OLAC Record oai:paradisec.org.au:KK1-2466

Metadata
Title:		Hpaulum Tu (Hpaulum Tu)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Maran Hkawn (speaker), 2019. Hpaulum Tu (Hpaulum Tu). XML/X-WAV/MPEG. KK1-2466 at catalog.paradisec.org.au. https://dx.doi.org/10.26278/5fa2c297774e7
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Maran Hkawn
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-02-05
Date Created (W3CDTF):		2019-02-05
Description:		Transcription (La Ring) Hpaulum htu a lam hkai na re. Moi.. she da e gaida num jan ayi de e shi gaw lahpaw htat sa ai da. Lahpaw sa htat ai kaw e shi gaw wa hpu sa dum ai da. Wa hpu sa dum dat yang she hpaulum htu gum goi hkrat wa ai da. Hpaulum htu gum goi hkrat wa nna she yi wa machya kaw she "Atsi yu hkat ga" ngu da. Atsi yu hkat ga ngu jang she hpaulum htu gaw "E ning e nang hpe shawng yu ya na law, nang hpe shawng yu ya na" "Nre law nang hpe shawng yu ya na law" ngu dat jang she hpaulum htu gaw Jinghpaw num jan hpe she shawng yu ya.. da. Jinghpaw num jan hpe shawng yu ya rai jang she e shi gaw wo ra tsi yu taw nga jang she tin hkrai tin ya da, tin hkrai tin ya tin hkrai tin ya "ti ti ti ti..." ngu na tin hkrai tin gayen ya jang she shi gaw yup, yup nga mat wa ai da. Yup nga mat wa jang e she Jinghpaw num jan e she hpaulum htu sha kau ai da. Sha kau nna she dai Jinghpaw num jan gaida num jan gun hkrat wa ai lahpaw htingga dai gun nna nta wa.. da. Nta wa ai shaloi gaw kasha ni gaw jan du wa nna e shaga ai da "E.. nu e nu" ngu jang "Oi.. oi..oi" ngu htan da. Dai shaloi gaw nta bai du wa rai jang she, nta bai du wa jang she "Ma e ma ni e nu du wa sai nu du wa sai nu hpe chyinghka hpaw la rit" ngu jang "E.. nu nang, nu nre law an nau ni a nu gaw dan nnga ai annau ni a nu n re" ngu ai da. "An nau ni nu nre" ngu jang "Re le nan nau ni a nu re, nu hpe chyinghka hpaw la rit" ngu na rai jang e she "Gai rai yang nang annau a nu wa rai yang gaw ndai ahku hku hku na lata shawn bang dat yu" nga ai da. "Ta shawn dat yu" nga jang she ta shawn dat yu jang gaw amun amun hkrai galu lu law na she "E annau ni nu gaw ndan nga mun ntu ai" ngu da. "Amun ntu ai" nga jang she hpaulum htu gaw le.. ndaw kaw na ma ni wut tawn da ai numhkaw bum kaw amun sa galip kau ai da. Amun sa galip kau ya she "Gai rai yang ya bai shawn yu u ya bai jum yu mu rai yang" ngu na bai shawn dat yu yang she "Humm annau ni nu gaw ndan nga mazep mazap nnga ai amanyen sha she nga ai" ngu da. Shaloi gaw hpaulum htu gaw shingjat kaw na udi baw achya la nna kalang bai shawn dat ai da, "Maw ya nang ya bai jum mu rai yang". Jum dat yu jang she "Ya gaw annau ni nu rai re nga ai, amanyen nga ai" ngu na hpaw la ai da. Hpaw la ngut jang she ma hkannau ni gaw hkrit ma ai da. Ma hkannau gaw hkrit, kana jan ngu na gaw hkrit nna she "E.. yup saga, yup saga" hpaulum htu gaw "Annu ni yup saga yup saga" ngu jang she "E ma e lachyit tum naw tsing u" ngu. Lachyit tum tsing u ngu na rai na gaw dai tsing tawn na yup wa rai yang she, dai hpaulum htu gaw kanau hpe she lapran kaw shayup. Lapran e shayup jang she "krup krup krup krup" ngu na sha "E nu nang nhpa sha ai rai e" ngu jang she "She.. mana nang hpe tsing tawn shangun ai lachyit tum sha ai goi" ngu da. "Hka rai yang nu ngai mung sha yu nga" ngu yang "Ma ni nmai sha ai, ma ni nmai sha ai" bai ngu. Rai jang gaw "Ummm nu e ngai shinggan pru mayu ai jit ji mayu ai" ngu jang "Dai annu ni a nhtung kaw ji u" ngu. "Annu ni a nhtung kaw ji yang gaw manam wa na rai nga le" ngu jang she "Gai gai dai lagaw nhpang kaw" "E nu e ngai jit ji mayu ai law" "Dai annu ni a lagaw nhpang kaw ji kau dai lagaw nhpang kaw ji kau" ngu. "Yi lagaw nhpang kaw ji kau tim manam na rai nga ai nu e ngai ndaw de she sa ji na" ngu ari ri hkaw kanu e gaw ari ri lahkaw matu ri matu jum shangun rai nna e shi gaw ri lahkaw hpai mat wa ai da. Ri lahkaw hpai mat wa na she le ndaw kaw na ahtum, ahtum kaw she ri lahkaw dai lup di bang kau da na shi gaw nhkyi htingyawng ngai ma hpai rai na e shi gaw le.. sani hpun kaw e sani si si ai hpun ndung kaw sa dung nga ai da. Sa dung nga rai jang she dai hpaulum htu gaw kasha e "Shang wa rit le, shang wa rit" ngu jang nshang wa na pru wa yu jang gaw dai htum hku kaw she ari hkaw lup rai jang e dai ri lahkaw dai she "Nye kasha rai sai" ngu na sa gamu, sa gamu dat jang she e bai nrai taw nga. Nre taw nga jang gaw ma dai gaw htaw.. hpun ndung kaw na she mani mayu "hi hi.." ngu na mani kau dat mani dat jang she shi gaw ntsa de bai yu Ntsa de yu.. rai jang she le.. shingna le sani hpun shingna dai de tam hkrat wa yu yang gaw kata kaw she shingna mu. Shingna mu jang e sa gamu hkawm, "Ndai nye kasha rai sai" ngu sa gamu. Le ra kaw sa gamu rai jang e htaw.. ra ndung ntsa kaw dung nga ai ma dai gaw mani mayu na mani kau dat ai da. Dai shaloi e she dai hpaulum htu gaw "Ma nang hpa rai na dan re hpun ndung ntsa de lung dung a ta lawan yu wa rit" ngu da. "Lawan yu wa rit" ngu jang she "E nu e ngai namsi grai sha mayu nna namsi sa di sha ai goi, nu nang nsha mayu ai i" ngu "Sha mayu ai" nga ai. "Gai rai yang nu nang sha mayu jang gaw ah... ngu na le namsi hpun kaw ah.. ngu na nang ntsa de ngup mahka dat u, ngup mahka jang ngai di hkrat bang ya na" ngu na namsi kri kaji ai di la na she nhkyi htingyawng kaw chyawp di na she nhkyi htingyawng hte namsi dai jahkrat bang dat ya ai da. Jahkrat bang dat ya jang she hpaulum htu gaw dai kaw si mat sai da. Shing rai na e ya e ndai samat mat htek ni tai re ndai samat mat tung tai ai gaw dai hpaulum htu a sai re ai nga na tsun ma ai. E hpaulum htu a na asai dai hkra nna e ya samat mat tung tai rai na dai samat mat tung dai gaw ya anhte ni kaw ahkum kaw e hkra jang e grai machyi ntuk rawng ai. . Language as given: Jinghpaw
Format:		Digitised: no Media: Audio
Identifier:		KK1-2466
Identifier (URI):		http://catalog.paradisec.org.au/repository/KK1/2466
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2466/KK1-2466-A.eaf
		http://catalog.paradisec.org.au/repository/KK1/2466/KK1-2466-A.wav
		http://catalog.paradisec.org.au/repository/KK1/2466/KK1-2466-A.mp3
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2466
DateStamp:		2021-06-12
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Maran Hkawn (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia