OLAC Record oai:paradisec.org.au:KK1-2440

Metadata
Title:		Lep kanu hte yi sa ai hpawmi lahkawng (Ogress and women who work in the field)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Myitung Yaw Nam (speaker), 2019. Lep kanu hte yi sa ai hpawmi lahkawng (Ogress and women who work in the field). XML/MPEG/X-WAV. KK1-2440 at catalog.paradisec.org.au. https://dx.doi.org/10.26278/5fa2c23f8f947
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Myitung Yaw Nam
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-02-03
Date Created (W3CDTF):		2019-02-03
Description:		Transcription (La Ring) Maumwi gabaw gaw lep kanu hte yi sa ai hpawmi lahkawng a lam ngu ai re. Moi shawng de da mare langai mi kaw masha grai law hkra nga ai da raitim ni gaw shanhte ni gaw hpa galaw sha ta nga yang gaw yi sun hkauna bungli galaw sha ma ai da. Lani mi na ten hta ndai nta htingbu jan re ai num hpawmi lahkawng gaw yi rau sa na matu sahpaw da ai da shana kaw na. Hpang jahpawt du ai hte shan lahkawng gaw "Ning yi sa wa saga" ngu tsun ai da dai shaloi shan lahkawng gaw myit mi ahkrum rai na me she yi de sa mat wa ai da. Yi gaw shan hkawng na yi kaw du ai hte, shan hkawng na yi gaw nbung nga ai da ndai hkran wo ra hkran yi lahkawng re ai da. Dai shaloi ndai shana de jan du mahka shani tup bungli galaw nna me shana de jan du wa mahka ndai re shaloi she ndai maga na hpawmi langai mi wa gaw shi gaw grai kyin ai majaw shi gaw shi na htingbu jan kaning hpe shiga nshana ai sha hpa mung ntsun kau da ai sha jau jau nta de yu mat wa ai da. Dai shaloi ndai ngam taw ai hpawmi num wa gaw ya du hkra ngai na htingbu ngai na manang jan gaw "Ya du hkra ngai hpe nshaga ai jan mung grai du wa sai shi gara kaw kun ya mung nchye lung wa ai gaw" ngu tsun ai da. Dai shaloi shi gaw "E ning" ngu na shaga ai da, hkawng masum lang shaga ai shaloi she npu de na she "Oi.." ngu na htan wa ai da. Dai shaloi gaw "Wa saga" ngu tsun ai da dai shaloi gaw "E.." ngu hkan lung wa ai da. Shaloi gaw shi gaw yi baw yi wa kaw la taw ai da. Yi baw yi wa kaw la taw shaloi she lung wa ai da, lung wa ai shaloi gaw shi na manang nrai taw ai da, ndai lep kanu sanam num langai mi rai taw ai da. Ndai sanam num wa hpe shi gaw hkrit ai lam ni mung nmadun let e shi gaw gara hku lawt na ngu hpe sha shi gaw maja taw ai da. Dai shaloi she shan lahkawng gaw "Daina jan grai du mat sai n-yu wa sai sha nang kaw sha yup mat saga" ngu tsun ai da. Shaloi sanam num wa mung "E.." ngu na yup ai da. Dai shaloi sanam num ni gaw shanhte na nshang kaw magri dingsi gali na nga chye ma ai da. Dai shaloi ndai hpawmi masha hpawmi wa gaw shi gaw myit dum ai i "Ya ndai sanam num ni yup ai shaloi ngai" hpang shi gara hku myit a ta nga jang hpa majaw nga ta nga jang ndai sanam num wa gaw yup ai shaloi shana shanhte ngup mahka na yup ai da. Dai shaloi "Ya ndai wa ngup mahka nna yup ai shaloi ngai magri dingsi ju bang na me kagat mat na" nga na ngu na myit ai da. Dai shaloi shi gaw shan lahkawng gaw shana du na yup sai da. Dai shaloi sanam num wa gaw wan ma wut tawn da ai da. Sanam num wa gaw ngup mahka nna yup taw ai da dai shaloi ndai num hpawmi jan wa gaw shi gaw rawt nna she magri dingsi gang di na la she magri dingsi hpe ju ai da. Magri dingsi hkyeng wa ai hte shi gaw magri dingsi hpe matep la nna me she sanam num ngup mahka na yup taw ai ai ngup kaw bang da nna shi gaw kagat hprawng mat wa ai da. Dai shaloi dai ten hta gaw hpun ni mung hkrung mahkrung tu matu yawng gaw ga chye shaga ma ai da. Ndai shaloi num hpawmi wa gaw kagat yu mat wa ai yi wa hpe mung tsun kau da ai da dai shaloi "I mu ai rai ngu san ai rai yang nmu ai ngu na tsun ya rit ngu na" shi gaw kagat hprawng mat wa ai da. Yi wa kaw na yi wa kaw na yu mat wa ai lam ding dung hpun langai hpe mu ai da. Dai hpun hpe mung "Ya ngai ndai kaw sanam num wa ngai hpe e masha langai i mu wa ai rai i kagat lai wa ai rai nga san ai rai yang nmu ai ngu na tsun ya rit ngu" tsun ai da. Dai shaloi hpun wa mung "E e nmu ai ngu na tsun ya na" ngu tsun ai da. Kagat kagat rai yang shi shara lami kaw bai du ai shaloi mung hpun kaba langai hte hkrum ai da. Hpun kaba hpe mung "Ya ndai kaw ya hkring lep kanu ngai hpe san na ra ai dai shaloi nmu ai ngu na tsun ya rit" ngu tsun ai da dai shaloi dan ngu na tsun mat wa ai da. Kaga langai kaw bai du ai shaloi mung shi gaw shawng na hte maren sha tsun ai da. "Lam ding dung lam kaw na nga manga hpun ni ma hkra hpe shi gaw lep kanu san ai shaloi nmu ai ngu na tsun ya rit" ngu na shi gaw tsun kau da ai da. Hpang jahtum shi gaw mare kata de du mat wa sai da. Mare kata kaw du mat wa ai shaloi shi gaw mare makau kaw tu ai hpun ni yawng hpe mung dai hku sha tsun kau da ai da. Raitim mung shi gaw mare kaw du yang kabu mung kabu ai nta kaw du mat wa ai da. Nta langai kaw du mat wa yang she shi gaw nau.. kabu ai majaw nta shawng kaw dung ai i moi de gaw nta shawng hkan anhte ni mamhtu ai htum nga ai i. Ndai htum hpe shi gaw tsun malap kau da ai da. Dai shaloi shi gaw nau kabu na gat shang mat wa ai da. Dai shaloi num ma ni yup taw ai lapran kaw shi gaw wa shang yup mat ai da sanam num mung hkan shachyut nang ai da. Shawng kaw na hpun wa hpe san yang mung "Nmu ai" ngu da, hpang kaw na hpun hpe san yang mung "Nmu ai" da. Kaga hpun ni hpe san yang mung "Nmu ai" ngu na sha tsun ai da. Raitim mung sanam num wa gaw kagat hkan nang shachyut mat wa ai da. Dai shaloi mare kaw du ai shaloi she sanam num gaw "Ndai kaw num langai mi gat shang mat wa ai mu dat ai i" ngu tsun "Nmu ai" ngu ai da raitim shi gaw bai matut na hkan san mat wa ai da. Hpang jahtum e ndai nta langai mi kaw na htum kaw du ai da. Dai htum hpe san ai shaloi "Ndai kaw num hpawmi langai gat shang mat ai nmu ai i" ngu san dat ai shaloi htum mung shi hpe ntsun da ai re nga yang gaw shi gaw "Ya sha gat shang wa sai" ngu na htai kau dat ya ai da. Shaloi lep kanu gaw kagat shang mat wa na me she shi gaw num ma ni grai yup taw ai hpe mu ai da. Dai shaloi shi gaw gara hku chye ta nga yang gaw "Yup jau kaw na yup ai ni rai yang gaw hkum lum na re ai da, ya sha naw kagat shang wa ai rai yang gaw katsing re majaw katsi na re ai" ngu tsun ai da. Dai majaw shi gaw "Lum katsi, lum katsi" ngu na she hkan masawp hkawm ai da. Dai shaloi she hpang.. ndai ka-ang kaw du ai shaloi she lagaw langai mi gaw katsi taw ai da. Dai shaloi shi gaw "Ndai wa nan rai sai" ya sha naw kagat shang wa ai gaw ngu na she dai hpawmi num wa hpe garawt la nna me she dai nta ndaw kaw nga ai htum kaw abrep sat kau ai da. Maumwi gaw ndai kaw htum sai hku re. . Language as given: Jinghpaw
Format:		Digitised: no Media: Audio
Identifier:		KK1-2440
Identifier (URI):		http://catalog.paradisec.org.au/repository/KK1/2440
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		text_and_corpus_linguistics
		language_documentation
Table Of Contents (URI):		http://catalog.paradisec.org.au/repository/KK1/2440/KK1-2440-A.eaf
		http://catalog.paradisec.org.au/repository/KK1/2440/KK1-2440-A.mp3
		http://catalog.paradisec.org.au/repository/KK1/2440/KK1-2440-A.wav
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2440
DateStamp:		2021-06-12
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Myitung Yaw Nam (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia