OLAC Record oai:paradisec.org.au:KK2-0090

Metadata
Title:		Mali Nmai walawng kaw jum galaw (Salt making in the Mali-Nmai triangle)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Miji Kai Ja (speaker), 2019. Mali Nmai walawng kaw jum galaw (Salt making in the Mali-Nmai triangle). X-WAV/MPEG/XML. KK2-0090 at catalog.paradisec.org.au. https://dx.doi.org/10.26278/5fa2c6c1dac22
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Miji Kai Ja
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-02-05
Date Created (W3CDTF):		2019-02-05
Description:		Transcription (La Ring) Mali nmai walawng ngu gaw mali hka lwi ai hte nmai hka lwi ai lapran kaw nga ai majaw mali nmai walawng nga ga rai nga. Walawng na lachyum gaw? Walawng na lachyum gaw zinlawng ngu wa le i mali nmai zinlawng re ga rai nga tsun ga nga yang gaw. Mali nmai walawng ngu tim anhte gaw bumga hkahku ga re majaw walawng ngu ga le i. Walawng gaw nre le zinlawng le, nang maga ma hka nang maga ma nmai hka nang maga mali hka. Sumpra bum hte kade ram tsan ai kun? Sumpra bum hte gaw kade hkum tsan u ga le, mali hka hte Sumpra bum gaw yep sha re mu i. Mali hka gaw Sumpra bum makau hku lwi ai le i. Nmai hka gaw nang Chahpwi i arai maga hku lwi ai. Dai lapran kaw nga ai ni hpe gaw mali nmai zinlawng ngu ga rai nga. Dai kaw nga ai ni gaw mali nmai zinlawng rai nna wo lahta de gaw bai mali hkrang walawng le i. Moi prat ndai mali nmai walawng kaw jum gara hku lu sha ai kun i? Jum gaw marau ga kaw mung jum pru ai gaw, jum hka nga ai gaw anhte. Marau ga kaw gaw ndai marau hka, hka kaba ai tsawm ra mi kaba ai i lwi ai le dai kaw she wa sang grai tu ai. Wasang moi moi prat na ni hkai da ai she nrai na i raitim mung ya prat na anhte ni kaji ten hta nga yang gaw madu nnga ai le. Kadai mung kadai kam ai ni hta ju. Rai yang she dai marau hka dai gaw jum hka re ga. Ndai hku mata yang shum ai le dai hpe she kawa hte le kawa hte lawn nna me hka hpe jahkyet la ai. Wo arai jum dwi ni nam oi ni galaw ai zawn zawn di na di kaba kaw she hka dai ja la na she jahkyet jahkyet di na jum tai wa. E dai hku rai na anhte hpe jaw sha ma ai le wa ni. Nang myu ga de na i ndai Myitkyina de na nhkrang, Sumpra bum de na nhkrang hpyen majan nga yang grai yak ai le i. Dai hku rai sa nga jang gaw dai marau marau hka kaw na jahkyet sha woi ai. Marau jum ju ai nga nga rai ma ai anhte wa ni. Dai mali walawng kata kaw sha le. Hpabaw mare da aw? Chyana mare da mare mying gaw. Marau hka da hka gaw. Marau hka ngu na hpa na shamying ai kun? Marau hka ngu shanhte ni marau hka ngu marau marau hpun grai tu majaw she nrai na i e dai nga yang marau hka ngu she nrai i. Dai wa tsun ga nga yang "Jum tai ai hpan re wa jum tai ai hka ngu shamying ra ai re wa i" anhte marau hka she nga ai gaw. Dai kaw hpabaw amyu ni nga ma kun? Amyu gaw anhte Jinghpaw sha nga ai ga rai nga. Jinghpaw ajet sha nga ai um hka hku. Jinghpaw hka hku ni sha nga ga ai. Ndai hka hku hte duleng gaw ga chyi chyi bung ai i? Umh duleng rau bung ai anhte ni, anhte mali nmai walawng ndai de na ni gaw dai mali hkrang walawng dai duleng wo hka hku Putao rau nbung ai. Anhte ni gaw ya, ya shaga ai zawn zawn sha re ndai hkan na ni gaw. Wo ra maga de na ni gaw bai loimi ga wa hpabaw ngu na i grai ja ai le. "Nre law" nga baw ni le i. (Mani let) "Dai hku gaw nre law" (Mali hkrang walawng de na nsen hte). Dai kaw htinggaw kade nga ai kun? Gara kaw kawa hka kaw i? Nre mali nmai walawng kaw, aw mali nmai walawng de wa she she nga le grai nga ai. Kahtawng hku ya ngai gaw dai ram alut gaw nlu ai le i tak di sha yawng atsawm gaw nchye le. Dum ai ram nga yang gaw nga gaw nga ai law tsawm ra nga ai law htinggaw hku kahtawng hku nga yang gaw kahtawng latsa jan ram gaw she nnga na i kahtawng gaw. Um dai ram gaw nga ai. Sumpra bum ma lawm ai i? Sumpra bum nlawm ai mali nmai walawng kaw Sumpra bum nlawm ai. Sumpra bum gaw Sumpra bum san san sha rai mat sai. Ya sha ngu ai le dai hka lapran kaw nga ai hte gaw mali nmai walawng dai hku rai na hkrang hka hte wo dai maga de na ni hpe mali hka hte hkrang hka lapran kaw nga ai ni hpe gaw mali hkrang wa lawng. Dai ni gaw loi hka hku rai mat sai. Ga ma kachyi mi ja mat sai dai ni gaw. Njang yang gaw? Njang yang na kahta kaw gaw mali nmai walawng, mali nmai walawng na kahta kaw gaw mali hkrang walawng, mali hkrang walawng na lahta kaw gaw Putao dai hku re ga nga. Njang yang gaw anhte na lawu, njang yang na lahta kaw gaw anhte mali nmai walawng i Sumpra bum gaw nang de rai mat sai anhte rau nau i ndai mawdaw lam mayan rai mat ai le. Mali nmai walawng na matut gaw lawu maga de gaw Njang yang i, Njang yang kaw na bai rai yang gaw anhte Mali nmai walawng dai kaw na gaw mali hkrang walawng dai kaw na gaw Putao dai hku re. Ngai chye ai dara gaw i dai ram re law. Yawng Jinghpaw hkrai i? Dai hkan nga ai gaw moi gaw Jinghpaw hkrai re ya chyawm me gaw i ndai ja htu sha prat re majaw hpa mung grai gayau sai da law. Ngai ma ya gaw ndu ai grai na sai gaw adwi ma ndu ai grai na sai. Hpa na nwa ai kun? Dai de gaw anhte ni gaw nang de nan yu wa sai re majaw gat ma nsa dut mat sai le anhte ni gaw dai de i. Gat ma nsa dut hpaga yumga ni mung nsa galaw wa jang she nlung mat sai gaw. Zaiwa ni nnga ai i, Zaiwa hte Lhaovao ni nnga ai i? Ya i nga ai, dai prat shaloi gaw nnga ai. Moi gaw nnga ai Jinghpaw sha nga ai. Jinghpaw ma Maru ma, e Jinghpaw nga ai Maru nga ai Minla nga ai. E Maji minla anhte ma Maji minla re le. Maji minla kasha re e. Taw Maji minla ngu hpa na tsun ai kun, mare mying i dai? Maji minla ngu masha amyu mying. Htinggaw mying gaw Maji ni i, Maji minla marip dai hku le. Maji minla ngu gaw i ndai anhte Maji hpan wa Maji hkrai raitim mung grai law ai le i, Hpauchyang ni law aw hpabaw ngu na i Hpawnang ni law dai ni mung yawng Maji minla ni hkrai gaw raitim le i htinggaw mying dai hku ginghka ai le. Dan nga yang yu Maji hpan gaw yawng Maji minla hpan sha re da. Ngai ma nau nchye ai hpa re ma ngai gaw nau nchyoi ai. Ndai Maji minla hpe kaga mying ni nga ai kun? Kaga nnga ai law e htinggaw mying ni gaw Maji ni nkau mi gaw hpaukang ni, duk ni nga i rai na she dumsa ni nga ai i dai ni ma Maji amyu ni sha re. Maji ga gaw Jinghpaw ga i Maru ga i? Jinghpaw minla ga re ga rai nga. Minla ga hehe Minla re da. Raitim anhte nchye mat sai gaw, anhte nu wa ni na prat jum ji na prat kaw na gaw anhte Jinghpaw num ni hkrai sha la mat jang she anhte nchye sai. Aga nchye ai dai hku. Ashawng gaw Jinghpaw ga sha chye i? Jinghpaw ga sha chye ai hka hku ga mali nmai walawng ga re ga rai nga. Ashawng gaw awa na nsen hte bung ai dai majaw ngai yawng chye na ai. . Language as given: Jinghpaw
Format:		Digitised: no Media: Audio
Identifier:		KK2-0090
Identifier (URI):		http://catalog.paradisec.org.au/repository/KK2/0090
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		text_and_corpus_linguistics
		language_documentation
Table Of Contents (URI):		http://catalog.paradisec.org.au/repository/KK2/0090/KK2-0090-A.wav
		http://catalog.paradisec.org.au/repository/KK2/0090/KK2-0090-A.mp3
		http://catalog.paradisec.org.au/repository/KK2/0090/KK2-0090-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0090
DateStamp:		2021-07-29
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Miji Kai Ja (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia