OLAC Record oai:paradisec.org.au:KK2-0079

Metadata
Title:		Putao ginwang a lam (Putao area)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Nmai Gam (speaker), 2019. Putao ginwang a lam (Putao area). X-WAV/MPEG/XML. KK2-0079 at catalog.paradisec.org.au. https://dx.doi.org/10.26278/5fa2c694af8b0
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Nmai Gam
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-01-31
Date Created (W3CDTF):		2019-01-31
Description:		Transcription (La Ring) Putao ginwang a lam i um. Putao ginwang ngu ai gaw shawng nnan gaw ndai ya Putao ginwang ngu ai hpe shanhte gaw Sam ga re hpa ga re nga raitim mung anhte Jinghpaw ni gaw shawng nnan English atsuya wa nang kaw e hkying mi jahku tsa e shi mali ning hta Putao de du ai English atsuya ni gaw. Dai shaloi she shanhte shawng nnan gaw ndai Putao ga ginwang hpe gara hku ngu na i nga jang ndai Putao ga gaw English atsuya ni san ma ai da ndai hpe "Moi shawng de ndai Putao shara kaw ndai ya nga ai Putao kaw kadai shawng nga ai i" ngu jang she ndai Jinghpaw ni gaw ndai lup lup hka ni ma nga ai gaw moi gaw lup ni grai nga. Lup ni nga re majaw "Kade lup ni rai ma ta ndai ni gaw" ngu jang gaw "Moi nbu ntau ni a lup re" ngu. Nbu ntau amyu ndai anhte Jinghpaw amyu rai nga ndai shawng na masha ni ndai shawng na ndai anhte ginru ginsa shawng hkrat ai ni. Nbu ntau amyu ni re nga lup htu ai ni "Dai ni a lamu ga re" ngu yang gaw hpang de nbu ntau ga ngu ga ngu rai nga. Rai yang gaw nbu ntau ga ngu yang ya gaw hpang gau ngwi gau ngwi gaw Putao ga bai ngu e dai hku na shamying ai re da. Rai yang gaw ndai Putao ga hta e shawng nnan gara hku kadai ni shawng lai ma ta nga jang e ginru ginsa lai ai htaw ra mali hku majoi kaw na wo ra anhte gaw hkranghku majoi mali hku majoi htawra mahkum gang majoi wo Mongolia ngu ga le wo ra kaw na yu wa ai ni nang kaw gau ngwi gau ngwi rai na lam ndai hku yu wa ai. Lam kaga nnga ai ndai wo ra malihku majoi e ya mali hpung nawn ngu ai bum langai mi nga ai. Dai kaw mali hpung nawn bum kaba langai mi nga ai. Dai kaw e grai tsaw dik ai shara re da layang re dai layang. Ntsa kaw e hka nawng langai mi nga ai. Ntsa kaw hka nawng langai mi nga ai hpungya hpungya dai kaw nga ai. Dai hku na sha dai kaw lai na shaloi mung grai chyawm lai lam gyip sam ai ndai kaw e hpung ya nga ai ndai kaw e hpun ni ginpa la rai nhtawm me e lakang ni htan la rai na yu wa yu wa rai yang e shawng e ndai lam kaga nnga ai lawu mung nnga lahta de mung nau nnga bum hkrai hkaraw hkrai bai rai yang she ginru ginsa yu wa ai gaw dai hku re nga ma ai. E nang ndai Putao ga de shawng kabye ai ni anhte a shawng shawng ai gaw ndai maju dingbu ai tawn hkam ya e gadung sailen hkutaw hkuman nga ai ni shawng yu ai nang de ndai lamu ga Putao ga shawng kabye ai ni gaw dai ni rai sa. Dai ni kabye ngut re hpang she anhte ga gau ngwi gau ngwi shanhte a hkang e shanhte lam hkang hkan nhtawm me anhte du wa ai re nga ma ai gaw salang ni gaw. Rai yang gaw shanhte nang de du wa jang she htaw ra ya wo ra manji bum a wo ra maga de bum e layang langai mi nga ai Hka lang dan Hkalangdan nga ma ai anhte gaw Jinghpaw ni gaw hkalangdan ngu nga ai. Dai kaw hkindu pa layang langai mi nga ai. Dai kaw anhte yu wa ai ten hta gaw anhte a shawng yu ai hkutaw hkuman um hkuman du wa gaw ndai shara hta up ai. Kaga ai tawn hkam ya law e maju dingbu nga ni gaw loi lai sai. Lai ngut ai hpang shi gaw wo ra hkutaw hkuman ngu gaw dai hkuman wa Adudu ngu ai hkaw hkam e du ngu ga le mung du ngu ga le ndai Hkalangdan kaw dung ma ai da. Dai kaw dung rai na dai ten hta anhte Wunpawng masha ngu ga le anhte Jinghpaw myu masha ni gaw dai hku na bai du wa. Du wa jang she shi gaw ning bai ngu ma ai da law anhte kaji shangai ai mung dai kaw shangai ma ai da law shanhte tsun ai gaw ndai anhte a du wa anhte e nang de na dureng nga ai ni gaw ndai mi wo ra de gaw anhte gaw myu Wunpawng pawng yawng sha anhte a e Tingmang Yaw wa a matu mara ni bai rai rai yang she nang de bai yu wa yang gaw anhte kaji dai kaw shangai ai rai yang gaw. Shangai wa yang she ndai anhte kaji shangai wa yang she moi gaw ma shangai yang du hkaw hkam shing nrai mare salang ni hpe sa madun ai. Sa madun yang gaw ndai ya anhte kaji wa hpe gaw ndai hkuman wa Adu du ngu ai ndai htawra e Hkalangdan kaw dung ai hkuman wa Adu du kaw sa madun ai. Dai kaw manam sa shachyen ai nga ma gaw moi na ni gaw. Shaloi gaw hkaw hkam wa gaw ndai hkuman wa Adu du wa hku na gaw anhte kaji hpe shaman ga tsun ai hte hpa hte rai ndai nri nhtu ni ngu ga ni ninghkyi hkuman ninghkyi hte e hkuman gupdaru jaw ai nga gaw. Rai yang ndai hpang jahtum e gaw ndai anhte kaji ni hpe gaw dai kaw shangai wa ai hpe "Ndai ma ndai hpe gaw hkuman du wa shareng ai du ni hkuman du wa pyi shareng ai ma re law, hkuman du wa pyi shareng ai ma re law" ngu kaw nna she ndai "Du wa shareng ai ma du wa shareng ai ma" ngu kaw na dureng amyu byin ai re nga ma dai hku mung hkai ma ai. E kaga ni dai hku na shanhte tsun ma ai da masha ni shamying ai i. "Dai du wa mi htawra hkuman du wa grai shareng nna shi hpe gupdaru ni ninghkyi ni jaw dat rai na shaman ya ai ga re law" ngu na tsun ai nga hku rai nga. Dai majaw gau ngwi gau ngwi gaw ndai ma manang ni kahpu kawa ni jinghku ni "Le du wa pyi shareng ai ma re law i du wa shareng ai ma re law" ngu dai kaw na "Du wa shareng ai ma du wa shareng ai ma dureng wa" ngu dai hku na shamying ai re nga na dai hku tsun ai hku rai nga dai hku hkai ma ai. Rai yang gaw anhte ya nang Putao ga du sai. Ya mi ndai Putao ga layang ndai ya Putao ga gaw ya Putao ga gaw mile kru shi sanit gang ai re da ndai layang le. Le ra kaw na layang ma hkra gaw mile kru shi sanit kaba ai maga de mile shi matsat kaba ai nga ma ai. Rai yang gaw hkindu pa ndai Putao pa hta e nga nga ai ni ma hkra gaw e shawng de lai sai nang kaw na ai tawn hkam ya law katung shaleng law hkutaw hkuman law um maju dingbu law nga nga re ni ma hkra gaw dai hku na lai wa na hku rai nga. Dai hku lai wa na hku ya kadung shaleng ngu ai ni gaw ya anhte hte gayau rai na mi gaw anhte shawng shawng ai ginru ginsa shawng yu ai ni anhte hte rau pawng nna nga ai ya daini du hkra nang hkan pawng ai ni nga ai. Kalang lang anhte Jinghpaw labau ni gaw kadung shaleng na ni hpe gaw mi ndai anhte a ginru ginsa "Ma a shawng ginru lam dan ginsa lam tsan na matu ngu re" ngu loimi nmanu nmanu nga ai rai yang gaw kadung shaleng matu re ngu yang ya nkau mi gaw nna ra ai le. Nna ra e loimi shagrit shanem ya ai ngu hku myit la ma ai kun gara hku kun nchye ai e dai zawn re nga ma ai. Ndai gaw kadung shaleng masha ni gaw ya anhte le de yu ai ni nga nang anhte hte rau ya gaw anhte gaw langai sha bai tai nna nga ai le i. Kaji langai tai kawa langai kanu langai shatai rai na nga ma ai da. Rai yang gaw ya anhte gaw ginru ginsa yu wa ai gaw ya e shanhte mi shawng shawng yu ai ni party langai yu party langai hpang langai hpang langai hpang shawng yu ai hpang she anhte gaw hpang jahtum yu ai hpang jahtum yu ai. Anhte mung bai lai mat sai wo chyaihku majoi de dai hku na lai mat wa ai. Lai mat ai hkrun lam gaw grai naw hkang grai naw hkang ai ya daini du hkra majoi hkrun lam ngu na shanhte hkai ma ai. Ya ndai ndai hku na anhte hkai na wo ra chyaihku majoi, chyaihku majoi kaw na hkranghku majoi, hkranghku kaw na gaw le anhte hkindu yang du hkra anhte dai hku na law na nga. Hkindu yang kaw na anhte duleng nga ai ni gaw bai nang de bai nhtang wa sa. Anhte gaw ndai duleng ngu ai amyu ni mung mi gaw anhte kaji gaw Ma Yaw re da law Ma Yaw re. Ma Yaw wa a matu mara ni grai naw law ai. E Ma Yaw wa a lakung lama ni daw hta shi a kashu matu mara ni daw hta Ma Gam nga ai Ma Naw Ma La nga ai Ma Tu nga ai Ma Tang nga ai. Dai nga yang duleng ni hta na gaw anhte kareng duleng nga ni gaw rai yang gaw Ma Gam wa hpe gaw duleng ngu Ma Naw hpe gaw kareng ngu Ma La hpe la sumda ngu. Sumda nga ni gaw ya hugawng huyang wora Gala mung de nga ma ai da anhte a amyu ni. Shanhte mung "Anhte gaw dureng kareng re" nga na tsun ma ai da wo ra ni La sumda nga ni ma. Dai hku nna nga ma ai moi ndai ledo hpaga ga ai ni e salang ni dai hku na tsun ma ai ledo hpaga ga ai de. E Ma Tu wa rai yang gaw dung dinghpang nga na ya nang kaw anhte hte gayau gaya wo ra sumdu ni wora Kyunpinta hkan e sumdu ni nga ai le i e ndai ni gaw ya Ma Tu lakung rai nga ai. Ma Tu lakung e Ma Tang lakung gaw dingmai sa nga ni re nga ma ai. Dingmai sa Tang wa a kasha shingtai Gam langai sha nga ai dai hpe gam wa kasha ma gam shingtai ngu hpe Dingmai Tai ngu e dai hku na tsun ma ai ndai hkan na salang ni gaw. Gam wa a kasha aw e Tang wa a kasha Ma gam langai sha nga ai hpe Tangmai Tai Tang wa a kasha shingtai ngu ai. Dai wa num lahkawng la ai Lun shayi hte Nding shayi la ai nga. Rai yang gaw anhte Dingmai sha nga ni ya grai law ai gaw ya nkau mi maru maga de mung anhte dingmai sha kareng nga ni nga ai wora lat kareng law nga ni nga ai rai nhtawm me ndai kareng tu nut law hpa law nya law nga ni anhte grai law ai dai grai law ai Sam du hkra nga ma ai. Wo ra Sam tai sai nga labau hta ma nga ai. Yawng Hpyi dureng Yawng Hpyi wa a kasha kau mi gaw Sam num la nna Sam tai na nga sai nga ma jahta ma ai salang ni gaw. Rai yang gaw anhte gaw ya e hkindu yang kaw na bai nhtang wa rai nhtawm me ya ndai de duleng ni nga ai ga rai nga ya duleng ni nga ai. Rai yang gaw ya nang de gaw mi English atsuya wa gaw ya nang de gaw moi gaw dureng tract dureng mung dureng ginra ngu tsun ma ai da moi English atsuya wa gaw. Rai yang hpa majaw dai hpe dureng tract dureng ginra ngu ma ta nga yang e ndai ga wa lwi ga anhte ga ai ga ga ai lwi ga. Ya nang de gaw anhte Putao ga hta nga ai amyu ni gaw kadai dai ta nga jang anhte Jinghpaw nga ni daw hta naw yawng ngu ga le Nung nga ai Rawang nga ai Lisaw ni gaw ngai matsing ai hte maren ngai e hkying mi jahku tsa e mali shi matsat anhte manau galaw ai wo ra kaw dai shaloi ngai ma kaji naw re. Anhte ga kaw na Wa lit gun na sa wa a "Nhpye ma gun u law" nga shi kaw kanan ai majaw hkan nang ai da law dai ngai hkan nang. Rai yang gaw Lisaw gaw nau nnga mu ai ndai mali shi matsat ning wora kaw e padang manau nau ai shaloi gaw. Ngai yu ai shaloi gaw nau nmu ai e shi daram pyi nnga na shadu ai. Law ai gaw ndai Lungmi ni Nung Lungmi ni hte Sam ni Jinghpaw ni law Rawang mung loili nga ma ai dai shaloi e dai zawn re ten hta. E dai mali shi matsat ning daw hta gaw Rawang ni nga ma ai e dai hku na. Rai yang gaw Lisaw ni law du ai gaw galoi kaw na du ma ta nga jang she ndai Hpu wu dwi salang Lisu tsun ai gaw ndai shi asak latsa e shi ning daram na hpang si sa hpu dwi htang ga kaw nga ai wa dai gaw. "Shawng nnan anhte Putao ga de du ai Lisu gaw anhte re" nga na tsun ai shi gaw. E shi tsun ai rai yang gaw shi gaw um ndai "Lisaw shawng de anhte nnga ai" nga tsun ai. "English atsuya hpyen la galaw ai ni le ra sa du bai wa bai sa rai lamu ga dum nta gap nna nga ai gaw anhte ni re" shawng nga ma ai Hpu udwi salang gaw. Kaga ni gaw hpang e hpyen du hpyen la ni saw shaga ai. Hpyen la gaw atsuya ni galoi shaga ta nga jang hkying mi jahku tsa e shi mali ning shi manga shi kru ning shi manga ning hta hpyen la shaga ai nang anhte Putao ginwang de gaw. Hkying mi jahku tsa e shi mali ning hta shi manga ning hta hpyen la shaga hpang ai da. Rai yang gaw shi manga ning hta hpyen la shaga hpang ai shaloi gaw kadai shawng lawm ai ta nga jang anhte Putao ginwang de na le ra lawu de na gaw anhte nchye ai le. Ndai le ra de gaw na pyi na sai gaw. Hkying mi jahku tsa shi manga ning hta gaw Nhpan Ja Ra a kawa Nhpan Naw ndai anhte Sangen ga kaw nga ai ndai Sangen ga. Rai yang gaw dai kaw na anhte Sangen du Ntawng Roi a kasha rai nga ndai. Rai yang gaw mayu ga kaw nga mayu ga kaw nga yang she ndai Nhpan Naw gaw dai kaw na hpyen la saw ai majaw kalang ta hpyen la shang mat wa. Jinghpaw ni kaw na ndai Putao ginwang kaw na Jinghpaw nga ai ni chyu hta shawng nnan hpyen la shang ai gaw shi re nga ma ai Nhpan Ja Ra a kawa Nhpan Naw. Rai yang gaw dai ten hta ndai hkying mi jahku tsa shi kru ning shi manga ning shi kru ning hkan gaw wora nam dummai ga de ndai e hpyen la saw shaga ai. Ah Gu Di ni Kanan Ah Di e Lisu Ah Di rai nga Ah Gu Di ngu gaw Rawang rai nga ndai ni bai hpyen shang sa rai dai ni gaw hpang de shanhte dap up bai first staff gaw Ah Di fourth Kachin hta gaw Ah Gu Di dai hku na shanhte dap up galaw sam ai dai hku na shanhte galaw wa ai. Rai yang gaw ya anhte Putao ga de gaw nga ai gaw kadai dai ni ta nga yang Sam nga ai Jinghpaw nga ai Nung Lungmi nga nga ai. Rai nhtawm me Lisaw ni gaw hpang e manga shi mali ning daw hta wo ra Mawsidone wa Communist rai nna hkristan masha ma hkra hpe shachyut sam ai e dai zawn re hkan na she manga shi mali ning hta gaw majoi mi nu mi masa ngu ai nang kaw e anhte jawng naw lung nga ai ten hta manga shi mali ning ngai jawng lung ai ten hta e majoi ma ba nna hprawng yen ai. Ndai shanhte gaw nang e Lisaw ni gaw law malawng gaw ndai hku nang de du wa ai. Shanhte nnan ten hta gaw shanhte gaw hpun sha kran nhtawm hpun ni hta dut hta dut rai na nnan daw dai zawn rai na nga. Ya gaw shanhte gaw law wa ai nhtawm me she shanhte ya gaw ya daini na ten hta rai yang gaw Putao ginwang hta gaw Lisu ni gaw loi law wa ai zawn zawn san sa. Anhte Jinghpaw ni gaw nau pyi nnga sa nang de. Jinghpaw ni gaw loimi lu wa magang loimi shu magang rai na myu de htawt wa myu de htawt wa rai ya Shatapru hkan kaga wo ra lawu de grai law sai goi hkahku masha ni nga ai gaw dai hku law wa ai. Rai yang gaw ya ngai hpe ya dai ma daw mi di ga. Ya anhte dureng ngu ai daw hta na anhte dureng amyu ngu... (matut na de). . Language as given: Jinghpaw
Format:		Digitised: no Media: Audio
Identifier:		KK2-0079
Identifier (URI):		http://catalog.paradisec.org.au/repository/KK2/0079
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK2/0079/KK2-0079-A.wav
		http://catalog.paradisec.org.au/repository/KK2/0079/KK2-0079-A.mp3
		http://catalog.paradisec.org.au/repository/KK2/0079/KK2-0079-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK2-0079
DateStamp:		2021-09-20
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Nmai Gam (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia