OLAC Record oai:paradisec.org.au:KK1-2543

Metadata
Title:		Grai sadi dung ai jau gawng la a lam (Honest hunter)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Zahkung Lu Nan (speaker), 2019. Grai sadi dung ai jau gawng la a lam (Honest hunter). XML/X-WAV/MPEG. KK1-2543 at catalog.paradisec.org.au. https://dx.doi.org/10.26278/5fa2c35b5d563
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Zahkung Lu Nan
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-04-16
Date Created (W3CDTF):		2019-04-16
Description:		Transcription (La Ring) Moi... da grai sadi dung ai ndai Jinghpaw jaugawng ngu na hku nga dai jaugawng la langai mi gaw nga ai da. Um.. rai she shi gaw grai sadi dung ai re majaw shi shan lang dung ai shaloi da, "Daini gaw shan la sha gap na ngu jang shan yi ni kade sa tim mung n-gap ai" da. De hpang hpang e bai shan lang sa dung tim, "Daini gaw shan yi sha gap na ngu sa jang shan la ni kade nga tim mung n-gap ai" da. Dan na lani mi na aten hta shi gaw e.. shan lang bai sa dung ai da. Shaloi jang she magwi e, magwi la langai mi sa la taw nga ai da. Jahpawt tup.. sa la taw nga shana de kaw na sa la ai jahpawt jan law wa tim mung nwa hkraw ai da. Dan na shi gaw "Kaning rai byin yang byin yau sai ngu na she yu wa yu ai" da. Yu wa yu jang she shi gaw da um.. shi hpe she magwi dai gaw hta ba mat wa ai da. Hta ba mat wa rai jang she.. magwi dai gaw wo.. grai magwi grai law ai hpawng kaw she wa shayu dat ai da. Shaloi jang she magwi yi langai mi gaw shi hpe lagaw latsawn ya ai da. Lagaw latsawn ya rai jang she yu yu.. shi jaugawng la wa shi Muksu Zau Kang ngu dai wa, dai wa yu dat jang she um.. shinggyim masha ni jun tawn da ai masawn ju hkrup ai da. Dai ni e.. shi gaw nhtu hte atsawm sha lai kau ya e kadoi shaw kau ya rai jang she e "Ngut sai" ngu jang she shi gaw dai Muksu Zau Kang ngu dai wa hpe she bai.. hta ba mat wa ai da. Hta ba mat wa na she wo.. grai sung dik ai la-ing kaw e makau kaw she wa shadun tawn da da.. Wa shadun tawn da hpang she shi gaw bai hka nawng kaba de hka la-ing kaba de sa na dai magwi kawng sa tam ai da. Magwi la dai magwi kawng sa tam ai she grai... kaba ai grai galu ai grai manu dan ai dai magwi kawng dai hpai na she Muksu Zau Kang hpe wa kumhpa ai da. Dai she Muksu Zau Kang ngu dai wa gaw e.. lang kaw du hkra bai wa sa tawn da, rai jang she umm shi gaw nta de bai hpai mat wa sai..da. Dai.. magwi kawng dai gaw shang lawt prat ten du hkra nga ai hku rai re nga. Shang lawt prat ten du hkra nga ai majaw she e.. myen ni bai wa mari ai da. Myen ni wa mari ai she um.. mawdaw kaw e bang mawdaw kaw bang rai yang she kade, mawdaw kade gawt tim mung nhkawm hkraw ai da. Mawdaw kade gawt tim nhkawm hkraw rai na she dai Muksu Zau Kang jan ngu dai wa she "Naw hkan nang su bai wa rit" ngu dai hku bai tsun dat jang she e.. mawdaw lu hkawm ai da. Lu hkawm ai raitim shanhte la mat wa ai raitim da shanhte la mat wa ai raitim e lawu ga de du jang masha grai.. si ai da. Masha grai si nna bai wa nhtang ya ma ai da. Bai wa nhtang ya ai shaloi shang lawt ni marai hkun daram hte gap hkat ma ai da. Gap hkat ai shaloi shang lawt ni gaw langai mung nhkala ai da. Dai re dai kaw na gaw shanhte shang lawt ni bai lu la ai da. Shang lawt ni bai lu la re ya gaw ntsa lam madat ai hku rai yang gaw ya gara hku rai sai kun ginjaw rung kaw tawn da ai daini du hkra naw nga ai. Anhte Wunpawng amyu sha ni hte sha dan ai kadai hte mung ndan ai. E..kadai kaning re ni hte mung ndan ai. Anhte gaw "Sut madu ni re" nga hku rai nga. E.. dan re gaw "Grai grai manu dan ai nhprang sut rai hte dan ai ni e.. Hkaw Hkam amyu ni Wunpawng amyu ni re" nga hku na tsun hkai nga ma ai hku rai nga. Dai muk.. Muksu wa ngu Muksu Zau Kang ngu dai wa sadi grai dung ai re majaw e hka hpe pyi gaw e.. "Nang de lung wa rit, shan hpya sha ga" ngu na miwa la lahkawng hpe htet ai da. Hpaga la lahkawng hpe htet jang she "Nkam ai" langai mi gaw nkam ai da. "Hka hpe me ntsa de lung wa nga gaw kawng de lung wa nga gaw" ngu hku rai nga. Shaloi jang she langai mi gaw "E.. wa tsun ya nga na wa tsun ya ai she re me tsun shangun ai she re me hpa gumhpraw jaw ra mi nre me" ngu na she "Wa tsun ya ga le" ngu wa tsun jang she wa tsun ya jang she, hka ntsa de lung wa, kawng de lung wa na ya hka dai mung daini du hkra nga ai hku, nga ai re nga hku tsun, tsun da hkai da nga ma ai. E grai.. sadi dung ai, sadi dung ai ngu gaw Karai Kasang ra tsaw awng sharawng ai rai na hku rai nga. Ndai dai majaw anhte Wunpawng amyu sha ni gaw e.. grai manu dan ai amyu re, yawng hkra ndai labau hpe nchye nmai re da. . Language as given: Jinghpaw
Format:		Digitised: no Media: Audio
Identifier:		KK1-2543
Identifier (URI):		http://catalog.paradisec.org.au/repository/KK1/2543
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2543/KK1-2543-A.eaf
		http://catalog.paradisec.org.au/repository/KK1/2543/KK1-2543-A.wav
		http://catalog.paradisec.org.au/repository/KK1/2543/KK1-2543-A.mp3
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2543
DateStamp:		2021-05-30
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Zahkung Lu Nan (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia