OLAC Record oai:paradisec.org.au:KK1-2720

Metadata
Title:		Miwa ga jarit de bu hkawm (Trip to the Chinese border)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Jat Sinwa (speaker), 2020. Miwa ga jarit de bu hkawm (Trip to the Chinese border). X-WAV/MPEG/XML. KK1-2720 at catalog.paradisec.org.au. https://dx.doi.org/10.26278/5fa2c4cf508ba
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Jat Sinwa
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2020-01-08
Date Created (W3CDTF):		2020-01-08
Description:		Transcription (La Ring) E le anhte moi ndai e hkying mi jahku tsa sanit shi kru sanit shi sanit hkan e anhte nang kaw na bu hkawm ai ngai bu hkawm ai shaloi gaw nang kaw na gaw ndai Nogmung lam de e hkawm ai shaloi nang kaw na e Nam Hkam kaw yup ai. Nam Hkam kaw na e Nam Hti kaw yup ai. Nam Hti kaw lana mi yup nna ndai Maza Bawde kaw yup ai. Maza Bawde kaw na Nogmung kaw e yup ai. Nogmung kaw yup nna ndai e Gumring ndai Nogmung kaw na gaw aw Sang Wang de du ai. Dai Gumring kaw gaw nyup sai, Gumring hte Rat Baw hpe lai nna anhte Sang Wang kaw yup ai. Sang Wang kaw na gaw Dahap kaw, Dahap mare Dahap Bawde kaw anhte dai kaw yup ai. Dahap kaw na gaw ndai Ngalung Dam kaw yup ai. Ngalung Dam kaw na gaw Nuwang Kawng, Nuwang Kawng kaw lana mi yup nna dai kaw na lai yang Redam mare, Redam kaw gaw anhte shani ka-ang lai nna hpang shani gaw e shana daw maga de gaw Hkaw Bude de du ai re. Dai Hkaw Bude kaw na gaw lani mi rai yang dai Hkawnglam Hpu de bai du ai re. Dai kaw na ndai e dai kaw na gaw e anhte kaga mi nlai sai. Dai kaw na e wo ra ndai e "Machit u" tam ai hkrun lam hpe tsun ga nga yang gaw ndai e Nam Hkam kaw yup bai na ndai Nam Hti kaw yup. Maza Bawde dai kaw yup, dai kaw yup na Nogmung kaw bai yup ai. Nogmung kaw na gaw Gaw Le, Gaw Le kaw yup ai. Gaw Le kaw na gaw htaw ra Gaw Le kaw na gaw ndai Gaw Le kaw na gaw wo ra e Gaw Le kaw na gaw e Gaw Le kaw na Banam Dim kaw yup ai. Banam Dim dai hpungmai hka kau kaw na Bangnam Dim mare kaw yup ai. Banam Dim mare kaw na lai rai yang gaw e Ngawa kaw yup ai. Ngawa kaw na gaw bai Gawai kaw yup ai. Gawai kaw na gaw Dazung Dam du sai. Dazung Dam kaw na gaw ndai e dai kaw na gaw lam lahkawng re. Shang Hu Lawng hte Adung Lawng nga e lam lahkawng dai hku na nga ai. Anhte gaw Adung Lawng maga de e sa nna Adung Lawng rai ndu ai shaloi e nau katsi ai majaw bai nhtang mat wa ai. Ndai mi yat na Hkaw Bude hkrun lam kaw gaw Hkawnglam Hpu hkrun lam kaw gaw ndai Sang Lup bum ngu ai kaw gaw ndai hkyen ni manu mana htat ai kaw anhte lai ai. Ndai Sang Lup bum ngu ai kaw e dai kaw lai nna shani ting ndai hkyen bum kaw anhte lai ra ai. Dai kaw anhte gaw nau katsi ai majaw palastic ni hpun rai na e dai hku shani tup Sang Law bum kaw lung bai yu rai na Nuwang Kawng du yang she e hkyen ni nau ntaw mat ai. Gasan: Lagaw lam hku sa ai i? Mahtai: E lagaw lam hku na hkawm ai re dai shaloi gaw jahku shi sanit ning aw sanit shi jahku ning hkan gaw anhte e lam ma gumra lam sha nga ai. Dai majaw lagaw hku hkawm nna e du ai re. Um bat lahkawng daram na yang she ndai Hkawnglam Hpu de ndai hku na du ai. Wa maga mung dai ram na ai. Aw wa maga chyawm gaw dai ram nna ai, e wa maga gaw hkum kaman re majaw anhte e bat mi daram bat mi loi jan rai yang gaw nang Putao de bai du sai. Gasan: Miwa mung du hkra gaw nsa ai i? Mahtai: Um nsa ai. Dai Miwa de du hkra gaw e manang ni gaw sa ma ai Sa Hpa du hkra sa ma ai. Ngai gaw lam kaw na bai Hkawnglam Hpu kaw na bai nhtang mat wa. Shanhte gaw Sa Hpa du hkra dai hku na sa. Rai nna lagaw leng ni hpani gun la rai na bai nhtang wa ai. Nye Kanau Ma Tu ma dai Sa Hpa de gaw du du sai gaw. Ngai gaw bai nhtang wa. Sa Hpa de gaw arai Sa Hpa kaw gaw Lisu hte Miwa ni nga ai. Lisu hte Miwa ni law malawng nga ai. Jinghpaw ni mung nga gaw nga ai raitim mung e nau nlaw ai nlaw ai nga tsun ma ai. Law malawng gaw Lisu nga ai, ndai Miwa ni ma Lisu ga grai chye ai dai hkan na Miwa ni gaw. Lisu ga hte hkrai shaga ai shanhte gaw law malawng gaw dai hku re. Gasan: Hkawm ai shaloi lai kau da ai mare ni gaw hpabaw mare ni rai? Rawang mare ni i? Lai ai mare aw mi yat aw dai kaw i dai kaw na gaw dai mi yat tsun ai e ngai tsun ai mare ni gaw yawng Rawang ni nga ai. Dai maga ya Nogmung Hkaw Bude dai hkan e gaw yawng Rawang hte Lisu le i Rawang hte Lisu nga ai. Ndai Nogmung kaw na lai ai hte e Nuwang Kawng htawra maga de mung yawng Rawang ni nga ai. Raitim mung ndai makau makau hkan na Hkaw Bude kaw gaw Lisu ma nga ai Rawang ma nga ai dai kaw gaw. Bai na htaw mare makau makau hkan na nam de ma Lisu ma nga ai Rawang ma nga ai. Jinghpaw ni nnga ai dai maga de gaw Jinghpaw ni nnga ai. Nang ndai Adung Lawng Sang Hu Lawng dai maga de ma ndai Daru ni i Daru e Rawang amyu Daru ni ndai kara ma ndai hku nhtu hte i galaw ai zawn di na dai Daru kadun dun sha law ai ni nga ai. Dahap kaw na gaw dai baw grai nga sai. Shanhte gaw dai kaw gaw hpabaw sha ai i nga yang gaw ndai hkainu i hkainu hpe wan kaw pik hpawk pik hpawk rai na she ndai hku sha ai shanhte gaw. Lakap hpe ndai hku lang nna ndai hku di na ndai hku sha ai dai Dahap maga wo ra maga de gaw. Ndai htaw Adung Lawng kaw na gaw ndai Dazung Dam du hkra gaw aw nang Dahap de pyi du ai ndai Tibet ni i Tibet ni sa na ar-lu ni (yangyi ni) hpa ni sa nna dut ai Tibet ni. Tibet ni ma grai sa ai, um shanhte Tibet ni hte gaw ndai Daru ga shaga ai le. Tibet ni ma chye ai Daru ga e dai hku na htaw kaw na jung muk (jung shamun) ni jung ni la na jaw mari ndai kaw na ni gaw law malawng gaw hkainu sha sha ai. Anhte zawn ya nang kaw shat sha ai i dai baw nlu sha ai shanhte gaw. Hpa hkai tim mung nkaja ai. Ndai jung kaji kajaw kaja ai, hkainu kaja ai raitim mung grai kaja hkra nre. Shanhte gaw grai matsan ai. Dai hku nna grai yak nna nga ai shanhte ma. Gasan: Dusat ni rem ai i? Dusat ma htawra ngahpaw le i e ngahpaw myen hku gaw "Nanauk" ngu ai le ndai shi gaw katsi ai shara kaw nga ai. Ndai e nlung ndai lung rawk hkan le i ndai hka shi kaji kajaw lung rawk ni nga ai hkan e dai hku na nga ai. E ndai ngahpaw i Nanauk ngu ai baw dai hku na rem ai shanhte ma. Kaga gaw nrem ai shanhte. Wa ni ma nnga ai, u ma nnga ai. Ndai Nanauk shanhte gaw dai hpe wa Nanauk wa htinggaw langai mi gaw lu ai ni gaw e shi jan hkun dai hku na rem ai. Mare langai nga tim mung htinggaw nau nlaw ai, htinggaw hkun daram i bai na htinggaw shi daram. Loimi e masha law ai gaw ndai Ngawa hkan Bang Nan Din ya na myo kaw pyi masha nnga ai gaw. Bawde sha nga ai dai kaw ma moi gaw ya gaw myo de ai le i. Ya Dahap hkan dai hku na kaji kajaw nga ai. Ya htawra Nogmung Hkaw Bude lam de ma ndai mi yat ngai hti ai dai ni gaw nkau mi gaw htinggaw masum nga ai, htinggaw mali nga ai. E nkau mi gaw ndai Bawde sha nga ai, Dahap kaw ma Bawde sha nga ai masha nnga ai. Dai hku na htaw Hkaw Bude du ai hpang chyawm gaw htaw loi tsan ai de mare nga ai. Dai hku na mare langai lahkawng i dai kaw htinggaw mali manga, mali manga dai hku lahkawng masum dai hku nga ai. Mare kaba nnga ai le, bum hkrai hkrai bum hkrai dai hku nhkap hkrai rai hkauna hpe mung ndai e ndai hkauna mung galaw ai shanhte. Ndai bum kaw na yu ai hka hpe hkauna gaw ndai na hkawk gaw ndai daram ram sha kaba ai gaw ndai saboi ram sha. Dai hku kaba ai hpe shanhte gaw ndai hku bum hpe i le-ka-htit (lakang ninggam) hku na dai hku galaw ai. Lay-ka-htit hku na galaw ai dai kaw shanhte dai hku achye ai kaw mam hkai ai Hkaw Bude lam de gaw. Ya nang na zawn pa nre gaw yawng bum hkrai bum hkrai. Dai kaw she shanhte kaw na gaw hpabaw pru ai i nga yang gaw e machit u ni i hkandaung myit ni ndai bum tsi ni e bum tsi zawn re ni grai pru ai htaw kaw na gaw. Ndai ta-ba-wa le i ndai lagat ntsin zawn re ni dai kaw na e ndai taung-sik (ya) ni bai na anhte gaw hawm ngu baw hawm ngu ai dai wa machyi yang gaw hkum kahtet yang gaw hka katsi hte lu na, hkum katsi yang gaw hka hpunlum hte lu na e dai baw le i hawm htaw de gaw dai baw grai pru ai gaw. Dai gaw kachyi sha mi kaw ya ya na manu gaw kachyi sha re kaw mun mi jaw ra ai. Htaw kaw na dai hku pru ai ndai e shanhte bum kaw na e ndai tsi mawan ni tsi bum tsi law malawng gaw dai kaw na pru ai. Anhte nang de nga ai ni na matu le i bum tsi gaw htaw kaw na pru ai ndai e nang Dazung Dam de mung dai hku na pru ai. Hkantaung myit ni pru ai machyit u ni pru ai. Bai na ja pru ai shanhte kaw gaw. Ja ma bum kaw na i ja htu nna shanhte gaw dai hku na tsi-pwa-ye (hpaga yumga) galaw ai gaw dai shanhte gaw. Bai na shanhte mari sha na matu gaw hpa mung nnga ai. Jum ni mung nang Putao maga de sa nna gun ra ai. E ndai labu hpun palawng ni mung nang de sa nna gun rai na she sha ai shanhte gaw. Shan gaw grai nga ai shanhte kaw gaw ndai nam kaw na i. Nam kaw na chyahkyi shannga zawn re ni gaw nga zawn re ni grai nga ai shanhte ni kaw gaw. Masha nlaw ai majaw nga mung grai nga ai gaw sha nma ai. E dai chyahkyi shannga ni mung dai hku sha shanhte gaw dai hku nam kaw na sha gap na sha ai e dai hku re. Gasan: Shanhte na nta ni gaw gara hku ra? Mahtai: Nta gaw nta gaw ndai shanhte nang kaw na gaw ya nang kaw tsun ga nga yang gaw singngu hte i singngu hte galup ai le. Ndai nkau mi mare hkan gaw ndai tinggaw i, tinggaw nam kaw dai hku tu ai le. Nam kaw tinggaw tu ai hpe shanhte gaw dai ni hpe la na dai hte galup ai. Nkau shara shara hkan gaw dai baw ma nnga ai. Rai yang gaw htawra sumbwi i sumbwi ju hkrai hkrai re baw sumbwi dai hpe kahtap nna she dai hpe galup ai. E dai hku na nga ai. Shanhte kaw gaw ndai hpri hpri sut nnga ai gaw, hpri sut nlu ai. Bai na nkau mi gaw kawa i, kawa lap hpe ndai hku kahtap nna dai hte galup ai. Dai kalang galup yang shanhte gaw shi ning daram hkam ai ma nga ai. Hkun ning hkam ai ma galaw ai shanhte gaw. Ndai hku nta ma ndai zawn rai na nang de kachyi mi nang de kachyi mi myo kaw na zawn ngalaw ai shanhte gaw. Nta gaw galu law ai e pe manga shi pe latsa i e latsa jan dai hku na galaw na she dai kaw e nta galu law ai gap nna she dai kaw htinggaw mali manga dai hku nga ai. Kahpu kanau ni le i dai hku nga ai. E kahpu wa gaw ndai gawk, kanau wa gaw ndai gawk bai na kanau wa gaw ndai kaw gawk e dai hku na galu. Manam yup yang ndai kaw ga shadawn ngai gaw nang kaw yup ai, ngai na manam du yang gaw gawk nang kaw, shat ma nang kaw shadu sha ai. E dai kanau wa ma shi dai hku dai hkau na nga ai shanhte. Bai na hkainu yi ni galaw ai ndai nkau shara ni hkan gaw ndai mam yi i aten du yang gaw yi hkyen na she mam ting na mam hkai na i dan na mam dan na dai hku galaw sha ai ni mung nga ai. Nkau mi hkan gaw hpa hkai timung nkaja ai. Raitim mung ja gumhpraw lu yang gaw bai nang de sa nna mari sha ai shanhte. Dai hku grai grai jamjau ai ni nga ai le, grai yak ai. Ya du hkra mung dai hku nga ai. Moi anhte ma bum ga de nga ai shaloi gaw jahpawt e rai yang gaw shat sha ngut jang gaw yi de sa, jawng ma nnga ai. Anhte ma ni ma yi de hkan kanu mung ba kawa mung ba yi de sa, shana maga de gaw bai wa. Wa du yang she grai sin ai hpang she wan wut nna shat bai shadu sha grai jam jau ai bum ga de nga ai ni gaw. Ya ma dai hku rai na re nkau shara shara hkan gaw hpa myi nhpaw ai gaw. Dai hku na grai jam jau na nga ai bum ga de nga ai ni gaw. Raitim ya gaw ndai atsuya ni ndai wan ma i solar wan ni ya gaw shara shagu de solar du ai. Ya gaw mawdaw cycle ni ma du hkra i lam ni waw ya ai dai hku na mahkrai ni ma kaja hkra loi loi kaja hkra di na ya gaw wa sa i loi loi asin pye (htuk manu) ai hku rai nga. Shanhte na makam masham gaw ndai hkristan law ai hpung masha i hpung masha. Moi gaw nat jaw hkrai re. Moi gaw yawng nat jaw mare ting ting nat jaw. . Language as given: Jinghpaw
Format:		Digitised: no Media: Audio
Identifier:		KK1-2720
Identifier (URI):		http://catalog.paradisec.org.au/repository/KK1/2720
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2720/KK1-2720-A.wav
		http://catalog.paradisec.org.au/repository/KK1/2720/KK1-2720-A.mp3
		http://catalog.paradisec.org.au/repository/KK1/2720/KK1-2720-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2720
DateStamp:		2021-07-17
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Jat Sinwa (speaker). 2020. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia