OLAC Record oai:paradisec.org.au:KK1-2184

Metadata
Title:		Myi htan tu tai mat ai num (Woman who became a firefly)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Tsiyu Ja Ra (speaker), 2017. Myi htan tu tai mat ai num (Woman who became a firefly). X-WAV/MPEG/XML. KK1-2184 at catalog.paradisec.org.au. https://dx.doi.org/10.26278/5fa17629520b1
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Tsiyu Ja Ra
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-04-13
Date Created (W3CDTF):		2017-04-13
Description:		Transcription (Htu Bu) Ndai kalang gaw Myihtan Tu Tai Mat Ai Nu A Lam hpe tsun dan na re. Moi kalang mi hta e, kahtawng langai mi kaw e, masha grai law hkra nga ma ai da. Dai kaw e, num langai mi hte la langai mi ma shan la ma nga ma ai da. Dai yan la gaw nnan sha naw, hkung-ran na nnan sha naw nga ai yan la rai ma ai da. Madu wa gaw madu jan mung Ma hkum byin sai hte maren shi mung Ma shangai wa ai shaloi jai lang na, sha na Gumhpraw ni hpe shi, tam na matu shi sumtsan de hkawm mat wa ai da. Dai mare kaw gaw madu wa n nga ai hpang e, ana zinli byin ai majaw, Htawk Dang ana byin ai majaw dai mare kaw na ni yawng hkra hte si ma ai da. Mare, wurum rum mat ai da. Dai shaloi shi a, dai num shan nu mung Ma hkum hte si lawm mat ai da. La wa gaw Gumhpraw ni hpe law law tam rai na, Gumhpraw tam na bai wa ai shaloi gaw, Gumhpraw tam na bai wa ai shaloi gaw, kahtawng langai mi kaw wa du ai da. Jan du mat ai majaw dai kaw wa yup ai da. Dai kaw na ni tsun ai da, "Nang, nanhte nga ai mare dai de hkum wa sanu. Dai de na ni anna zinli byin ai majaw masha yawng si ma sai." ngu tsun ai da. Raitim shi n kam ai da. Shi madu jan yan nu gaw hkrung nga na re, ngu shi shadu ai majaw shi, "Wa nan wa na." ngu na, "Sha pyi wa mada yu da na." ngu na shi wa ai da. Dai shaloi gaw shi nta kaw gaw, madu jan yan nu mung nga nga ai da. Ma sha ba rai na, grai, dan rai na nga taw nga ai da. Dai shaloi gaw dai la wa mung, dai madu jan kaw e, "Masha ni tsun ai wa mi nang si mat sai nga, hpa si mung n si ai wa. dan nga ngai hpe masu ai. Raitim ngai n kam ai majaw wa yu ai. Dai majaw ya ngai daini ngai, nang hte hkrum ai re." ngu na wa tsun dan ai da. Dan na, dai byin ai lam ni hpe jahta na shan yan lahkawng grai pyaw hkra nga ai da. Lani mi na n'htoi hta gaw, dai la wa gaw, bungli bai, bai matut hkawm mat wa ai da. Hkawm mat wa re shaloi gaw, dai mi sa yup ai shara kaw bai du ai da. Dai kaw na dingla wa gaw, dingla wa hpe shi tsun ai da, "E, a gu dingla e, nang tsun ai, anhte mare kaw ana zinli byin na yawng si ma sai. Nye madu jan mung n nga sai nga wa mi. Nye madu jan nga nga la ai le, yawng hkra hte ngai hpe mung, ra n rawng hkra lajang da na ngai hpe lusha ni mung lajang jaw ai. Nga nga ai le." ngu tsun ai da. Dai shaloi gaw, "E, na madu jan rai n rai gaw, nang jagrawng grawng na nhtang hku lagaw lapran hku baw shale na yu u. Dai shaloi mu na ra ai." ngu da. Shi mung kam n kam nga na bai nhtang wa sai da. Bai nhtang wa na madu jan shat shadu nga ai kaw dai hku bai yu ai shaloi gaw, madu jan gaw hkrit si na zawn rai na, namlim hte amyaw amya rai na yat nga ai mang langai mi rai taw nga ai da. Dan rai na she shi mung, dai shi galaw nga ai shat mung, shi shadu da ai shat ni mung byet she rai taw ai da. Dai hpe shi mu kajawng na shi kalang ta, hprawng mat wa ai da. Hprawng mat wa ai shaloi gaw, madu jan bai hkan shachyut woi la ai da. Shi gaw ladat shaw sai da. Shi dai kaw na lu hprawng na matu ladat shaw na shi gaw madu jan hpe tsun ai da, "Ngai shinggan chyahkring mi naw gan pru na. ngai hpe e, aw, madu jan gaw shi hpe dai hku hprawng mat mat rai jang she, madu jan gaw shi hpe sumri hte gyit na sumri kaw jum da ai da. "Ngai shinggan chyahkring mi sha gan pru na ngai hpe e, ahkang naw jaw rit. Ngai chyahkring sha bai nhtang wa na." ngu tsun ai da. Dai shaloi gaw, madu wa, madu jan mung shi hpe e sumri, sharen dat ya na shi shinggan pru sa mat ai da. Shi hkrit ai majaw shi kalang ta shi hkum hpe gyit tawn da ai sumri hpe shi dai htum, htum nhpang kaw, dai htum hpe gyit kau da na shi gaw hprawng mat wa ai da. Dai shaloi gaw, dai num dai gaw, hkan shachyut ai da. Hkan shachyut na she, hkan shachyut ai shaloi gaw, la dai gaw punghkaw kaba law gran ai hku hkrai hkrai lai ai da. Dai shaloi gaw dai kaw hkra yang arut arut rai yang gaw shi shan ni gaw yawng ye na she dai punghkaw hku yawng shan ni yawng lwi ma ai da. Dan raitim shi gaw naw shachyut ai da. Dai shaloi gaw dai la wa gaw hprawng mat wa na she, Hka ni rap hprawng mat wa ai. Raitim, dai wa gaw naw hkan shachyut ai da. Dan jang she, hpang e gaw shi gaw kaning n chye di wa na she oh kaga mare kaw na n'dup dup ai shara de shi hprawng mat wa ai da. n'dup dup ai shara de hprawng mat wa ai shaloi gaw, n'dup dup ai dingla wa hte hkrum ai shaloi, shi madu jan dai hku dai hku byin ai, ngai hpe shachyut taw nga ai, ngu na wa tsun dan ai shaloi gaw dai dingla wa gaw shi hpe makoi da na, la taw ai da. Dai shi n'dup dup ai kaw na ntsin, hpri ntsin shabyawng tawn da ai dai hte hkap jaw bun ai da. "Na madu ndai kaw n nga ai. Pru wa su." ngu na hkap jaw bun dat ai da. Raitim shi mung "Ahte law!" sha nga na she, bai matut tam mat wa ai shaloi gaw madu wa hpe bai mu ai. Raitim, madu wa mung shi hpe mu, shi hpe wa mu kau ai hte shi kalang bai matut hprawng mat wa ai. Dai hku na sha bai shi mung bai shachyut ai shaloi gaw shara mi kaw bai du mat wa ai shaloi gaw dunghpau galaw ai shara kaw du mat wa ai da. Dunghpau galaw ai kaw dingla wa hpe bai wa tsun dan ai shaloi, dingla wa mung shi hpe bai makoi kau na she, "Sa wa yu rit, Ma e. Na madu wa hpe ngai ndai kaw bang kau sai gaw. Nang sa yu yu u." ngu tsun na she, dai shaloi dai num wa gaw kachyi sha law mat shana hku nga. Byaw hkrai byaw, byaw hkrai byaw, hkrat hkrai hkrat ma yang, kachyi sha law mat ai da. Dai shaloi gaw dai hku kaw she, "Nang kaw bang u yaw. Nang kaw yu u yaw. Na madu wa hpe ngai ndai kaw bang da ai. Nang ma ndai kaw shang u." ngu tsun na she Nang ma ndai kaw shang u." ngu tsun na she moi na dunghpau gaw dumlawng grai kaba sam ai gaw dai kaw she, shi hpe jashawn na she kalang ta wan tsi zawk na gap kau dat ai da. Dai kaw na pru mat wa ai wan num yang ni gaw Myihtan Tu byin mat ai da. Dai majaw ya gaw Myihtan Tu byin ai ngu gaw dai Ndang num kaw na hpang ai re da. . Language as given: Jinghpaw
Format:		Digitised: no Media: Audio
Identifier:		KK1-2184
Identifier (URI):		http://catalog.paradisec.org.au/repository/KK1/2184
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2184/KK1-2184-A.wav
		http://catalog.paradisec.org.au/repository/KK1/2184/KK1-2184-A.mp3
		http://catalog.paradisec.org.au/repository/KK1/2184/KK1-2184-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2184
DateStamp:		2021-02-01
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Tsiyu Ja Ra (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia