OLAC Record oai:paradisec.org.au:KK1-2291

Metadata
Title:		Lalaw ma hte jahkrai (Orphan and bullies)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Gareng Laga Kung Hpan (speaker), 2019. Lalaw ma hte jahkrai (Orphan and bullies). X-WAV/MPEG/XML. KK1-2291 at catalog.paradisec.org.au. https://dx.doi.org/10.26278/5fa177ac92e80
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Gareng Laga Kung Hpan
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2019-01-28
Date Created (W3CDTF):		2019-01-28
Description:		Transcription (Pausa La Ring) E moi.. anhte jinghpaw wunpawng myu sha ni hkai hkrat wa ai maumwi tara masa hte seng ai maumwi re. Dai she lani mi na nhtoi hta e, dai mare langai mi hta e la law htinggaw hte e jahkrai ma htinggaw ngu ai ka Dwi hte sha nga ai jahkrai ma langai mi nga ai da Kanu Kawa mung n nga ai. Wora la law ni gaw Kanu Kawa yawng gu ai yawng hkum ai da. Dai majaw ndai lani mi na nhtoi hta e "Gin Gu Hpun" ngu ai anhte jinghpaw wunpawng amyu sha ni gaw "Gin Gu Hpun" ngu ai dai hpe e mare de sha kaw e mare de sai kaw e shing n rai "Ju Manau" dum ai poi kaba lung kaba hpaw yang dai baw hpun hkai ai. Anhte jinghpaw myu sha ni ding re ni nga ga ai. Dai hta e lani mi na nhtoi hta e dai "Gin Gu" si gaw grai noi nna asi grai si ai. Ntsa malen pyen ai u ni grai nga ai. Chyahkyi shannga yawng hkra mung sha ma ai da. Ntsa pyen ai u kaw, galang e u ni hkum sum hpa mung sha ai da. Dai she lani mi na nhtoi hta e da, dai hpun kaw e hkam na matu la law ma ni gaw sa wa sai da. Sa wa rai yang gaw htaw.. hpun ntsa de yu yang u kaw, galang ngu ai ningma dai ni manau nau yang shakap ai galang ndai baw ni mung grai sa ai da dai hpun kaw e "Gin GU" si hpe grai sha ai majaw. E la law ma ni gaw hpun hta e lung nna lakung shagu hta e hkam ma ai da. Hkam.. yang gaw jahkrai ma mung "A dwi e ngai mung "Ding Gu" hpun kaw e u hkam na re u su, u kaw, galang grai sha ai" ngu nna kawoi Dwi hpe tsun ai da. Tsun rai yang she kawoi Dwi gaw "E ngai sha e la law ma ni hkam na re ya nang nang mung hkam rai yang nanhte shuk nna nang hpe kayet yang e kaning ndi ai" ngu ai da. Rai yang she kaja wa la law ma ni gaw htaw.. hpun ntsa de hkam, rai yang gaw jahkrai ma gaw hpun ntsa de hkam na ngu yang la law ma ni yawng hkam ai majaw ga kaw e hkam ai da. Rai yang gaw ga kaw hkam.. rai yang gaw dai mahkam hpe e la law ma ni shawng sa yu ai da. Sa yu rai yang gaw htaw.. shanhte hkam da ai n tsa kaw gaw u kaw galang lu nga ai da. Ga kaw gaw chyahkyi lu nga ai da. Rai yang she "Ka.. shan hpe yu yang gaw u kaw, galang kaw gaw kachyi sha, bai nna chyahkyi hpe yu yang gaw shan tsawmra law re majaw "Eh ndai jahkrai me hpe gaw anhte dang ai hpa mi rai rai e chyahkyi gaw hpun n tsa de noi tawn da ga, hkin rang dai gaw chyahkrai sha ma hkam ai mahkam kaw e gyit da ga" ngu na shanhte la law ma ni pawng rai nna kaja wa hkin rang hpe shayu nna dai jahkrai sha ma na mahkam kaw gyit da ai da. Rai yang she shanhte na mahkawm kaw gaw jahkrai ma kaw lu ai chyahkyi ala kaba hpe gaw htaw.. hpun ntsa kaw e gyit da ai da. Rai yang dan di na shi gaw wa mat ai da la law ma ni wa mat rai yang gaw ya loi hkring gaw "E jahkrai ma e mahkam sa yu ga lo" ngu nna jahkrai ma hpe sa saw ai hku nga. Sa saw rai yang she kaja wa mahkam du yang gaw "Koi" jahkrai ma a mahkam kaw gaw hkin rang mi lu n tsa kaw e nga ai hkin rang mi lu, htaw.. ntsa kaw gaw chyahkyi ala kaba bai lu re hku nga. Dai majaw "Ga.. gara hku mung dai gaw n mai byin ai nye a mahkam kaw na lu ai re" ngu na jahkrai ma gaw chye myit n gut ai. Raitim dai kaw galaw na nga yang shi sum na bai rai re majaw grai myit n pyaw let e shi gaw wa mat ai da. Wa mat rai yang gaw "E jahkrai kasha wa dai anhte hpe roi ai" dai majaw dai hkin rang mung anhte lu hkra, chyahkyi dai mung anhte lu hkra nga na e dai shi jahkrai ma la wa ai u kaw galang hpe mung la na matu myit rai na she bungli hpaw sai da. Bungli hpaw yang gaw kaja wa dai lu su la law ma hta gaw lu su sahte hkum ni, ahkaw ahkang nga ai ni Du magam ni yawng sa nna nta tup hpring di nga ai da. Jahkrai ma wa gaw ndai tara hpe e je yang na matu tara kasa hpe hkan tam ai n mu. E.. n mu tim shi tam tik tik tam tik tik tam tik tik rai yang gaw htaw.. kaw mare langai kaw e teng man ai tara sara re nga nna yawng shi hpe e dan nga majaw shi kaw e sa ai. Htawra wa kaw e sa u nga ai. Dai wa mung e "Ga.. ma e, hkin rang ngu ai gaw galoi ga n yu ai, chyahkyi ngu galoi n tsa de n lung ai baw re. Ndai gaw ya e ngai du hparan ai na re" nga da. Rai yang gaw "Koi grai chyeju dum sai" ngu nna ndai ma gaw wa ai da. Wa rai yang gaw e amu dai jahta na matu bai la law ma ni gaw shanhte wu wu di di lu su hkum ni, ahkaw ahkang nga ni mada shanhte nta kaw gaw tup. Rai yang gaw jahkrai ma gaw kri kri rai nna e hpang hkrat nna she du wa ai da. Du wa, jahkrai ma wa du tim, dai shi na tara kasa wa gaw ndu ai da. Ndu kade la tim ndu, kade la tim ndu. E.. hpabaw jahta ai shi dai jahkrai ma na tara kasa gaw shanhte mayun nna dai moi gaw amu jahta yang shana e jahta ai law malawng dai majaw n pu kaw dung nga ai da. "E jahkrai sha e hkin rang dai nang la law ma ni hpe e jaw, chyahkyi mung nang n lu na, u mung nang nlu na, nang kaning re u kaw chyahkyi nga nna she nang magra e sha mayu i" ngu nna she dai kaw du ai dai kaw e la law ma ni maga yawng rut rai na tara je yang ma ai da. Tara je yang di nga rai yang she "Sa.. wa ga ya gaw shi gaw sum sai ngut sai nga", jahkrai ma gaw nyep myi prwi hte nga ten hta bra wa na hkyen hkyen "Saw" nga ten hta e dai mayun mayoi shanhte ga madat nga ai jahkrai ma na tara kasa wa gaw hprawt re ai da. Hprawt rai yang gaw e.. yawng e yu yawng e yu, azi yu yawng e layung madi "Kaning re na nang ya she du nga ya gaw anhte dai la law ma ni lu sai jahkrai ma hpa n lu ai" ngu na daw dan yang she "E.. nanhte Du magam salang ni hpe yawng hpe tawngban ai, grai tawng ban ai. ngai htawra.. nye "Nga" langai sha nga ai, "Nga Wu La" langai sha lu ai ngai dai she dai "Nga La" dai kasha hkrat nna dai hpe yu di nga di na hpang hkrat ai re tawngban ai" ngu "Htung n nga ai nang "Nga La" kasha lu ai nga gaw" ngu nna matsa ai da shi hpe. ndai hku tsun ai "E mai sai Du magam ni e, atsawm sha myit yu u, "Nga La" kasha n lu ai, chyahkyi mung n tsa de n lung ai hkin rang mung ga de n yu ai" dai majaw jahkrai ma ndai gaw jahkrai ma hpe roi ai re" ngu nna dai wo ra jahkrai ma na tara kasa wa dan ngu nna dai hte e dang ai da. Dai majaw jahkrai nga nna, la law nga nna e n mai ai dai majaw teng man ai tara gaw naw nga nga ai ngu ai lam hpe e dai maumwi hpe e na yang chye lu hku re. Dai maumwi gaw dai kaw htum sai. . Language as given: Jinghpaw
Format:		Digitised: no Media: Audio
Identifier:		KK1-2291
Identifier (URI):		http://catalog.paradisec.org.au/repository/KK1/2291
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2291/KK1-2291-A.wav
		http://catalog.paradisec.org.au/repository/KK1/2291/KK1-2291-A.mp3
		http://catalog.paradisec.org.au/repository/KK1/2291/KK1-2291-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2291
DateStamp:		2021-05-12
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Gareng Laga Kung Hpan (speaker). 2019. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia