kau. E dai hku dai hku htaw dai makyit langai hpe lang nna sa ai. Makyit langai hpe lang nna sa ai gaw "E nanhte shu ni hkri ni e Maran du ni jaw ai shaman jahpan lu la na sa ai rai ga ai lo du ai rai ga ai lo" ngu nna sakse jaw na matu jahpan langai makyit lawm sa ai. Dai gaw du ai hpang shani i di na matu dai gaw wo poi shani rai na. Dai hku re dai gaw jahpan ngu ai ga nga ai. Si hkrung si htan mung dai jahpan lang ai i jahpan lang ai. Dai gaw ya anhte pyi dep sai law moi galoi prat kaw mi lang mi re nchye ai i ya anhte dep ai gaw ndai hkying mi jahku tsa kru shi manga ning kru shi e sanit shi ning hkan du hkra lang ai hpe matsing ai i. Anhte hpang de gaw lasu su laika ngu ai mung nnga ai, ka na matu yawng hpe gu gu ra ra ka na nloi ai le i. Dai majaw jahpan ngu ai hpe lang ai ngu hpe e moi na matut mahkai lam hpe tsun mayu ai. Rai yang e ya matut mahkai lam hta gaw hpabaw bai matut mahkai a ta na jang ndai num jaw num ya nna matut mahkai ai lam mung nga ai i. Ga shadawn du magam shada htaw Maran du ni gaw Lahpai du ni hpe matut mahkai mayu jang shanhte kashu kahkri langai hpe htaw Maran du ni hpe wa jaw ai. "E Maran du ni e anhte Lahpai du ni nanhte hpe hku hkau mayu ga ai lo, dai majaw anhte kashu kahkri langai mi nanhte hpe jaw sha na rai ga ai" ngu jang wo ra ni mung la ya ai Maran du ni ma. Rai jang gaw Maran du ni num lu jang e Lahpai du ni hte jinghku hku sai dai hku matut mahkai ai. E dai gaw kashu kahkri jaw sha ai matut mahkai lam re ndai gaw grai kaba sai dai gaw. E ndai gaw matut mahkai lam hpe ndai hte e lu tsun ai hku re. . Language as given: Jinghpaw

Format: Digitised: no Media: Audio

Identifier: KK2-0226

Identifier (URI): http://catalog.paradisec.org.au/repository/KK2/0226

Language: Kachin

Language (ISO639): kac

Rights: Open (subject to agreeing to PDSC access conditions)

Subject: Kachin language

Subject (ISO639): kac

Subject (OLAC): language_documentation

text_and_corpus_linguistics

Table Of Contents (URI): http://catalog.paradisec.org.au/repository/KK2/0226/KK2-0226-A.wav

http://catalog.paradisec.org.au/repository/KK2/0226/KK2-0226-A.mp3

http://catalog.paradisec.org.au/repository/KK2/0226/KK2-0226-B.mp3

http://catalog.paradisec.org.au/repository/KK2/0226/KK2-0226-B.wav

http://catalog.paradisec.org.au/repository/KK2/0226/KK2-0226-A.eaf

http://catalog.paradisec.org.au/repository/KK2/0226/KK2-0226-B.eaf

Type (DCMI): Sound

Type (OLAC): primary_text

OLAC Info

Archive: Pacific And Regional Archive for Digital Sources in Endangered Cultures (PARADISEC)

Description: http://www.language-archives.org/archive/paradisec.org.au

GetRecord: OAI-PMH request for OLAC format

GetRecord: Pre-generated XML file

OAI Info

OaiIdentifier: oai:paradisec.org.au:KK2-0226

DateStamp: 2021-08-24

GetRecord: OAI-PMH request for simple DC format

Search Info
Citation: Keita Kurabe (compiler); Keita Kurabe (depositor); Ndawng Awng (speaker). 2020. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata
Country: Myanmar
Area: Asia

http://www.language-archives.org/item.php/oai:paradisec.org.au:KK2-0226
Up-to-date as of: Fri Sep 29 2:25:26 EDT 2023

Metadata
Title:		Shada matut mahkai ai lam (Greeting style)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Ndawng Awng (speaker), 2020. Shada matut mahkai ai lam (Greeting style). X-WAV/MPEG/XML. KK2-0226 at catalog.paradisec.org.au. https://dx.doi.org/10.26278/5fa2c8cbecde8
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Ndawng Awng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2020-09-13
Date Created (W3CDTF):		2020-09-13
Description:		Translation (La Ring) E anhte Jinghpaw Wunpawng amyu sha ni gaw lai wa sai latsa ning a wo ra maga de nga jang hkristan hpung rai nrai ai ten ji jaw nat jaw nga ai aprat ladaw hta e myi di hpung nahpang tung rai na nga lai wa ai ngu ai hpe chye lu ai. E shing re ai aten hta gaw shada matut mahkai ai lam shada hku hkau ai lam ni hta mung e ya na zawn kachyi mung nnga ai hpe na chye lu ai. Matut mahkai lam gaw ndai wun ginhtawng ngu ai aten hta hkawm wa hkawm sa ai e hkrun lam manam hte hte kumhpaw kumhpa jaw dat shagun dat rai nna e shiga ni hpe sa dat shagun dat re lam hte matut mahkai nga ai ga rai nga. Moi gaw laika ngu nnga ai i ya na zawn matut mahkai ai lam hta hkrun lam yak ai bai na gaw ndai e shiga la ai lam hta yak ai lam ni nga ai majaw matut mahkai ai lam grai ningra ai prat hta shamyeng gawng rawng rai nga ai rai nga. Kahtawng langai mi mung dai kaw shanhte na shanhte na nga, wo ra kahtawng mung dai hte maren e dai hku nga re aten hta e anhte Jinghpaw ni matut mahkai gaw gara kaw bai hpang wa a ta nga jang ndai kumhpaw kumhpa ngu ai masat masa kumhpa shagun ai lam hte hpang ai lam hpe chye lu ai i. Rai yang gaw dai kumhpa ni gaw hpa rai ta nga jang ga shadawn e ndai mare na salang wa langai gaw htaw ra mare kaw nga ai tinang a jinghku e jingyu ni hpe shiga jaw mayu jang laiwa laisa manam ni hpe "E hkau e nang kanang sa na nta" "Dai kahtawng de sa na lo" nga jang "E rai sa dai kaw nye jinghku ni nga ma ai anhte ni kaja nga ai ntsa ni kaja nga ai ngu tsun ya mi yaw" ngu htet dat rai na jum kumhpa mi makai na shagun dat. E dai jum kumhpa shagun dat ai gaw htaw tinang jaw mayu ai ni shagun mayu ai ni kaw du du jaw ya ma ai moi na ni grai sadi dung ai. E rai na she dai jum kumhpa makai ai gaw hpabaw lachyum ta nga yang jum gaw hpraw tsawm ai, lahkawng gaw shi gaw sama nnga ai raitim mung shi gaw namchyim rawng ai. Ndai namchyim gaw shum ai ndai namchyim rawng ai rai nna ndai tsi kaba re. Moi gaw tsi hku lang ai i jum hpe tsi hku lang ai. Bai na shi gaw hten kawn lu ai ma hkra hpe shazim ya lu ai shamat lu ai i. E dai majaw jum hpe madung lang nna kumhpa makai jaw dat ai lam hpe galaw lai wa ai nga jahta ma ai. Dai lam hpe matsing lu ai mu lu ai. Bai lahkawng gaw e shan jahkraw kumhpaw kumhpa shagun ai lam nga ai. Ndai gaw e tinang a kaji kawa ni kanyi katsa ni hpe tinang a num wawn numla poi kaw nshaga lu ai nsaw lu ai shanhte ma saw tim mung ndu lu ai sumtsaw sumtsan re majaw ndu lu mat jang shanhte gaw hpabaw galaw ma ta nga jang dai hkungran poi kaw nga wuhku wula sat ai shan hpe atsawm sha jahkraw tawn da ai. Atsawm sha jahkraw tawn da nna dai poi kaw ndu ai shanhte a kaji kajum ni hpe shan jahkraw dai shangun dat ai. Atsawm sha lahpaw hte makai nna i tsawm hkra htap hkra pali hte gyit ngang ngang di na shagun jaw ma ai. Dai hpe htaw kajum kaji ni lu la jang mung grai kabu ai. "Aw nye hkri nye shu ni e hkungran poi galaw ngut ma sahka, yahte anhte hpe saw ai re wa, shaga ai re wa anhte nlu sa kau dat ai, dai majaw kabu ya sai lo ara lo e sut su mu ga lo mayat maya mu ga lo kungrawng kungra mu ga lo" ngu na shaman ga tsun let dai kumhpa hpe e e. (pat da nu pat da nu). Dai shan jahkraw lu la jang mung majoi e nsha nga ai. Shaman ga i asak kaba dai nta na kajum kaji wa e shaman ga tsun nna "E nye shu nye sha nye hkri ni hkungran poi galaw ai shiga na lu sai lo kabu ai lo gara ai lo. E shu ni hkri ni e hkungran poi galaw sai majaw e mayat mu ga lo maya mu ga lo kung lu kung ra mung ga lo sut ring gan chying mu ga lo, e bum shagu wan tu mu ga lo" ngu shaman ga i tinang chyoi ai daram tsun nna she dai shan jahkraw hpe sha ma ai. Sha ai kaw tsa mai yang mai na jap htu htu na sha yang sha na le i e dai hku galaw ma ai. Rai yang gaw masum gaw hpabaw lang a ta nga jang e ndai shada da myit npyaw hkat ai lam lama byin sa nga jang gaw majap shagun chye ai da myit npyaw ai lam nga yang i myit npyaw ai lam nga yang. "E nanhte anhte hpe shing ngu tsun ai shiga na ai majaw anhte myit npyaw ga ai, dai majaw myit masin kahtet nga ga ai ngu" majap shagun ai da i. Majap hku ngwi hpe atsawm sha makai na kumhpa shagun. Rai yang gaw wo ra lu la ai ni mung e hkap la ai ni mung "Aw ndai ni myit npyaw nga sai dai majaw anhte shanhte hpe tawngban tawngsi di galaw ra sai" ngu na she kaja wa nan shanhte gaw jum kumhpa bai shagun dat i. Jum kumhpa shagun yang e ndai myit npyaw ai masha ni wa "E ya gaw myit pyaw saga ai" ngu di tsun ai hpe gaw jum kumhpa shagun ai. Jum kumhpa du yang e shanhte jum kumhpa bai nhtan ai sha majap kumhpa bai htan jang gaw wo ra ni gaw e majap kumhpa lu la ai ni gaw tawngsi tawngban ai ngu galaw ra sai. Moi gaw tawngsi tawngban ai ngu gaw majoi ngalaw ma ai i dik shale nna tsa dinghkru gaw jaw ra ma ai shadun ra ma ai. Tsa dinghkru lang jang u sat di i nga hkwi di nga (fish) shan ni hpe tsa mai mai nna dai hpe atsawm sha e mara tawngban ai lam galaw ma ai. De a lahta loimi nambat lahkawng ngu na madang gaw e shat lit gun di sa tawng ban ai i. Shat lit gun nna "E ihteng nkung kyang ai majaw naw kaji kadun ai majaw nchyoi nchye ai majaw tsun shaga shut ai rai sai lo, ma ni myit nsu di rai sai lo mara dat ya mi lo" ngu na shat lit hte sa tawngban ra ai. Shat lit ngu ai gaw ya she majoi gun ai i moi gaw hpaga lahkawng gun ra ai. Hpa mi rai rai hpaga lahkawng shagup di gun ra ai, langai sha mi n-gun ma ai. Dai hte tawngban ma ai. Nambat masum gaw hpabaw bai madang tsaw mat ai ta nga jang e dai shat shingnoi gun nna bau shi hkam bau lawm ra ai. Shi hkam bau gaw shiga magap ai i ngu na "Mara magap ya mi" ngu na shi hkam bau la e jaw shangun ai lam nga ai. Dai gaw moi na htung hkying a matut mahkai ai lam e shada hku sat ai lam re. Dai kawn gaw e mi na hta grau nna tsawra hku hkau hkat sai makying jinghku ni mung grai jinghku mat sai i. Mi pru pru shang shang nre ai ni mung dai kaw na pru pru shang shang rai wa sai ngu. Dai lam gaw e Jinghpaw htung lailen shada matut mahkai lam re. Bai na she shada matut mahkai lam hta gaw hpabaw bai nga a ta nga jang ndai hpu nau matut mahkai lam hpe tsun ga nga jang gaw kahpu kanau ni nta kaw tinang sa na nga jang shat lit yu na i matut mahkai la ai. Bai hpu nau nre ai sha jasam ni hpe hpu nau daw la na nga jang gaw e hpu nau kumbang jun ai ngu ai nga ai. Dai gaw hpaga mali shing nrai hpaga lahkawng shat lit rau i rai na hpu nau kumbang jun la ai. Dai ni gaw hpu nau majing hpa rai sai e kumbang jun la ai hpu nau ni gaw ndai hku nga ai. Dai gaw anhte a mahku mara jasat jasa ai lam. Rai yang e dai hpang gaw anhte hpabaw naw re i nga jang gaw e de prat hpang yang e gaw anhte hpabaw i nga yang ndai jahpan lang sai i. Jahpan ngu ai ga gaw ya na hku nga yang saw shaga laika rai nga, saw shaga laika lasu su laika rai nga. Ga shadawn e Maran Zau Yaw a nta kaw poi kaba galaw na manau poi kaba galaw na nga jang gaw e shi ya nga ai shani manau poi kaba galaw na nga jang dai shaman ngu ai hpe makyit shi di makyit ma ai. Dai shaman gaw hpabaw hte galaw a ta nga jang grau nna gaw shaba lap lang ai. Shaba lap gaw hpa rai na lang a ta nga jang mi ndai e gumgun gunhpai nat ni lamu madai kaw na ma shaba lap hpe matsun madun ai lam nga ai. Rai yang she ndai e ningwawt dumsa ni mung shaba lap hpe lang ai lam nga ai. Rai yang gaw amyu myu chyawm gaw e di loi ai le i, kadoi loi ai di kau loi ai majaw mung rai na. Raitim mung madung gaw ya sha tsun ai mi na e majun nga ai ga matsun nga ai majaw lang ai. E dai shaba lap hpe rit la nna she kaji ji di rit la nna she dai hpe shi di makyit nna yawng hpe shadu ai. Daini lani mi lai jang lani mi na di kau, hkawng ya lai jang hkawng ya makyit lahkawng hpe di kau. Masum ya lai jang makyit masum hpe di kau. Rai yang gaw sanit sha nga sai gaw ya nhtoi sanit ya nga, e sanit ya bai lai jang e mali hpe bai di kau. E dai hku dai hku htaw dai makyit langai hpe lang nna sa ai. Makyit langai hpe lang nna sa ai gaw "E nanhte shu ni hkri ni e Maran du ni jaw ai shaman jahpan lu la na sa ai rai ga ai lo du ai rai ga ai lo" ngu nna sakse jaw na matu jahpan langai makyit lawm sa ai. Dai gaw du ai hpang shani i di na matu dai gaw wo poi shani rai na. Dai hku re dai gaw jahpan ngu ai ga nga ai. Si hkrung si htan mung dai jahpan lang ai i jahpan lang ai. Dai gaw ya anhte pyi dep sai law moi galoi prat kaw mi lang mi re nchye ai i ya anhte dep ai gaw ndai hkying mi jahku tsa kru shi manga ning kru shi e sanit shi ning hkan du hkra lang ai hpe matsing ai i. Anhte hpang de gaw lasu su laika ngu ai mung nnga ai, ka na matu yawng hpe gu gu ra ra ka na nloi ai le i. Dai majaw jahpan ngu ai hpe lang ai ngu hpe e moi na matut mahkai lam hpe tsun mayu ai. Rai yang e ya matut mahkai lam hta gaw hpabaw bai matut mahkai a ta na jang ndai num jaw num ya nna matut mahkai ai lam mung nga ai i. Ga shadawn du magam shada htaw Maran du ni gaw Lahpai du ni hpe matut mahkai mayu jang shanhte kashu kahkri langai hpe htaw Maran du ni hpe wa jaw ai. "E Maran du ni e anhte Lahpai du ni nanhte hpe hku hkau mayu ga ai lo, dai majaw anhte kashu kahkri langai mi nanhte hpe jaw sha na rai ga ai" ngu jang wo ra ni mung la ya ai Maran du ni ma. Rai jang gaw Maran du ni num lu jang e Lahpai du ni hte jinghku hku sai dai hku matut mahkai ai. E dai gaw kashu kahkri jaw sha ai matut mahkai lam re ndai gaw grai kaba sai dai gaw. E ndai gaw matut mahkai lam hpe ndai hte e lu tsun ai hku re. . Language as given: Jinghpaw
Format:		Digitised: no Media: Audio
Identifier:		KK2-0226
Identifier (URI):		http://catalog.paradisec.org.au/repository/KK2/0226
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
Subject (OLAC):		text_and_corpus_linguistics
Table Of Contents (URI):		http://catalog.paradisec.org.au/repository/KK2/0226/KK2-0226-A.wav
		http://catalog.paradisec.org.au/repository/KK2/0226/KK2-0226-A.mp3
		http://catalog.paradisec.org.au/repository/KK2/0226/KK2-0226-B.mp3
		http://catalog.paradisec.org.au/repository/KK2/0226/KK2-0226-B.wav
		http://catalog.paradisec.org.au/repository/KK2/0226/KK2-0226-A.eaf
		http://catalog.paradisec.org.au/repository/KK2/0226/KK2-0226-B.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0226
DateStamp:		2021-08-24
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Ndawng Awng (speaker). 2020. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia