OLAC Record oai:paradisec.org.au:KK2-0127

Metadata
Title:		Da ni na labau masa (Unique and natural sign of the Kachin)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Lahpai Naw Ja (speaker), 2019. Da ni na labau masa (Unique and natural sign of the Kachin). MPEG/X-WAV/XML. KK2-0127 at catalog.paradisec.org.au. https://dx.doi.org/10.26278/5fa2c7453606c
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Lahpai Naw Ja
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-05-15
Date Created (W3CDTF):		2019-05-15
Description:		Transcription (La Ring) Amyu langai mi a masat masa ngu ai hta daini kaba wa ai nanhte ramma ni hku na grai chye na let matsing sumhting ra ai lam hpe tsun dan mayu ai. Dai gaw hpa re ta nga jang e mungkan e amyu langai mi ngu na grin nga lu na matu gaw masat masa nan ra ai hku rai nga. Dai masat masa gaw hpa lam re a ta ngu ai shaloi e amyu langai mi a grin nga ai masa lam hpe anhte yu ai shaloi gaw ya ndai tara maigan hpu nau ni nga jang anhte hte ni dik ai hpu nau ni nga jang gaw gawkngu sumla shachyaw ai. Rai na shanhte a amying hte shanhte a ginra masat masa lam ni shamying kau ai. E ndai ni rai nga ai dai jang gaw hpang jahtum e hkan kaba wa ai ma ni a matu gaw shanhte a mungdan hta grin nga na matu ndai gaw gara hku re ta nga jang e masat masa sakse hku tai mat wa ai. Dai lam ni hpe e tsun dan mayu ai. Dai majaw mungkan e agrin nga lu na matu amyu langai mi tai nga lu na matu gaw masat masa re. Anhte Wunpawng myu sha ni a labau hkrun lam hpe ahkyak ai sakse hku na madi madun mayu ai lam gaw hpa re ta ngu ai shaloi e "Grin nga ai masat masa lam anhte ra ai" ngu ai lam hpe mu lu ai. Dai shaloi gaw anhte a masat masa lam hpe grin ai ngu hpe yu dat ai shaloi laiwa sai ten hta anhte a labau hkrun lam hta daini du hkra naw mu mada ai sakse gaw hpa re ta ngu ai shaloi lup hka htu ai lam re. Lup hka htu ai ngu ai ndai lup hka anga nga ai shara adu nga ai shara gaw anhte Wunpawng myu sha ni a kaji kawa ni nga lai wa ai ngu ai labau sakse anhte atsawm mu lu ai hku rai nga. Dai majaw gaw raitim mung dai aten hta anhte gaw hpabaw re ta nga jang e hpaji hparat nchye shi ai. Hpaji hparat nchye shi ai majaw lup hka htu ai ngu ai ndai hpe sha anhte naw chye jai lang ai re majaw gaw grin nga ai lam gaw amyu langai mi a grin nga ai lam gaw ndai lup hka htu ai lam chyawm gaw rai sa raitim gara du wa gara ningbaw ningla wa a lup re gara wa hpe makoi mayang ai gara du ni nga lai wa ai up hkang lai wa ai ngu ai lam hpe atsawm labau hta nlu gawn mat ai tam na matu yak mat ai lam dai nga ai hku rai nga. Raitim mung ndai grau na anhte amyu hpe e grin nga lu na matu grau nna dan dawng ai lam hpe e chyeju lu la na matu gaw anhte masat masa lam hpe yu ga nga jang ya ndai lup hka htu ai masat masa ni ngu ai hta e anhte Wunpawng sha ni a labau grin nga ai lam hpe yu dat ai raitim mung hpang jahtum e yu ai shaloi gaw anhte gaw kaning rai ta nga ai shaloi e lup hka htu ai ndai masat masa lam hpe anhte yu yang laiwa sai A.D hkying mi e lahkawng tsa sumshi manga hte sumshi matsat ning hta anhte Jinghpaw Wunpawng dai ahkying aten hta gaw anhte gaw Shungnu ngu ai prat kaw na anhte gaw Mongolia ngu ai amyu masha ni byin wa ai. Mongolia ngu ai amyu masha ni tai wa ai dai kaw na anhte gaw ndai sinna hkran maga de e rawt sa wa ai hpung ni mungkan hpe hpyen man sanit hku na dat dat hkrum ai hta anhte gaw Singpho ngu ai hpung ni re hku rai nga. Anhte Mongolia amyu kaw na Singpho ngu ai hpung mi rai Kinpho nga hku rai nga. "Kin" ngu gaw ja "Pho" ngu gaw bum dai majaw shi a mying madung gaw hpabaw re ta nga jang "Ja Bum Hpung" hpyen dap kaba rai nga dap nu hpung. Ja hpung dapnu hpung ngu ai dai hpe na na na rai ya anhte shaga wa jang gaw Jinghpaw nga de du wa ai hku rai nga Jinghpaw. Kaja wa gaw anhte gaw Mongolia amyu masha nii re. Ndai kaw na Shungnu kaw na Mongolia, Mongolia ngu ai prat ladaw kaw na gaw anhte hkaw hkam lu ai amyu. Ning rai na hkaw hkam amyu hku na anhte nga hkrat wa re shaloi gaw majan gasat rai na lamu ga hpe maden hkrat wa ai shani kaning rai ta ngu ai shaloi e mi sha tsun sai hkying mi a A.D hkying mi a lahkawng tsa sumshi manga hte sumshi matsat ning ladaw laman hta Jinghpaw Wunpawng hpyendu marai jahku hpe ningtawn ningla dik ai hpyendu jahku hpe rim la rai na ndai hpu nau Miwa ni rim la rai na du jahku hpe sat kau ya ai. Dai du jahku anhte a amyu sha du jahku hpe sat kau rai nhtawm me ngu sai nga jang e ndai ni hpe e numsung hku ngu ai lup langai mi sha htu ai. Lup langai mi sha htu nna dai hpe e alam hte alam di na du-u htap jahku di na lup kau ya ai. Lup kau ya re shaloi dai shaloi dai shani gaw shanhte gaw kaning rai ma ta nga jang e "Ndai Jinghpaw Wunpawng ngu ai amyu masha ni hpe padang dip sai, shanhte hpe anhte sat shamyit kau lu sai dai majaw daini kaw na gaw ndai amyu ni gaw npra manu ga" ngu na grai sung hkra nhkun sung hkra di na ning di na lup sung hku hta htap jahku di na lup kau ai. Ngut jang dai makau de mi sha anhte tsun ai ndai luphka ngu ai hpe htu shinggyup kau ai. Luphka htu ai de a lachyum gaw hpa rai ta nga jang shanhte gaw ndai anhte Wunpawng amyu sha ni a kaji kawa du kaba ni a ru sai labau ni Jinghpaw Wunpawng amyu sha ni a hpaji machye machyang sa wa na ma hkra hpe shamyit kau ai. Shanhte lamu ga sau hpe lamu ga lasa ni hpe dan di kabai kau ai. Kaga shinggan hte matut mahkai hpa mung nlu mat hkra ningdi na di. Ngam ai ndai du jahku ni a hpyenma hpyenla ni hpe labu hpun palawng ma hkra raw kau ya ai. Raw kau ngu nna shanhte gaw kaning rai ta nga jang dai du jahku ni hpe lup da ai lup hkang lup bawng ntsa kaw e kabye manau nna manau nau shangun ai. E ning rai na padang dip ai. Dai majaw dai shani kaw na gaw "Ndai amyu masha ni daini kaw na npaw sai shanhte hpe anhte gaw dang kau lu sai" ndai du jahku ni a bawnu hpe bai krau shaw la rai na shanhte gaw mung ting Miwa mungdan ting na masha ni hpe shanhte Miwa myu masha ni hpe shaga mahkawng nna "Muk sha poi" ngu ai dai hpe masat masa galaw dat ai hku rai nga. "Daini gaw muk sha poi" ngu dai ahkying aten hta gaw ladaw hta gaw ndai padang ninglaw lu ai sha poi shanhte Miwa amyu masha ni mung mi anhte kaji kawa ni gasat gala na bra ayai mat wa ai amyu masha ni bai kahkyin ai mungdan bai wa kahkyin ai aten ladaw hta nta masha makyin jinghku hkum tsup ai aten ladaw ngu hpe mung bai la rai na ndai hpe galaw ai hku rai nga. Dai shaloi e ndai du jahku ni a bawnu hpe shaw la nna shanhte gaw hpa galaw ta nga yang masha tawa sha law hkra paba htu nna dai paba htu ai kaw ndai du jahku ni a bawnu hpe gayau bang nna htu nna ma hkra Miwa mungchying sha ni lu sha hkra ndai hpe galaw kau dat ai. Dai majaw gaw anhte dai shani kaw na grau nna anhte amyu masha ni gaw "Akawng latsa ahkyet latsa abum latsa lasa mahkra hpe htu di kamawng kau ya ai majaw anhte a machye machyang anhte a ginru ginsa labau hpe anhte gaw grai hpang hkrat ai, grit nyem ai de anhte du mat wa ai hku rai nga. Dai majaw hpaji nchye ai prat anhte du mat ai hta grai rai na anhte kaji kawa ni dai kaw nna matut nna ndai de yu hkrat wa ai. Ndai ya anhte nga nga ai Myen mungdan ndai maga de du hkra yu hkrat mat wa ai. Raitim mung anhte gaw hpaji machye machyang nchye ai majaw grai rai na up hkang na matu grai yak mat ai hku rai nga. Dai majaw gaw daini na aten ladaw hta ahkyak dik ai gaw ya nanhte ramma ni kaba wa ni kaw hpaji machye machyang grai ahkyak ai. Ndai chye tawn da jang she labau hpe chye tanw da jang she hpaji hpe chye jang she gara hku mungdan hpe up hkang na gara hku na anhte a nawku hpe shagreng na, gara hku na anhte amyu masha ni hpe woi zinlum na ngu ai ndai hpe chye ai hku rai nga. Dai majaw gaw dai grai ahkyak ai lam hpe matsing ga ngu na n-gun atsam jaw mayu ai. Hpa rai ta nga jang e anhte kaji kawa ni dai ahkying aten ladaw hta ndai Myen mungdan de e sa gasat mat wa ai ahkying aten ladaw hta kade ram re magrau grang ai lu la ta nga jang e Bagan ngu ai hkaw hkam wa hpe mung anhte kaji kawa ni ma hkra wa gasat kau nna ndai Myen mungdan kata hta e shaning manga tsa manga shi lahkawng ning hkaw hkam nnga hkra wa gasat kau ai. Anhte gaw bumdu ni tai na gasat ngu na htaw bum de bai wa mat ai, bum kaw na she tinang ra ai shaloi ra ai hpe sa la, e dai hku na byin ai hku nga. Dai majaw dai ahkying aten ladaw hta Myen ni Sam ni kaga ndai kaw nga ai ni mahkra gaw anhte Jinghpaw amyu masha ni hpe bumdu ni hpe she ndai ahkun hkanse bang ai. Ngaleng hte dumsu hte e dai hku na wa sa ai. Lama rai na shanhte dai hku njaw jang mung anhte a kaji kawa bumdu ni gaw yu wa na e shanhte lang nga ai nga mi raitim mung hkauna shawt nga ai nga mi raitim mung azat di nna dun mat wa. E ndai hku na re. Ning re aten ladaw hta anhte a kaji kawa ni hpaji lama chye ai rai taw gaw daini gaw anhte kaba dik ai grin dik ai ndai mungdan anhte lu na re. Dai majaw ya anhte nanhte ma ni chye ra lam gaw hpa rai ta nga jang e Jinghpaw mung gaw ya anhte gaw gaungwi gaungwi gyip wa ai hku nga. Jinghpaw mungdan gaw ndai ya gaw wo Kahta hte du mat wa ai. Mi gaw shi labau kadun gaw hparai ta nga jang "Inwa" ngu gaw Jinghpaw ga hku Jinghpaw ga re. Ndai Inwa ngu gaw Jinghpaw ga re de a lachyum gaw hpabaw re ta nga jang e "Kayin wa" ngu ai lachyum re. Kayin wa ai ngu ai anhte kaji kawa wa nhtu hte gasat gala hkrat wa nna Sagaing mahkrai Inwa kaw du ai shaloi mahkrai ka-ang kaw du ai shaloi "Daini gaw ram sai ndai hte gaw nye kashu kasha amyu matu mara ni a mungdaw mungdan rai u ga ngu gaw ndai daram rai jang ram sai ya gaw kayin wa sana" ngu nna shi lang ai nhtu hpe dai kaw adit jun nna kayin wa na hkyen ai shaloi hpyen wa gap dat ai pala gaw shi lahtan kaw hkra nna ndai Sagaing mahkrai ka-ang kaw nan anhte a kaji kawa a mang taw ai shara re. Dai majaw gaw jahtum du hkra gaw anhte grau nna anhte a mungdaw mungdan gaw Sagaing mahkrai ka-ang kaw du hkra re ngu hpe chye da ra ai hku rai nga. Dai majaw gaw Jinghpaw Wunpawng hpyen ni hpe padang dip kau ai masat dingsat re lam hpe shanhte grai rai na n-gun lu hkra ndai hku galaw lai wa sai lam hpe Miwa mayu masha ni galaw ai. Ngam nga ai anhte a kaji kawa ni mung grai ningtawn ai hta daini du hkra ndai zawn rai na gasat gala ai lam hta anhte shang wa ai raitim mung hpaji machye machyang hpang hkrat ai majaw anhte a lam hta grai naw gawngkya nga ai. Dai majaw gaw grai n-gun lagaw lu hkra htawm de hpang de nanhte ma ni machye machyang law law lu hkra galaw sa wa ra lam hpe mu lu ai. Laiwa sai ten na anhte Wunpawng sha ni a masat dingsat gaw luphka htu ai shara rai nga mali ai lam hpe mi sha tsun sai hte maren grau nna n-gun lagaw lu la ra nga ai lam hpe mu mada lu ai. Dai majaw ndai lam ni hpe daini anhte mungdaw mungdan kata hta ndai Myen atsuya wa Myen hpyen wa daini anhte hte hpyen nga ai ndai ni gaw kaning rai ta nga jang e dai ni hpe masat masa re ai anhte a ginra masa re lam ni hpe shanhte chye ai. Dai majaw gaw Wunpawng myu sha ni a prat tup grin nga na masat dingsat hpe Myen hpyen atsuya gaw nyu ra ai majaw Jinghpaw Wunpawng amyu sha ni laika lu ai tsa ning hpring Mandalay jawpoi kaw anhte manau shadung jun tawn da ai. Ndai aten ladaw hta gaw ya daini gaw anhte gaw manau rai nga ai. Manau shadung jun ai nawku htingnu hpe gaw gap ai dai kaw masat dingsat laika ka shakap ai. Grin nga lu na matu anhte a mungdaw mungdan hte anhte a shara re ai lam a masat masa gaw daini na aten ladaw hta gaw ndai manau wang manau shadaw jun ai ngut jang anhte nawku htingnu gawgap ai e ndai ni re. E dai hpe Myen wa nra ai majaw gaw kaning rai ta nga jang e hkying mi e jahku tsa jahku shi kru ning April shata lahkawng ya shani shana de hkying mali daram aten ladaw hta ndai Maung Aye ngu ai wa a ahkaw ahkang hte anhte grai rai na concrete hte manu mana hkrak hkra rai na jun tawn da ai manau shadung hpe Mandalay mare ka-ang kaw jun tawn da ai hpe ma hkra jak hte kanaw agrawp kau ya na daini du hkra shanhte dai hku rai na sharun jahten taw nga lam hpe e mu mada lu ai hku re. E dai majaw gaw ndai lam ni hpe nanhte ramma ni kaba wa ai ni gaw machye machyang atsam marai grau na lu ai hte e kung kyang ai hte e shawng lam de hpaji ahkyak nga ai machye machyang lam ahkyak nga ai labau ginru ginsa ahkyak nga ai labu ginshi hpe e atsawm sha chye ai hte grau na hkrawn hkrang ai ni hpe hpang de hkaja la nna shawng lam de sa wa ra ai lam hpe e mu mada lu ai hku re. Dai hpang hkying mi jahku tsa aw hkying lahkawng e jahku ning hta e Manmaw deng lahkawng kaw jun tawn da ai manau wang hpe mung e manau shadung hpe mung matut nna shanhte gaw anhte a ginru ginsa lam labau grin nga na hpe e nra sharawng ai majaw ndai hpe e shanhte matut nna bai bulldozer hte e kanaw kabai kau ya ai e ndai lam ni hpe mung mu mada lu ai. E dai hpe matsing da ra ai nanhte chye na matu nanhte ma ni chye na matu ndai lam hpe tsun dan mayu ai lam re. Bai na dai hta n-ga na hkying lahkawng e shi langai hte hkying lahkawng e shi masum ning laman Kachin mung e byin lai wa sai majan hta Myen hpyen atsuya wa gaw Jinghpaw Wunpawng mung ting na nawku jawng kru shi mali hpe wan nat nna jahten kau ya ai. E ndai lam ni gaw anhte hpe e amyu shamyit ai masing kaga ningtawn ningla ai lam npru wa lu hkra dip da kau dat ai masa rai nga ai. E ndai lam ni hpe anhte mu mada lu ai. Dai majaw gaw ndai lam ni hpe gara hku mabyin masa kaning rai byin wa ai lai wa sai ngu ai hpe nanhte ramma ni chye na matu e n-gun jaw nna tsun dan mayu ai lam re. Matut nna ndai lam ni hpe atsawm sha sawk sagawn nna daini anhte ni a makau kaw nga nga ai hpyen wa gaw atsuya wa gaw tara maigan hpu nau wa gaw anhte hpe "Mu let" anhte hpe grai masa ai lu sha jaw sha ai. "Mu let mani sumsai let masha sat nga ai" ngu hpe e sadi maja let anhte gaw hpaji hpe matut hkaja nna e shanhte hpe e gara hku anhte gaw ntsa de lu lai wa hkra lu tawt lai wa hkra lu tsap wa hkra ngu ai hpe anhte gaw galaw sa wa ra ga ai lam hpe mu mada lu ai hku re. Mi sha tsun lai wa sai lam hpe anhte yu ga nga jang hkying lahkawng e shi langai ning October shata Manmaw Loije lam Hkawan Bang mare kaw nawku jawng e ndai ni hpe mung shanhte gaw hpyen dap wa jung nna e galaw kau dat ai lam ni mu mada lu ai hku re. E ndai ni hpe e nanhte chye da lu na matu ma hkra gaw nawku htingnu kru shi mali hpe sharun jahten kau ya ai lam hpe e mu mada lu ai. Dai majaw ndai aten anhte Jinghpaw Wunpawng amyu sha ni nanhte kaba wa ai ramma ni hpaji machye machyang ahkyak sai. Labau ginshi ahkyak sai chye da sumhting da rai na bai matut kaba wa na ma ni hpe e machye machyang ginlen ya rai na shawng lam de lam woi na matu ahkyak ai lam hpe e n-gun jaw mayu ai. Dai majaw anhte Jinghpaw Wunpawng myu sha ni a ginra kaw Jinghpaw Wunpawng mung hte seng ai labau masat masa sha madat pyaw tsawm na madung dat ai hku nre ai sha kaja wa byin lai wa sai hpe byin taw nga ai mabyin sawn yu nna htawm de hpang de anhte a kashu kasha ni a matu kaja dik ai labau ginshi ka da na hkan nang na matu gaw ya kaba wa nga ai nanhte ramma ni ahkyak ai ngu na e ndai lam ni hpe tsun dan mayu ai. Daini anhte nawku makam masham masa hku sha nga jang gaw kaning ga ta nga jang e labau ginshi lam ni hpe e anhte nchye mat wa jang gaw "Anhte ginru ginsa anhte mungdaw mungdan anhte lamu ga jarit gaw gara kaw na re kanang du hkra re" ngu hpe ndang chye lu mat wa ai hku rai nga. Dai re majaw gaw e atsawm sha chye da lu na matu tsun dan mayu ai. Ya ndai wanleng lam hku na yu hkrat wa ai lam anhte a labau ginshi lam ni hpe tsun ga nga jang e teng ai nteng ai lam ya "Kalaing Jaung Kalaing Jaung" nga na wan petro made shatu taw nga ai wan jak shachyaw taw nga ai dai Kalaing Jaung ngu ai dai gaw Myen ni shanhte Myen ni nga yang gaw "Galaing Jaung" nga tsun ai rai nga. Hkrak gaw anhte a Jinghpaw Wunpawng amyu sha dai kaw e nga lai wa ai gaw Kareng Shawng ngu ai wa re. Kareng Shawng ngu ai wa gaw dai kaw e mare woi de nna dai kaw e ashu ashan gyam ai e mare a myit su tai rai na e woi awn zinghka sa wa ai shara re. Rai na she ndai ya Myen ni Taung Li Taung Li ngu ai wanleng lam kaw e de tawn da ai mare dai hpe gaw shanhte gaw Taung Nay Taung Nay nga kaja wa nga yang ndai kaw gaw dai wa gaw Tawng Li ngu ai rai nga anhte Jinghpaw amyu masha Tawng Li ngu ai wa re. Tawng Li ngu ai wa gaw grai ningtawn ningla nna manu mana atsam dat rai na mare hpe woi zinlum rai na woi de woi gaw nna nga lai wa ai re. E ndai lam ni hpe anhte chye da na matu ahkyak ai ngu na ma kadun ai hku na dai ni hpe tsun dan mayu ai. Rai jang she matut nna anhte gara hku na bai grau na "Ngang hta hpa ra" anhte n-gun lagaw la ra ga ta ngu ai shaloi gaw kabu gara ai chyeju hte rau sha ndai lam ni hpe nanhte ma ni matsing sumhting nna kabu gara chyeju hte lu la na matu ahkyak ai. Dai majaw laiwa sai aten hta e anhte KBC Kawa la ni a ningbaw ningla sharin hpawng Kahta kaw galaw ai shaloi e anhte ga shagawp laika gasi hpe mung anhte la na "Moi nji nwa ni jun tawn da ai lamu ga jarit shadaw hpe hkum sit kau et" ngu ai ja chyum ga hte dai shaloi na anhte a sharin hpawng gabaw hpe atsawm sha laika ka nna anhte gaw Kahta kaw e zuphpawng hpawng ai shaloi e Kahta ndai Hpun wang ngu ai de i sa ai, Hti Kyaink de sa ai ngut jang she wo ra anhte Naba de sa ai e dai lam shagu hku na sa na dai kaw anhte atsawm sha ndai gasi ni hpe ka nna daini anhte matsing sumhting u ga lamu ga grin nga ai lam anhte shara re lam sakse rai u ga dai lup da sai. Dai atsawm sha di na ya nanhte kaba wa e hpang jahtum e kaba wa ai aten hta ndai ni hpe e sakse sakkan mu lu na matu ndai ni hpe law law galaw da ai lam mung re. E dai ni hpe ma grai ahkyak ai lam hpe tsun dan mayu ai. Rai jang gaw ya anhte amyu masha ni hpe e gara hku re ta nga jang e makam masham nawku hpung labau hku na nga tim mung ja chyum mungga sharin ai lam hta mung hpung labau lawm ra ai, mungkan labau lawm ra ai rai jang e dai ahkying aten ladaw na katsi kahtet labau anhte lawm ra ai. E ningrai na sharin ra ai rai nga dai re majaw gaw ya ndai ahkying aten ladaw hta raitim mung nanhte ma ni kaba wa ai ramma ni ndai ni hpe chye lu mu ga matu tsun dan mayu ai hku re. Lai wa sai hkying mi a jahku tsa manga shi jahku ning hta e anhte Wunpawng amyu sha ni hpe grai rai na kabu gara chyeju hte rau sha lam chyeju lu la u ga matu ndai hpu nau ni hte e tsun shaga ai lam hta ningtawn ningla dai hku na grai magrau grang let manu mana htu je hku na tsun lai wa ai anhte a kaji kawa Duwa Lahpai Zau Tu e ndai ni mung manu mana woi awn nna kabu gara hte rau sha galaw wa sai lam hpe mung mu mada lu ai re. E ndai ni hpe e tsun dan mayu ai dai gaw hpa re ta nga jang e ndai U Nu wa a ten ladaw hta Zinlum bum kaw gawkngu hpara galaw na matu Manmaw ga na Wu Loi ngu ai wa woi awn nna masing jahkrat hpang wa sai. Dai ten Zinlum buga hkalup hpung hpe woi awn nga ai Pangmu Du wa Rev. Lahpai Zau Tu woi awn ai hte grupyin mare kahtawng hkan na du salang ni hpe kahkyin la nhtawm woi ninghkap jahkring kau lu sai. E ndai gaw hpa rai ta nga jang gaw wo anhte bumga bumga mahkra hpe gawkngu sumla shadun nna ndai gaw Myen mungdan re ngu ai hpe Myen ni a mungdan re Myen ga re ngu ai hpe sakse sakkan lu na matu shanhte gaw ndai mu lu ai atawng apa mu lu ai hpe galaw kau dat hkyen ai hku rai nga. Ndai hpe anhte kaji kawa ni jau tau nau na chye ai. Dai re majaw gaw n-gun la ba hte dai grupyin kaw nga ai kahtawng masha ni hpe woi awn nna ndai Manmaw ga de yu na aging ninghkap ai. E ndai lam ni hpe galaw dat ai shaloi e shazim kau lu ai hpe mu lu ai. Dai hpang hkying lahkawng e shi langai ning majan bai byin wa ai hpang ten Zinlum bum grupyin na mare kahtawng masha ni hprawng yen mat wa ai hpe ahkaw ahkang la nhtawm dai ten Zinlum hpyen dap hpe Bomu Oak Ka San wa ngu ai wa woi awn ai ten ladaw hta rai nga ai dai hpe e ya gaw gawkngu sumla e ndai kaw gawkngu shachyaw nna manu mana rai na shanhte a ginra hku nna masat masa rai na galaw na ya gawkngu shadun kau wa ai. E ndai lam ni hpe mu mada lu ai. Dai majaw gaw labau hpe yu yu na n-gun lagaw la nna grai rai na kabu gara hte nanhte ramma ni ndai lam ni hpe atsawm sha sawk sagawn atsawm sha anhte kaji kawa ni lai wa sai ten hta kade ram shakut shaja na anhte lamu ga ginra hpe makawp maga lai wa sai anhte buga ginra hpe kade ram shakut shaja lai wa ai ngu ai hpe e n-gun lagaw la rai na sawk sagawn na grau na shawng lam de mung woi awn zinghka wa ga ngu na kadun ai hku na ndai labau kadun hpe loimi tsun dan mayu ai hku rai nga. Ya hpang na numdaw lahkawng ngu na daw gaw Sammung Mungmyit sinli ga de Jinghpaw Wunpawng amyu sha ni du shang wa ai lam, ngut jang e ndai Kachin Sub-State ngu ai anhte Sammung ladaw ginra hta anhte Jinghpaw Wunpawng amyu sha ni nga lu ai lam, Sam ni a ga shaka anhte amyu sha ni hpe kade ram n-gun jaw ai, anhte hpe kade n-gun lu nna hpu nau majing re ai lam hpe shanhte kaw n-gun lagaw la nna "Sharaw wan hkru hkru ai shara ma hkra gaw Jinghpaw Wunpawng amyu sha hpunau Jinghpaw Wunpawng amyu sha ni nga mu ga, layang layang maga de e gaw anhte Sam amyu sha ni nga". Dai majaw langai sha rai na nga nna kabu gara gumpawng gumpa kahpu kanau majing re nga na Sam ni anhte hpe Kachin Sub-State ginra jaw da ai lam ni, rai na anhte a labau ginru ginsa dai de shang wa ai lam ni mung daw lahkawng ngu na hta kade nna yang bai jawm hka ja ga ngu dai ni gaw nhpaw hku na ndai nambat langai kadun ai hku na nde mi hte shaleng let n-gun jaw mayu ai rai sai. Chyeju kaba sai law. . Language as given: Jinghpaw
Format:		Digitised: no Media: Audio
Identifier:		KK2-0127
Identifier (URI):		http://catalog.paradisec.org.au/repository/KK2/0127
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK2/0127/KK2-0127-A.mp3
		http://catalog.paradisec.org.au/repository/KK2/0127/KK2-0127-A.wav
		http://catalog.paradisec.org.au/repository/KK2/0127/KK2-0127-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0127
DateStamp:		2021-07-29
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Lahpai Naw Ja (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia