OLAC Record: Jahtawng htu ai lam (Name giving ceremony)

OLAC Record
oai:paradisec.org.au:KK2-0221

Metadata

Title: Jahtawng htu ai lam (Name giving ceremony)

Access Rights: Open (subject to agreeing to PDSC access conditions)

Bibliographic Citation: Keita Kurabe (collector), Keita Kurabe (depositor), Ndawng Awng (speaker), 2020. Jahtawng htu ai lam (Name giving ceremony). MPEG/X-WAV/XML. KK2-0221 at catalog.paradisec.org.au. https://dx.doi.org/10.26278/5fa2c8b85a038

Contributor (compiler): Keita Kurabe

Contributor (depositor): Keita Kurabe

Contributor (speaker): Ndawng Awng

Coverage (Box): northlimit=27.331; southlimit=23.137; westlimit=95.335; eastlimit=98.498

Coverage (ISO3166): MM

Date (W3CDTF): 2020-09-13

Date Created (W3CDTF): 2020-09-13

Description: Transcription (La Ring) Chyeju kaba sai anhte Jinghpaw Wunpawng amyu sha ni hpe e moi ji woi ji wa prat kaw na kaga amyu sha ni hta lak lai ai chyeju wunli langai mi maka kumla masat masa htung hkying laida langai nga ai. Dai gaw hpabaw rai ta nga jang jahtawng htu ai ngu rai nga. Ndai jahtawng htu ai hpe gara kawn hpang wa ai ngu ai hpe chyawm gaw ya ntsun sana i, kadun dawk tsun ga nga jang ya ndai jahtawng htu na rai yang ga shadawn le i Marip ni a nta kaw kanu ngu ai jan hkum gawng li nna ma shangai aten du wa ai hte nta madu wa Marip wa salang wa gaw e nta madu wa gaw yu, nga tam da ra sai. E makoi tsa lajang da ra sai i makoi n-gu lajang da ra sai. Dai gaw ma shangai na hpe tau nau hkyen lajang da ai lam re. Makoi tsa ngu ai gaw e lak lak lai lai di nna magap tawn da ai jahtuk tawn da ai tsa hpe makoi ai tsa nga ai. Makoi shan ngu ai gaw ndum tsawm tsawm re kaw bang nna garap kaw mara tawn da ai dai hpe makoi shan nga ma ai. Rai yang gaw ndai makoi shan makoi tsa hpe gaw jinghku jingyu ni manam ni nta masha ni nnga yang e shang ang tim mung "Ah ndai gaw makoi tsa re ah ndai gaw makoi shan re" nga na nlang ya ai nsha ya ai i. Atsawm sha dai hku chye na tawn da ya ai ndai gaw jahtawng a matu re. Kade ram shareng ai i ngu gaw ma rai nshangai ai kaw na jahtawng htu na matu hkyen lajang da ai lam nga ai ngu hpe tsun mayu ai. Rai sa, jahtawng htu na rai yang gaw ma shangai moi gaw nta kaw shangai ai rai nga. Nta kaw shangai ma nga shangai "nga" nga hte ma mying jaw ra ai. "Ara lo rai sai lo" mi kanu kawa ni myit tawn da ai e Marip kasha rai yang gaw "Marip wa Kum Ja Gam rai u ga lo la sha ma rai yang gaw" ngu. Kaja wa la sha wa rai yang gaw "Rai sa rai sa Marip Gam Kum Ja e, shangai rit lo chyinghkai rit lo, pra rit lo sa rit lo, hkalum ga ai lo hpum ga ai lo tau ga ai lo" ngu di kaji kawa ni gaw ga dai shakra ra ai. Moi prat gaw nat e shawng mying shamying la jang e ma dai ngreng mat chye ai nga tsun ma ai moi na ni. Dai majaw ma shangai "Nga" nga hte "Ara lo rai sai lo Marip wa Kum Ja rai u ga lo" nga e Nhkum kasha rai yang mung i "E num sha ma Nhkum Ja Lung rai u ga lo" ngu di shamying la ra ai. Rai sa rai yang gaw ya jahtawng htu yang gaw hpabaw baw lawm ra ai hpe shawng tsun ga nga jang langai gaw shanam lahkawng gaw jum masum gaw shan jahkraw i. Dai hte masum gaw nlawm nmai re. Rai yang she nbaw shat lawm ra ai i. Rai sa dai lachyum hpe bai htai ga nga jang gaw shanam gaw ga kata e rawng nna n-gun ja dik ai ga hpe sum awng nna sum awn na sum ang na e pra wa ai mayat wa ai e kaba wa ai hpan amyu re. Dai na e tsi tai ai n-gun jan lai ai hpan re. Rai she ndai baw gaw hpabaw rai lang a ta nga jang e mi sha tsun ai mahtum mahta mayu du sumnung ni kaw nna shaman ga matan ga hte "Ndai lang mi e ndai hte shaman myit, ndai hte matan myit, ndai hte galu kaba mayat mara gumrawng gumra wa myit ndai hte tsi myit mawan myit" ngu na jaw dat ai wunli wungau arung arai langai re dai majaw nlawm nmai re. Gai shan jahkraw, nga (fish) shan jahkraw malawng lang ma ai i. Nga shan jahkraw hpa rai nga shan jahkraw lang ai ta nga jang e nga gaw san tsawm ai hka kaw rawng nna shi mung grai san tsawm ai. Grai san seng ai i rai yang e nga gaw kabai hpan nlawm ai i. Ya sep kabai ai gaw nkau shara kaw sha sep kabai ai malawng maga gaw sep du hkra sha ai. Nga hkyi kabai ai mung htung nnga ai nga hkyi hpe mung nga pu ngu na shadu sha ai i. Shalap rau shadu sha ai dai majaw nga ra ai ngu dai nga shan gaw kabai kau na hpa nnga ai. Dai majaw nga gaw reng ai yawng shinggyim masha ni e ra ai nga shan hpe nsha ai masha nnga ai. Nga shan sha di nhtuk ai nga nnga ai dai majaw nga jahkraw lawm ai gaw dai re. Bai nga shan nlu hkwi ai ni gaw lu yang gaw bum de rai yang gaw wuloi shan. Dumsu shan nlang ai lo wa shan nlang ai lo i wuloi shan nan. Wuloi gaw hpa rai nga jang san seng ai. Shi gaw shi aten du yang hkum pa kaw na shi hka shin ai hka shin ai. Wuloi gaw gau la nra ai shi hkrai shi nta wa ai. Yup yang mung shi yup ai shara kaw jit hkyi nbyep ai, jit hkyi byep shara kaga yup shara kaga rai san san seng seng rai nga ai wuloi gaw. Dai majaw nat timung nat hpe jaw ai mung ra ai dumsu hpe nat e nra ai lu nla ai lu i. Dai majaw wuloi shan lang ai lam re nga tsun ma ai. Ya dai ni chyawm gaw wa shan mung jahkraw ai le i mu mamu she nrai sadawng e. E raitim ya mung chye na ai ni gaw dai raw lang ai ni naw nga ai. Jum hparai jum gaw san seng ai tsawm ai shum ai dwi ai e shum ai num ai i hten kawn ai lam nnga ai shi gaw hten kawn mai ai hpe hten kawn yak hkra na na hkam hkra e tawn da mai ai atsam shi kaw nga ai majaw atsam ningja hpring ai e jum re majaw lang ai nga. Rai yang gaw dai hte gaw jahtawng htu ai kaw lang ai re. Nbaw gaw hpa rai lang a ta nga yang nbaw gaw magyep ai. "Ya ndai ma gaw jinghku jingyu kahpu kanau anhte kanu kawa yawng rau magyep kap nna hkau chyap hkau ra di nga kaba wa u ga i. Nbaw hpe yawng e sha ra ai zawn ndai ma mung yawng e ra sharawng ai ma tai u ga, nbaw shat sha yang kat nga zeng nga rat nga ai zawn ndai ma a majaw nta masha jinghku jingyu ni yawng gaw e zeng nga greng nga reng nga u ga" ngu na lachyum jahpaw di nbaw shat lawm ai ngu hpe chye lu ai. Rai yang gaw ya jahtawng makai kaw gaw bai tsun ga nga yang gaw aw jahtawng htu ai kaw gaw kaning re ni htu ra a ta nga jang mayat kanu mayat kawa ni htu ra ai. Num rai yang mung ma kru nga yang ma kru hte ring ai ma kanu, kanu dinggai kawoi dinggai rai ra ai. La salang rai yang mung shi kasha ni yawng prat ai yawng rat ai dai wa htu ra ai. Ga maku ai wa sai lang sai tsawm ai kyang tsawm ai myit masa tsawm ai num la ni htu ma ai. Dai ni matan ai ga ma kaw hkrang ai. Dai majaw jahtawng htu ai yawng mayawng hpe nhtu shangun ai i. Htu ai ni she htu ma ai kam ram ai ni hpe she htu shangun ma ai nga. Dai gaw jahtawng htu ai ni a rai sa. Rai yang she makyit makai ai shaloi gaw hpabaw hpe shawng makyit makai ra ai i nga jang ya nkau mi gaw nbaw shat shawng makyit ai nga rai dai nre dai jahtawng hpe shawng makyit ra ai i. Jahtawng hpe shawng jahtawng makyit ai hte shawng makyit ai wa hpe ma kanu hpe shawng jaw ra ai i. Masha hpe gam yang e ma kanu hpe ma hpe ma nga hpe shawng jaw ra ai. Dai hpang she kaji kawa kadwi ni hpe jaw shawa ni hpe bai jaw rai ma ai ya gaw anhte hpung sara ni hpe shawng jaw ai i hkrak gaw hpung sara ni hpe hkungga ai jaw ai ngu ga, hpung sara ni hpe jaw tim ma nga kanu yan hpe shan kanau yan hpe shawng jaw na kaji kawoi ni hpe jaw na i. Rai yang gaw ya ndai nbaw shat gaw ndai hku rai gam ai rai nga. Rai yang ndai nbaw shat makai hpe hpyan sha yang mung hkrup mara nmai hpyan sha ai i nmai hpyan sha ai. Kadai shawng hpyan a ta nga yang e kung sai, e wahtap hkyen sai chyoi chye sai kung kyang sai salang wa shawng hpyan ra ai. "Ya dai ni nye shu gaw Marip wa Kum Ja gaw shangai ra shaprat ra pra ra sa ra hkalum ai lo tau ai lo shu e, hkam kaja u ga lo kung kaba u ga lo i chyoi chye u ga lo chye chyang kung kyang u ga lo, ngun latsa hpaji lu u ga lo e mading sumtsan dun u ga lo, htaw bum ding hkang mung bum latsa mung shing kawt u ga panglai mung shingtawt u ga i. Ningbaw ningla shara kaw ning ngai u gaw hhkaw hkam hkaw seng shara kaw chyai u ga" ngu di shaman ga tsun ra ai. "E mu a lo sha ga lo shu ni hkri ni e" nga shaloi she masha shawa manaw manang ni mai sha ai nga moi gaw dai hku re. Rai yang e ya sha ma ai hpang jahtawng makyit hpe jahtawng lahpaw hpe majoi nmai kabai ai. Nmai makyit ai hkumba nna tawn shing nrai dai hku hpyan nna tawn ya hta kau ai ni hta kau aten du yang. E wan e mung nmajaw ai wan e mung nmai nat ai, shing kawt shingkra re shara kaw nmai kabai ai. San seng ai shara kaw i dai jahtawng makyit makai lahpaw hpe gaw hpaw tsaw nnga ma ai hpaw mang nnga ma ai dai hpe i. E jahtawng makai lahpaw she nga ma ai e dai majaw hkungga ai. Dai majaw moi na ni jahtawng htu ai ngu gaw grai reng ai i grai reng ai grai manu shadan ai yawng mayawng hpe nhtu ai. Dai ya prat gaw htaw Myen wa hpe mung Jinghpaw la ngu shamying la di jahtawng htu la, Gala la wa hpe mung Jinghpaw la nga na jahtawng htu la e rai na hpung jashawn la masu kade nna yang bai bra e dan re ni grai nga ai. Jahtawng htu ai ngu gaw kaja wa amyu langai a matu mara hpe shalat shaprat ai, shagreng ai lam shareng ai lam nam nak bang ya ai manu nam nak tawn ai lam re ngu jahtawng htu ai hpe grai shareng ra ai grai hkungga ra ai. Jahtawng nhtu ai kasha ni gaw jahtawng nhtu ai zawn re ai. Dai majaw jahtawng htu ai lam gaw grai ahkyak ai lareng bungli kaba langai re ngu na tsun lu ai law. Grai kabu ai. . Language as given: Jinghpaw

Format: Digitised: no Media: Audio

Identifier: KK2-0221

Identifier (URI): http://catalog.paradisec.org.au/repository/KK2/0221

Language: Kachin

Language (ISO639): kac

Rights: Open (subject to agreeing to PDSC access conditions)

Subject: Kachin language

Subject (ISO639): kac

Subject (OLAC): language_documentation

text_and_corpus_linguistics

Table Of Contents (URI): http://catalog.paradisec.org.au/repository/KK2/0221/KK2-0221-A.mp3

http://catalog.paradisec.org.au/repository/KK2/0221/KK2-0221-A.wav

http://catalog.paradisec.org.au/repository/KK2/0221/KK2-0221-A.eaf

Type (DCMI): Sound

Type (OLAC): primary_text

OLAC Info

Archive: Pacific And Regional Archive for Digital Sources in Endangered Cultures (PARADISEC)

Description: http://www.language-archives.org/archive/paradisec.org.au

GetRecord: OAI-PMH request for OLAC format

GetRecord: Pre-generated XML file

OAI Info

OaiIdentifier: oai:paradisec.org.au:KK2-0221

DateStamp: 2021-08-21

GetRecord: OAI-PMH request for simple DC format

Search Info
Citation: Keita Kurabe (compiler); Keita Kurabe (depositor); Ndawng Awng (speaker). 2020. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata
Country: Myanmar
Area: Asia

http://www.language-archives.org/item.php/oai:paradisec.org.au:KK2-0221
Up-to-date as of: Fri Sep 29 2:25:25 EDT 2023

Metadata
Title:		Jahtawng htu ai lam (Name giving ceremony)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Ndawng Awng (speaker), 2020. Jahtawng htu ai lam (Name giving ceremony). MPEG/X-WAV/XML. KK2-0221 at catalog.paradisec.org.au. https://dx.doi.org/10.26278/5fa2c8b85a038
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Ndawng Awng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2020-09-13
Date Created (W3CDTF):		2020-09-13
Description:		Transcription (La Ring) Chyeju kaba sai anhte Jinghpaw Wunpawng amyu sha ni hpe e moi ji woi ji wa prat kaw na kaga amyu sha ni hta lak lai ai chyeju wunli langai mi maka kumla masat masa htung hkying laida langai nga ai. Dai gaw hpabaw rai ta nga jang jahtawng htu ai ngu rai nga. Ndai jahtawng htu ai hpe gara kawn hpang wa ai ngu ai hpe chyawm gaw ya ntsun sana i, kadun dawk tsun ga nga jang ya ndai jahtawng htu na rai yang ga shadawn le i Marip ni a nta kaw kanu ngu ai jan hkum gawng li nna ma shangai aten du wa ai hte nta madu wa Marip wa salang wa gaw e nta madu wa gaw yu, nga tam da ra sai. E makoi tsa lajang da ra sai i makoi n-gu lajang da ra sai. Dai gaw ma shangai na hpe tau nau hkyen lajang da ai lam re. Makoi tsa ngu ai gaw e lak lak lai lai di nna magap tawn da ai jahtuk tawn da ai tsa hpe makoi ai tsa nga ai. Makoi shan ngu ai gaw ndum tsawm tsawm re kaw bang nna garap kaw mara tawn da ai dai hpe makoi shan nga ma ai. Rai yang gaw ndai makoi shan makoi tsa hpe gaw jinghku jingyu ni manam ni nta masha ni nnga yang e shang ang tim mung "Ah ndai gaw makoi tsa re ah ndai gaw makoi shan re" nga na nlang ya ai nsha ya ai i. Atsawm sha dai hku chye na tawn da ya ai ndai gaw jahtawng a matu re. Kade ram shareng ai i ngu gaw ma rai nshangai ai kaw na jahtawng htu na matu hkyen lajang da ai lam nga ai ngu hpe tsun mayu ai. Rai sa, jahtawng htu na rai yang gaw ma shangai moi gaw nta kaw shangai ai rai nga. Nta kaw shangai ma nga shangai "nga" nga hte ma mying jaw ra ai. "Ara lo rai sai lo" mi kanu kawa ni myit tawn da ai e Marip kasha rai yang gaw "Marip wa Kum Ja Gam rai u ga lo la sha ma rai yang gaw" ngu. Kaja wa la sha wa rai yang gaw "Rai sa rai sa Marip Gam Kum Ja e, shangai rit lo chyinghkai rit lo, pra rit lo sa rit lo, hkalum ga ai lo hpum ga ai lo tau ga ai lo" ngu di kaji kawa ni gaw ga dai shakra ra ai. Moi prat gaw nat e shawng mying shamying la jang e ma dai ngreng mat chye ai nga tsun ma ai moi na ni. Dai majaw ma shangai "Nga" nga hte "Ara lo rai sai lo Marip wa Kum Ja rai u ga lo" nga e Nhkum kasha rai yang mung i "E num sha ma Nhkum Ja Lung rai u ga lo" ngu di shamying la ra ai. Rai sa rai yang gaw ya jahtawng htu yang gaw hpabaw baw lawm ra ai hpe shawng tsun ga nga jang langai gaw shanam lahkawng gaw jum masum gaw shan jahkraw i. Dai hte masum gaw nlawm nmai re. Rai yang she nbaw shat lawm ra ai i. Rai sa dai lachyum hpe bai htai ga nga jang gaw shanam gaw ga kata e rawng nna n-gun ja dik ai ga hpe sum awng nna sum awn na sum ang na e pra wa ai mayat wa ai e kaba wa ai hpan amyu re. Dai na e tsi tai ai n-gun jan lai ai hpan re. Rai she ndai baw gaw hpabaw rai lang a ta nga jang e mi sha tsun ai mahtum mahta mayu du sumnung ni kaw nna shaman ga matan ga hte "Ndai lang mi e ndai hte shaman myit, ndai hte matan myit, ndai hte galu kaba mayat mara gumrawng gumra wa myit ndai hte tsi myit mawan myit" ngu na jaw dat ai wunli wungau arung arai langai re dai majaw nlawm nmai re. Gai shan jahkraw, nga (fish) shan jahkraw malawng lang ma ai i. Nga shan jahkraw hpa rai nga shan jahkraw lang ai ta nga jang e nga gaw san tsawm ai hka kaw rawng nna shi mung grai san tsawm ai. Grai san seng ai i rai yang e nga gaw kabai hpan nlawm ai i. Ya sep kabai ai gaw nkau shara kaw sha sep kabai ai malawng maga gaw sep du hkra sha ai. Nga hkyi kabai ai mung htung nnga ai nga hkyi hpe mung nga pu ngu na shadu sha ai i. Shalap rau shadu sha ai dai majaw nga ra ai ngu dai nga shan gaw kabai kau na hpa nnga ai. Dai majaw nga gaw reng ai yawng shinggyim masha ni e ra ai nga shan hpe nsha ai masha nnga ai. Nga shan sha di nhtuk ai nga nnga ai dai majaw nga jahkraw lawm ai gaw dai re. Bai nga shan nlu hkwi ai ni gaw lu yang gaw bum de rai yang gaw wuloi shan. Dumsu shan nlang ai lo wa shan nlang ai lo i wuloi shan nan. Wuloi gaw hpa rai nga jang san seng ai. Shi gaw shi aten du yang hkum pa kaw na shi hka shin ai hka shin ai. Wuloi gaw gau la nra ai shi hkrai shi nta wa ai. Yup yang mung shi yup ai shara kaw jit hkyi nbyep ai, jit hkyi byep shara kaga yup shara kaga rai san san seng seng rai nga ai wuloi gaw. Dai majaw nat timung nat hpe jaw ai mung ra ai dumsu hpe nat e nra ai lu nla ai lu i. Dai majaw wuloi shan lang ai lam re nga tsun ma ai. Ya dai ni chyawm gaw wa shan mung jahkraw ai le i mu mamu she nrai sadawng e. E raitim ya mung chye na ai ni gaw dai raw lang ai ni naw nga ai. Jum hparai jum gaw san seng ai tsawm ai shum ai dwi ai e shum ai num ai i hten kawn ai lam nnga ai shi gaw hten kawn mai ai hpe hten kawn yak hkra na na hkam hkra e tawn da mai ai atsam shi kaw nga ai majaw atsam ningja hpring ai e jum re majaw lang ai nga. Rai yang gaw dai hte gaw jahtawng htu ai kaw lang ai re. Nbaw gaw hpa rai lang a ta nga yang nbaw gaw magyep ai. "Ya ndai ma gaw jinghku jingyu kahpu kanau anhte kanu kawa yawng rau magyep kap nna hkau chyap hkau ra di nga kaba wa u ga i. Nbaw hpe yawng e sha ra ai zawn ndai ma mung yawng e ra sharawng ai ma tai u ga, nbaw shat sha yang kat nga zeng nga rat nga ai zawn ndai ma a majaw nta masha jinghku jingyu ni yawng gaw e zeng nga greng nga reng nga u ga" ngu na lachyum jahpaw di nbaw shat lawm ai ngu hpe chye lu ai. Rai yang gaw ya jahtawng makai kaw gaw bai tsun ga nga yang gaw aw jahtawng htu ai kaw gaw kaning re ni htu ra a ta nga jang mayat kanu mayat kawa ni htu ra ai. Num rai yang mung ma kru nga yang ma kru hte ring ai ma kanu, kanu dinggai kawoi dinggai rai ra ai. La salang rai yang mung shi kasha ni yawng prat ai yawng rat ai dai wa htu ra ai. Ga maku ai wa sai lang sai tsawm ai kyang tsawm ai myit masa tsawm ai num la ni htu ma ai. Dai ni matan ai ga ma kaw hkrang ai. Dai majaw jahtawng htu ai yawng mayawng hpe nhtu shangun ai i. Htu ai ni she htu ma ai kam ram ai ni hpe she htu shangun ma ai nga. Dai gaw jahtawng htu ai ni a rai sa. Rai yang she makyit makai ai shaloi gaw hpabaw hpe shawng makyit makai ra ai i nga jang ya nkau mi gaw nbaw shat shawng makyit ai nga rai dai nre dai jahtawng hpe shawng makyit ra ai i. Jahtawng hpe shawng jahtawng makyit ai hte shawng makyit ai wa hpe ma kanu hpe shawng jaw ra ai i. Masha hpe gam yang e ma kanu hpe ma hpe ma nga hpe shawng jaw ra ai. Dai hpang she kaji kawa kadwi ni hpe jaw shawa ni hpe bai jaw rai ma ai ya gaw anhte hpung sara ni hpe shawng jaw ai i hkrak gaw hpung sara ni hpe hkungga ai jaw ai ngu ga, hpung sara ni hpe jaw tim ma nga kanu yan hpe shan kanau yan hpe shawng jaw na kaji kawoi ni hpe jaw na i. Rai yang gaw ya ndai nbaw shat gaw ndai hku rai gam ai rai nga. Rai yang ndai nbaw shat makai hpe hpyan sha yang mung hkrup mara nmai hpyan sha ai i nmai hpyan sha ai. Kadai shawng hpyan a ta nga yang e kung sai, e wahtap hkyen sai chyoi chye sai kung kyang sai salang wa shawng hpyan ra ai. "Ya dai ni nye shu gaw Marip wa Kum Ja gaw shangai ra shaprat ra pra ra sa ra hkalum ai lo tau ai lo shu e, hkam kaja u ga lo kung kaba u ga lo i chyoi chye u ga lo chye chyang kung kyang u ga lo, ngun latsa hpaji lu u ga lo e mading sumtsan dun u ga lo, htaw bum ding hkang mung bum latsa mung shing kawt u ga panglai mung shingtawt u ga i. Ningbaw ningla shara kaw ning ngai u gaw hhkaw hkam hkaw seng shara kaw chyai u ga" ngu di shaman ga tsun ra ai. "E mu a lo sha ga lo shu ni hkri ni e" nga shaloi she masha shawa manaw manang ni mai sha ai nga moi gaw dai hku re. Rai yang e ya sha ma ai hpang jahtawng makyit hpe jahtawng lahpaw hpe majoi nmai kabai ai. Nmai makyit ai hkumba nna tawn shing nrai dai hku hpyan nna tawn ya hta kau ai ni hta kau aten du yang. E wan e mung nmajaw ai wan e mung nmai nat ai, shing kawt shingkra re shara kaw nmai kabai ai. San seng ai shara kaw i dai jahtawng makyit makai lahpaw hpe gaw hpaw tsaw nnga ma ai hpaw mang nnga ma ai dai hpe i. E jahtawng makai lahpaw she nga ma ai e dai majaw hkungga ai. Dai majaw moi na ni jahtawng htu ai ngu gaw grai reng ai i grai reng ai grai manu shadan ai yawng mayawng hpe nhtu ai. Dai ya prat gaw htaw Myen wa hpe mung Jinghpaw la ngu shamying la di jahtawng htu la, Gala la wa hpe mung Jinghpaw la nga na jahtawng htu la e rai na hpung jashawn la masu kade nna yang bai bra e dan re ni grai nga ai. Jahtawng htu ai ngu gaw kaja wa amyu langai a matu mara hpe shalat shaprat ai, shagreng ai lam shareng ai lam nam nak bang ya ai manu nam nak tawn ai lam re ngu jahtawng htu ai hpe grai shareng ra ai grai hkungga ra ai. Jahtawng nhtu ai kasha ni gaw jahtawng nhtu ai zawn re ai. Dai majaw jahtawng htu ai lam gaw grai ahkyak ai lareng bungli kaba langai re ngu na tsun lu ai law. Grai kabu ai. . Language as given: Jinghpaw
Format:		Digitised: no Media: Audio
Identifier:		KK2-0221
Identifier (URI):		http://catalog.paradisec.org.au/repository/KK2/0221
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
Subject (OLAC):		text_and_corpus_linguistics
Table Of Contents (URI):		http://catalog.paradisec.org.au/repository/KK2/0221/KK2-0221-A.mp3
		http://catalog.paradisec.org.au/repository/KK2/0221/KK2-0221-A.wav
		http://catalog.paradisec.org.au/repository/KK2/0221/KK2-0221-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0221
DateStamp:		2021-08-21
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Ndawng Awng (speaker). 2020. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia