OLAC Record: Matsan jahkrai ma (Poor orphan)

OLAC Record
oai:paradisec.org.au:KK1-2229

Metadata

Title: Matsan jahkrai ma (Poor orphan)

Access Rights: Open (subject to agreeing to PDSC access conditions)

Bibliographic Citation: Keita Kurabe (collector), Keita Kurabe (depositor), Shadau Hkawn Shawng (speaker), 2017. Matsan jahkrai ma (Poor orphan). XML/MPEG/X-WAV. KK1-2229 at catalog.paradisec.org.au. https://dx.doi.org/10.26278/5fa176e172eb8

Contributor (compiler): Keita Kurabe

Contributor (depositor): Keita Kurabe

Contributor (speaker): Shadau Hkawn Shawng

Coverage (Box): northlimit=27.331; southlimit=23.137; westlimit=95.335; eastlimit=98.498

Coverage (ISO3166): MM

Date (W3CDTF): 2017-04-14

Date Created (W3CDTF): 2017-04-14

Description: Transcription (Lu Hkawng) Ya ngai hkai na maumwi gabaw gaw matsan jahkrai ma ngu ai re Moi da mare langai mi kaw e ndai lusu sahti htinggaw mali nga ai da. Dai sahti htinggaw mali gaw nchyang saw hpa re yang mung masha hpe nchyang jahpu mung n kam jaw majoi mi shangun sha na sha myit re lusu sahti htinggaw mali nga ai da. Lani mi na aten hta e dai lusu sahti htinggaw mali gaw shanhte htinggaw mali tup jahkrai ma hpe e nga rem nchyang saw ai da. Matsan jahkrai ma mung shi mung grai yak ai re majaw gaw htinggaw mali saw timung shi gaw htinggaw mali ting na nga sa rem ya sai da. Sa rem ya re yang ndai lusu sahti htinggaw mali gaw jahkrai ma hpe e nga rem nchyang n kam jaw nna ndai dinghku mi re jang gaw awra dinghku ni jaw mu ga law nga, awra dinghku ni mung lera dinghku ni jaw mu ga law nga nna shada da manawng nna e jahkrai ma hpe e nga rem nchyang mung n jaw ndai labu hpun palawng mung kade je wa tim shanhte htinggaw mali kaw nna gara htinggaw mung bu hpun palawng mung n kam mari ya da dan re nna shat lu sha mung shanhte sha hku mung n jaw re nna jahkrai ma gaw shanhte sha ai lusha ngam angaw angam sha jaw sha dan re nna e jahkrai ma gaw matsan shayan re nna bu hpun palawng mung je je rai jahpawt mung kade katsi timung jahpawt jau jau rawt na nga hkyi ni chyu hte ra jahpawt shana hpun hta hka ja dan re bungli chyu chyu galaw shangun bungli gaw grai galaw shangun tim lusha mung atsawm n jaw sha re majaw jahkrai ma gaw kawsi shat kan sha kyu kyu nga sharang na nga rem shakut ai re da. Rai yang lani mi hta shi nga bai rem sa wa na nga nna pru sa wa shaloi e ndai mare makau na numshang kaw e lagat hpun langai mi tu ai da. Dai lagat hpun dai gaw loi hpun krawng hpun krawng re dai kaw e gat neng rawng ai hpe ndai jahkrai ma gaw sa mu ai da. Sa mu nna shi gaw shat ni mung galoi n hkru sha rai shat sha kan si kan si nga re majaw ndai lagat gat neng rawng ai mu nna ndai krau sha na re ngu nna myit ai raitim n-htu n lu ai majaw shi a nchyang madu ni kaw e n-htu wa shap ai shaloi kadai mung n shap ya ai da chyawm mi hkap a kre dat dai hku re yang gaw bai sa mat wa raitim jahkrai ma gaw e shi mung grai sha mayu sai da law re nna raitim myit bai awai la re nna she e kalang mi bai wa hpyi lajin yu na re ngu nna she kalang mi bai nhtu bai wa shap sai da. N-htu wa shap yang gaw dai htinggaw ni gaw shawng e masha ni hte aga rawng htim hkat re nna makoi da ai n-htu jagang kade na sai mung n chye nhkan hkrai hkrai puk puk re n-htu jagang langai mi shap ya ai da. Jahkrai ma gaw n-htu dai n dai mat sai majaw n-htu garang la na re ngu nna nhkrut tam yu yang nhkrut mung n mu re ndaw de bai pru wa yu yang e ndaw kaw e nlung langai mi gaw marung kung kung re nna ga kaw e daw mi lup re nna lup taw nga ai nlung dai hpe mu dat ai majaw shi gaw nlung dai kaw n-htu garang ai da. N-htu garang re yang gaw dai nlung mi gaw kung kung re dai wa she shi n-htu garang garang re jang gaw loi mi tsawm ra mi ra mat wa ai da. Ra mat wa nlung tsawm ra mi ra hkra garang re jang gaw n-htu mung dai sai da. N-htu dai wa shaloi she dai nlung gaw ga shag wa ai da. "Jahkrai ma e grai chyeju kaba sai law, ngai prat ting shakrwi machyi nna grai nga jam jau re wa daini chyawm mi nang garang shabaw kau ya nna grai nga pyaw mat sai law" ngu nna tsun ai da. Jahkrai ma gaw grai kabu ai hte ndai shi mu da ai lagat hpun kaw e lagat gat neng bai sa krau sha sai da. Sa krau sha yang e dai lagat hpun mung shi hpe bai tsun ai da. "Ma e grai chyeju kaba sai law, grai kabu sai law nye a ana lashing kaw e sa matsut gawa rawng nga ai ana kanu hpe nang alai shaw kau ya majaw ngai grai nga pyaw mat sai law" ngu na tsun re nna dai lagat hpun gaw bai matut tsun ai da "Ma e nang mung masha ni a nga chyu chyu rem matsan shayan re nna kaw si hpang gara hkrum bu hpun palawng gaw n lu gade katsi timung nga hkyi ni sha hte re nna nang grai ba nga ndai ya kaw na nang nga hkum rem sa nta she galaw na di u" ngu nna she dai hku tsun re yang gaw jahkrai ma gaw kaja wa lagat hpun hte e nlung shi hpe e hpaji jaw shadum la ai ga hpe madat nna shi gaw kaja wa nta galaw na hkyen sai da. Retim nta galaw na n-htu mung n lu re nna shi a nchyang madu ni kaw n-htu bai wa shap ai shaloi gaw n-htu mung kadai mung n shap ya da. N shap ya shi hpe e nga rem nchyang jahpu mung n jaw dan re nna she nta galaw wa na matu mung yak re majaw shi gaw lagat hpun hpe e dai lam ni bai n-htu mung n lu shi hpe nchyang jahpu mung n jaw re lam ni lagat hpun hpe bai wa tsun dan re yang gaw lagat hpun gaw"E hkum tsang u lani mi ya shanhte na shanhte myit wa nna jaw wa ai ten nga wa na ra ai gaw e nang hpa hkum myit kaji u" ngu nna daihku tsun jang gaw jahkrai ma gaw aw shi zawn zawn re nna matsan ai ni kaw n-htu shap la re nna she nta galaw wa sai da. Nta galaw yang gaw kade n na yang nta galaw ngut wa sai da ngut na sha re wa sai da. Shi gaw ya ngut hkyen sai majaw gaw ga saw la nna lani mi hte nta ngut hkra galaw kau na re ngu nna shangut la na re ngu nna ga saw sai da. Ga saw re yang gaw aw lusu ai ni gaw shi hpe e "Nang gumhpraw pyi n lu ai wa mi ga saw ai gaw shat pyi n lu wa mi hpa baw jaw sha na" ngu nna tsun ai da. Shi hpe matsan dum ai ni re jang gaw"Hpa ra ai law e shat sha ten re jang gaw kadai mung kadai a nta de she wa sha le" ngu nna dai hku sa galaw garum ai da. Sa galaw garum re jang gaw shani shat sha ten re jang e dai shi saw da ai ga ni hpe e lagat hpun nhpang de woi sa wa jang she lagat hpun nhpang hku gaw lusha ngu gaw mu mu mai mai akahtet hpoi hpoi re taw wa sai da. Re nna she shi ga ni hpe woi sha hkru hkru mu mu mai mai hkru hkru hpring hpring re nna sha ma masum dai hku daw jaw nna woi galaw ai da. Re jang gaw nta galaw ngut sai da nta galaw ngut jang gaw jahkrai ma gaw e nta nnan hpe e hkalum sa pyaw chyai na matu bai saw sai da. Deng she lusu ai ni bai re jang gaw"Nang hpun nba pyi n lu ai wa mi shana nta hkalum sa pyaw chyai na nga gaw" ngu na tsun,shi hpe matsan dum ai ni bai re jang gaw bai"Yup ten du jang maw kadai mung kadai na nta na hpun nba she wa la gaw e, nrai yang mung wan she wut kra gaw e" ngu nna shi hpe matsan dum ai ni gaw dia hku tsun re nna she nta sa kabu sa pyaw chyai lawm na re ngu nna sa wa yang she jahkrai ma na nta nnan kaw gaw nhku tup hkra hpun nba ni dunghkum saboi ni dinghku rai ni ja gumhpraw ni manu mana ndai lagat hpun hte nlung sagya num ni gaw yawng daihku sa shachyip bang da ya tawn da ya hpe sa mu ai da dai nna dai gahtawng mare masha ni gaw grai mau mat ai da. Dan re yang gaw ndai jahkrai ma gaw dai shani kaw nna gaw grai lusu nga mai wa sai da. Dan re nna she e ya dinghku de aten mung re sai gaw ngu nna she shi gaw num bai hpyi hkawm wa sai da, num hpyi hkawm wa yang gaw " E nang zawn re matsan jahkrai ma hpe wa kadai wa num ya kam na ta" ngu nna dai hku tsun na kadai mung num n ya ai da, re jang she shi gaw "E matsan chye dum ai hkawhkam shayi sha sa hpyi chyam yu na re" ngu nna sa hpyi sai da, sa hpyi chyam yu jang gaw dai hkawhkam wa mung shi hpe gaw matsan jahkrai ma re majaw hpa n lu bang na re ngu hku loi mi jahpoi asawng agoi ai hku na she "Ja joi lahkawng wa bang u law e, re jang gaw num nye kasha jaw sha na" ngu nna tsun jang she jahkrai ma gaw grai kabu hte wa nna she nlung hpe wa tsun ai da. Wa tsun jang she nlung gaw"E e jahkrai ma e ngai gaw nang n hpyi na she tsang nga ai,joi lahkawng sha wa i joi masum mali retim jaw na ngu su" ngu nna she dai hku dai hku ngu dat re nna nlung hte lagat hpun gaw shi hpe grai karum la nna dai shani gaw tsawm dik ai hkawhkam shayi mung lu hpyi la re nna e dai hkawhkam wang mung shan lahkawng hpe ndai ja gumhpraw sut gan ni garan ya di nna grai pyaw ai dinghku hpe e de la lu sai da. Dai majaw ndai jinghpaw ga malai gaw"Matsan ai nga nna hkum hkrap da, lu su ai nga nna hkum kadap" nga ndai jahkrai ma gaw dai jinghpaw ga malai hta e dik wa ai lam re sai da. . Language as given: Jinghpaw

Format: Digitised: no Media: Audio

Identifier: KK1-2229

Identifier (URI): http://catalog.paradisec.org.au/repository/KK1/2229

Language: Kachin

Language (ISO639): kac

Rights: Open (subject to agreeing to PDSC access conditions)

Subject: Kachin language

Subject (ISO639): kac

Subject (OLAC): language_documentation

text_and_corpus_linguistics

Table Of Contents (URI): http://catalog.paradisec.org.au/repository/KK1/2229/KK1-2229-A.eaf

http://catalog.paradisec.org.au/repository/KK1/2229/KK1-2229-A.mp3

http://catalog.paradisec.org.au/repository/KK1/2229/KK1-2229-A.wav

Type (DCMI): Sound

Type (OLAC): primary_text

OLAC Info

Archive: Pacific And Regional Archive for Digital Sources in Endangered Cultures (PARADISEC)

Description: http://www.language-archives.org/archive/paradisec.org.au

GetRecord: OAI-PMH request for OLAC format

GetRecord: Pre-generated XML file

OAI Info

OaiIdentifier: oai:paradisec.org.au:KK1-2229

DateStamp: 2021-07-03

GetRecord: OAI-PMH request for simple DC format

Search Info
Citation: Keita Kurabe (compiler); Keita Kurabe (depositor); Shadau Hkawn Shawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata
Country: Myanmar
Area: Asia

http://www.language-archives.org/item.php/oai:paradisec.org.au:KK1-2229
Up-to-date as of: Fri Sep 29 2:24:13 EDT 2023

Metadata
Title:		Matsan jahkrai ma (Poor orphan)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Shadau Hkawn Shawng (speaker), 2017. Matsan jahkrai ma (Poor orphan). XML/MPEG/X-WAV. KK1-2229 at catalog.paradisec.org.au. https://dx.doi.org/10.26278/5fa176e172eb8
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Shadau Hkawn Shawng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-04-14
Date Created (W3CDTF):		2017-04-14
Description:		Transcription (Lu Hkawng) Ya ngai hkai na maumwi gabaw gaw matsan jahkrai ma ngu ai re Moi da mare langai mi kaw e ndai lusu sahti htinggaw mali nga ai da. Dai sahti htinggaw mali gaw nchyang saw hpa re yang mung masha hpe nchyang jahpu mung n kam jaw majoi mi shangun sha na sha myit re lusu sahti htinggaw mali nga ai da. Lani mi na aten hta e dai lusu sahti htinggaw mali gaw shanhte htinggaw mali tup jahkrai ma hpe e nga rem nchyang saw ai da. Matsan jahkrai ma mung shi mung grai yak ai re majaw gaw htinggaw mali saw timung shi gaw htinggaw mali ting na nga sa rem ya sai da. Sa rem ya re yang ndai lusu sahti htinggaw mali gaw jahkrai ma hpe e nga rem nchyang n kam jaw nna ndai dinghku mi re jang gaw awra dinghku ni jaw mu ga law nga, awra dinghku ni mung lera dinghku ni jaw mu ga law nga nna shada da manawng nna e jahkrai ma hpe e nga rem nchyang mung n jaw ndai labu hpun palawng mung kade je wa tim shanhte htinggaw mali kaw nna gara htinggaw mung bu hpun palawng mung n kam mari ya da dan re nna shat lu sha mung shanhte sha hku mung n jaw re nna jahkrai ma gaw shanhte sha ai lusha ngam angaw angam sha jaw sha dan re nna e jahkrai ma gaw matsan shayan re nna bu hpun palawng mung je je rai jahpawt mung kade katsi timung jahpawt jau jau rawt na nga hkyi ni chyu hte ra jahpawt shana hpun hta hka ja dan re bungli chyu chyu galaw shangun bungli gaw grai galaw shangun tim lusha mung atsawm n jaw sha re majaw jahkrai ma gaw kawsi shat kan sha kyu kyu nga sharang na nga rem shakut ai re da. Rai yang lani mi hta shi nga bai rem sa wa na nga nna pru sa wa shaloi e ndai mare makau na numshang kaw e lagat hpun langai mi tu ai da. Dai lagat hpun dai gaw loi hpun krawng hpun krawng re dai kaw e gat neng rawng ai hpe ndai jahkrai ma gaw sa mu ai da. Sa mu nna shi gaw shat ni mung galoi n hkru sha rai shat sha kan si kan si nga re majaw ndai lagat gat neng rawng ai mu nna ndai krau sha na re ngu nna myit ai raitim n-htu n lu ai majaw shi a nchyang madu ni kaw e n-htu wa shap ai shaloi kadai mung n shap ya ai da chyawm mi hkap a kre dat dai hku re yang gaw bai sa mat wa raitim jahkrai ma gaw e shi mung grai sha mayu sai da law re nna raitim myit bai awai la re nna she e kalang mi bai wa hpyi lajin yu na re ngu nna she kalang mi bai nhtu bai wa shap sai da. N-htu wa shap yang gaw dai htinggaw ni gaw shawng e masha ni hte aga rawng htim hkat re nna makoi da ai n-htu jagang kade na sai mung n chye nhkan hkrai hkrai puk puk re n-htu jagang langai mi shap ya ai da. Jahkrai ma gaw n-htu dai n dai mat sai majaw n-htu garang la na re ngu nna nhkrut tam yu yang nhkrut mung n mu re ndaw de bai pru wa yu yang e ndaw kaw e nlung langai mi gaw marung kung kung re nna ga kaw e daw mi lup re nna lup taw nga ai nlung dai hpe mu dat ai majaw shi gaw nlung dai kaw n-htu garang ai da. N-htu garang re yang gaw dai nlung mi gaw kung kung re dai wa she shi n-htu garang garang re jang gaw loi mi tsawm ra mi ra mat wa ai da. Ra mat wa nlung tsawm ra mi ra hkra garang re jang gaw n-htu mung dai sai da. N-htu dai wa shaloi she dai nlung gaw ga shag wa ai da. "Jahkrai ma e grai chyeju kaba sai law, ngai prat ting shakrwi machyi nna grai nga jam jau re wa daini chyawm mi nang garang shabaw kau ya nna grai nga pyaw mat sai law" ngu nna tsun ai da. Jahkrai ma gaw grai kabu ai hte ndai shi mu da ai lagat hpun kaw e lagat gat neng bai sa krau sha sai da. Sa krau sha yang e dai lagat hpun mung shi hpe bai tsun ai da. "Ma e grai chyeju kaba sai law, grai kabu sai law nye a ana lashing kaw e sa matsut gawa rawng nga ai ana kanu hpe nang alai shaw kau ya majaw ngai grai nga pyaw mat sai law" ngu na tsun re nna dai lagat hpun gaw bai matut tsun ai da "Ma e nang mung masha ni a nga chyu chyu rem matsan shayan re nna kaw si hpang gara hkrum bu hpun palawng gaw n lu gade katsi timung nga hkyi ni sha hte re nna nang grai ba nga ndai ya kaw na nang nga hkum rem sa nta she galaw na di u" ngu nna she dai hku tsun re yang gaw jahkrai ma gaw kaja wa lagat hpun hte e nlung shi hpe e hpaji jaw shadum la ai ga hpe madat nna shi gaw kaja wa nta galaw na hkyen sai da. Retim nta galaw na n-htu mung n lu re nna shi a nchyang madu ni kaw n-htu bai wa shap ai shaloi gaw n-htu mung kadai mung n shap ya da. N shap ya shi hpe e nga rem nchyang jahpu mung n jaw dan re nna she nta galaw wa na matu mung yak re majaw shi gaw lagat hpun hpe e dai lam ni bai n-htu mung n lu shi hpe nchyang jahpu mung n jaw re lam ni lagat hpun hpe bai wa tsun dan re yang gaw lagat hpun gaw"E hkum tsang u lani mi ya shanhte na shanhte myit wa nna jaw wa ai ten nga wa na ra ai gaw e nang hpa hkum myit kaji u" ngu nna daihku tsun jang gaw jahkrai ma gaw aw shi zawn zawn re nna matsan ai ni kaw n-htu shap la re nna she nta galaw wa sai da. Nta galaw yang gaw kade n na yang nta galaw ngut wa sai da ngut na sha re wa sai da. Shi gaw ya ngut hkyen sai majaw gaw ga saw la nna lani mi hte nta ngut hkra galaw kau na re ngu nna shangut la na re ngu nna ga saw sai da. Ga saw re yang gaw aw lusu ai ni gaw shi hpe e "Nang gumhpraw pyi n lu ai wa mi ga saw ai gaw shat pyi n lu wa mi hpa baw jaw sha na" ngu nna tsun ai da. Shi hpe matsan dum ai ni re jang gaw"Hpa ra ai law e shat sha ten re jang gaw kadai mung kadai a nta de she wa sha le" ngu nna dai hku sa galaw garum ai da. Sa galaw garum re jang gaw shani shat sha ten re jang e dai shi saw da ai ga ni hpe e lagat hpun nhpang de woi sa wa jang she lagat hpun nhpang hku gaw lusha ngu gaw mu mu mai mai akahtet hpoi hpoi re taw wa sai da. Re nna she shi ga ni hpe woi sha hkru hkru mu mu mai mai hkru hkru hpring hpring re nna sha ma masum dai hku daw jaw nna woi galaw ai da. Re jang gaw nta galaw ngut sai da nta galaw ngut jang gaw jahkrai ma gaw e nta nnan hpe e hkalum sa pyaw chyai na matu bai saw sai da. Deng she lusu ai ni bai re jang gaw"Nang hpun nba pyi n lu ai wa mi shana nta hkalum sa pyaw chyai na nga gaw" ngu na tsun,shi hpe matsan dum ai ni bai re jang gaw bai"Yup ten du jang maw kadai mung kadai na nta na hpun nba she wa la gaw e, nrai yang mung wan she wut kra gaw e" ngu nna shi hpe matsan dum ai ni gaw dia hku tsun re nna she nta sa kabu sa pyaw chyai lawm na re ngu nna sa wa yang she jahkrai ma na nta nnan kaw gaw nhku tup hkra hpun nba ni dunghkum saboi ni dinghku rai ni ja gumhpraw ni manu mana ndai lagat hpun hte nlung sagya num ni gaw yawng daihku sa shachyip bang da ya tawn da ya hpe sa mu ai da dai nna dai gahtawng mare masha ni gaw grai mau mat ai da. Dan re yang gaw ndai jahkrai ma gaw dai shani kaw nna gaw grai lusu nga mai wa sai da. Dan re nna she e ya dinghku de aten mung re sai gaw ngu nna she shi gaw num bai hpyi hkawm wa sai da, num hpyi hkawm wa yang gaw " E nang zawn re matsan jahkrai ma hpe wa kadai wa num ya kam na ta" ngu nna dai hku tsun na kadai mung num n ya ai da, re jang she shi gaw "E matsan chye dum ai hkawhkam shayi sha sa hpyi chyam yu na re" ngu nna sa hpyi sai da, sa hpyi chyam yu jang gaw dai hkawhkam wa mung shi hpe gaw matsan jahkrai ma re majaw hpa n lu bang na re ngu hku loi mi jahpoi asawng agoi ai hku na she "Ja joi lahkawng wa bang u law e, re jang gaw num nye kasha jaw sha na" ngu nna tsun jang she jahkrai ma gaw grai kabu hte wa nna she nlung hpe wa tsun ai da. Wa tsun jang she nlung gaw"E e jahkrai ma e ngai gaw nang n hpyi na she tsang nga ai,joi lahkawng sha wa i joi masum mali retim jaw na ngu su" ngu nna she dai hku dai hku ngu dat re nna nlung hte lagat hpun gaw shi hpe grai karum la nna dai shani gaw tsawm dik ai hkawhkam shayi mung lu hpyi la re nna e dai hkawhkam wang mung shan lahkawng hpe ndai ja gumhpraw sut gan ni garan ya di nna grai pyaw ai dinghku hpe e de la lu sai da. Dai majaw ndai jinghpaw ga malai gaw"Matsan ai nga nna hkum hkrap da, lu su ai nga nna hkum kadap" nga ndai jahkrai ma gaw dai jinghpaw ga malai hta e dik wa ai lam re sai da. . Language as given: Jinghpaw
Format:		Digitised: no Media: Audio
Identifier:		KK1-2229
Identifier (URI):		http://catalog.paradisec.org.au/repository/KK1/2229
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
Subject (OLAC):		text_and_corpus_linguistics
Table Of Contents (URI):		http://catalog.paradisec.org.au/repository/KK1/2229/KK1-2229-A.eaf
		http://catalog.paradisec.org.au/repository/KK1/2229/KK1-2229-A.mp3
		http://catalog.paradisec.org.au/repository/KK1/2229/KK1-2229-A.wav
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2229
DateStamp:		2021-07-03
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Shadau Hkawn Shawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia