OLAC Record oai:paradisec.org.au:KK1-2546

Metadata
Title:		Shu sagya (Frog creator)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Zahkung Lu Nan (speaker), 2019. Shu sagya (Frog creator). XML/MPEG/X-WAV. KK1-2546 at catalog.paradisec.org.au. https://dx.doi.org/10.26278/5fa2c3688f36a
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Zahkung Lu Nan
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-04-16
Date Created (W3CDTF):		2019-04-16
Description:		Transcription (La Ring) Moi... da moi nhprang prat hta le i dai shaloi she e..jahkrai ma langai mi nga ai da. Grai lu ai sahti ni kaw Nga rem gunjang jang ai da. Nga rem gunjang jang ai wa she e.. shi kaw gaw da shani wa she jahkrai ma dai.. shat sha jang she, dai shu kaji sha re shu dai wa she shat sa sha lawm lawm re da yaw. Shat sa sha lawm lawm rai yang she, e.. grai.. kaba wa hkra shu kasha dai gaw shat sa sha lawm rai jang she, e.. shi gaw nta madu ni hpe wa tsun dan ai da. Dai jahkrai ma dai gaw grai myit su ai da. kaja myit su da. Dan na she shi gaw shu dai hpe she um.. dan re "Shu kasha langai mi shat sa sha lawm lawm re" ngu na she nta madu ni hpe wa tsun dan jang she "Woi wa yu rit taw" ngu tsun ai da. "Woi wa yu rit taw" ngu jang she e.. dan ngu tsun jang she wo ra wa gaw "Naw sa san yu na" ngu tsun ai da. Rai jang she shu kasha hpe sa san yu ai hku rai nga. "Anhte nta wa ga, anhte nta na ni, nye madu ni nang hpe mu mayu ai da" ngu tsun ai da. Shaloi jang she "Nkam ai law" ngu tsun ai da "Nkam ai, nanhte nta Nyau n nga a ni" ngu tsun ai da. Shaloi jang she "Nga ai" ngu tsun ai hku rai nga. Shaloi jang she shi gaw e.. nta de shiga bai wa jaw sai da shi nga ai nta kaw. Shiga bai wa jaw rai jang she "Nyau hpe rawng kau na da" ngu na bai tsun ai da. Dan na "woi wa yu rit" ngu tsun jang she kaja wa shi gaw, shat sha ten sha kaga ten e nmu ai da shu dai gaw, shat sha ten e sha pru wa wa re ai da. Shat sha ten e sha pru wa wa rai na she shi gaw tsun sai da. "Um.. Nyau rawng kau na da nta madu ni tsun ai Nyau rawng kau na da, wa rit da" ngu tsun ai da. Shaloi jang gaw shi gaw hkan nang ai da. Nga shingma kaw ba nna hkan nang ai da. Hkan nang yang she nta du jang she shu dai gaw bai mat mat sai da yaw. Bai mat mat rai jang she e.. dai jahkrai ma ni shat sha nga ai ten, shat sha wa jang she shu dai bai pru wa ai da. Shat sha ngut jang bai mat mat rai, dan rai ai hku rai nga. Dan rai she shi gaw da hpang jahpawt mung da e.. shat sha jang sha bai pru wa rai na she e.. "Ya gaw hkum hprawng mat sa" ngu tsun ai da. Rai na e.. "Sa wa saga, Nga rem sa wa saga" ngu na sa mat wa re shaloi jang she jahkrai ma dai she um.. lani mi naw sa sha lawm ai da. "E jahkrai ma e, num la sanu" ngu tsun ai da. "Num la sanu" sha angu da. Naw sa sha da "Num la sanu" da hku lahkawng masum lang dai hku sa tsun na shi gaw um.. hpang e rai jang gaw, masum lang ngu na shaloi gaw shi gaw kade saw tim nsha sai da. "Ngai hpe nang ndai daram.. na hkra bau kaba sai ngai ndai ram pyi kaba hkra bau kaba sai, re majaw ya gaw ngai chye hku tam sha sana, nang nbau ra sai, nang njaw sha ra sai" ngu tsun ai da. Dai she "Nang ndai kaw na hkawm wa u, ndai kaw na hkawm wa yang e.. nang bainam kanu chyu chyu ai shara kaw, bainam kanu kasha hpe chyu shachyu ai kaw sa htu yu u" ngu tsun ai da. "Sa htu yu u" ngu tsun jang she dai shaloi gaw aja lu htu ai da. Rai yang she "Dai kaw na bai lai jang, dumsu kanu kasha hpe chyu shachyu nga ai kaw bai sa htu yu u" ngu tsun ai da. Dai shaloi gaw gumhpraw lu htu ai da. Um.. dai kaw na she bai, "Dai kaw na bai lai u, dai kaw na bai lai jang gumra kanu gaw kasha hpe chyu shachyu ai e.. nga na re, dai chyu shachyu nga ai shara kaw htu u" ngu tsun ai da. Shaloi jang she dai kaw bai sa htu rai jang she um.. aja lung seng ni, shi ra ai, shi ra ai lam yawng.... hkra hkum hkum tsup tsup dai kaw e.. lu htu la ai da. Dai majaw jahkrai ma raitim mung, myit ndaw myit ding ding man man sadi dung ai hte dai hku asak hkrung yang gaw da Karai Kasang gaw, shi hpe Shi hte arau nga ai re majaw shi hpe sha shaman ya ai da. Shu dai dai kaw na gaw, shu dai gaw, kaja wa shu kaja nre ai sha shu "Shu Sagya" re da. . Language as given: Jinghpaw
Format:		Digitised: no Media: Audio
Identifier:		KK1-2546
Identifier (URI):		http://catalog.paradisec.org.au/repository/KK1/2546
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2546/KK1-2546-A.eaf
		http://catalog.paradisec.org.au/repository/KK1/2546/KK1-2546-A.mp3
		http://catalog.paradisec.org.au/repository/KK1/2546/KK1-2546-A.wav
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2546
DateStamp:		2021-05-25
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Zahkung Lu Nan (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia