OLAC Record oai:paradisec.org.au:KK2-0132

Metadata
Title:		Mu nat (How people officiate the thunder spirit)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Lanang Naw Ja (speaker), 2019. Mu nat (How people officiate the thunder spirit). X-WAV/MPEG/XML. KK2-0132 at catalog.paradisec.org.au. https://dx.doi.org/10.26278/5fa2c76c2e413
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Lanang Naw Ja
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-12-27
Date Created (W3CDTF):		2019-12-27
Description:		Transcription (La Ring) Anhte Jinghpaw ni gaw moi prat hta gaw ndai mu nat ngu hpe gaw grai shareng ai hku re. Ndai mu nat ngu ai ndai hpe anhte Jinghpaw ni grai shareng ai. Dai majaw gaw nta shagu gaw mu nat jaw ai gumgun gumhpai jaw ai. Dai re majaw anhte Jinghpaw ni hpe shinggyim masha hpe e ndai hka kaw na baren wa anhte shinggyim masha Jinghpaw langai ngai hpe la kau sai nga jang gaw e anhte Jinghpaw ni tinang a nta kaw e nat ra kaw e mu nat hpe e hka jaw ai. Hka jaw nna shi hpe matsa dat ai matsa dat ai. Dai rai nna matsa na e shi hpe dan di nna "E mu e anhte masha wa ndai hka la-ing kaw na ndai hka kaw na hka la-ing kaw na baren anhte masha la kau ya ai lo dai hpe e naw e dai hpe e naw e naw ashe kau ya mi law, anhte ndai nang hpe e nga jahpraw ju ya na" e ngu na anhte kaw nna e mu nat hpe e anhte ni dan di na anhte ni shi hpe e ashe sa i nga jang e ndai mu wa gaw hka jaw nna shi hpe e achye shangun jang shi gaw e achye kau ya ai hku re. Dai majaw anhte moi na prat hta gaw ndai mu nat hpe grai shareng ai hku re. E mu nat hpe shareng jang gaw shi hpe atsawm jaw jau jang gaw anhte shinggyim masha ni hpe mung shi gaw grai hpan ai hku re. Shi hpe atsawm ngalaw jang gaw anhte shinggyim masha anhte Jinghpaw ni hpe shinggyim masha ni hpe mung shi yawng htum hkra di kau dat ai hku re. Moi shawng de anhte Gadu kaw na Kawnghka ni magwi lahkawng lu ai. Moi du kaba Zau Tu prat hta e ndai dap manga du kaba Gawng Li a prat hta e du kaba Zau Tu ni Namsi Awng hte Maw Han lapran e wanleng bawm sa kapaw ai aten hta ndai e Gadu kaw na Gawng Hka wa a magwi lahkawng rim mat wa ya ai woi mat wa ya ai. Magwi ni hpe mi da ma ni hpe mi da e woi mat wa ya ai. Woi mat wa ya na Padip yang kaw na ndai dingla wa hpe gaw Gawng Hka wa hpe gaw bai dat dat ai. "Lam hkawm njin ai kadawng lung njin ai" ngu nna du kaba Gawng Li gaw wo du kaba Zau Tu hpe e tsun ya jang e "Shi lam hkawm njin na re du kaba e ndai Wa Dim hpe ndai kawn wa shangun yang nmai na kun" ngu nna tsun jang Gawng Hka dingla hpe gaw dai kaw na wa shangun ai. Wa shangun nna shi gaw nta kaw du wa jang Kawng La Nying shi a kanau La a nta kaw e shanhte nat jaw naw re ai majaw e dai kaw e wa nna lagoi hpaw lahkawng kahtap la nna mu de hka jaw ai. "E mu e nat e ya ndai nye sut gan magwi hte ma ni hpe shanglawt ni woi mat wa ya ai, ndai hpe e nang mu nat yawng atawm ahkawn e bai du wa hkra bai pru wa hkra lajang ya rit, nang mu nat kaw na karum ya rit nang hpe nga jahpraw ju jaw na" ngu nna e mu nat hpe e hka jaw nna shi hpe bungli galaw shangun ai rai yang mu wa gaw kaja wa galaw ya ai. Magwi lahkawng mung atsawm sha bai du wa sai bai dat ya sai ma ni hpe mung yawng bai dat ya sai. Rai yang e shi madu jan gaw Myen num Daw Taung ngu ai re majaw gaw nkam ai Jinghpaw nat nkam ai ndai mu nat nkam ai majaw e Gawng Hka dingla gaw Jahkai dingla wa gaw dai mu nat kumhpa raw na ngu na e maw yang "Bar alaga min duk kachin nat bar mapauk bar mapauk alaga chyoi nwa shung awng" [Jinghpaw nat alaga re wuloi dumsu sum ai] nga tsun ai majaw ngalaw ai majaw ya dai Gawng Hka nta ni Gawng Hka wa mung sai prat nna si ai kasha wa hpe mung kasha Ma Naw hpe mung masha ni galun sat kau ya ai. E dai zawn rai na yawng dai ni dumbru dumbra rai na shanhte htinggaw ni yawng bra sa rai mat ai hku re. Kawng La Nying wa mung gara kaw si mat ai nchye ai e shi mung dai hku dam si mat ai. E dai zawn re rai na mu wa e jahten sharun kau dat jang yawng mat mat wa ai hku re. E htinggaw langai mi yawng bya mat wa ai dai majaw anhte Jinghpaw ni gaw ndai mu nat hpe grai shareng ai. Mu hpe e kam sham nna atsawm hka jaw nna shi hpe e bungli galaw shangun jang shi achye ya rit nga jang shi kaja wa achye ya ai. E galaw ya rit nga jang shi galaw ya ai ndai mu nat gaw anhte Jinghpaw ni moi prat hta nat jaw prat hta gaw ram ram kam sham ai hku re. . Language as given: Jinghpaw
Format:		Digitised: no Media: Audio
Identifier:		KK2-0132
Identifier (URI):		http://catalog.paradisec.org.au/repository/KK2/0132
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK2/0132/KK2-0132-A.wav
		http://catalog.paradisec.org.au/repository/KK2/0132/KK2-0132-A.mp3
		http://catalog.paradisec.org.au/repository/KK2/0132/KK2-0132-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0132
DateStamp:		2021-07-29
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Lanang Naw Ja (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia