OLAC Record oai:paradisec.org.au:KK1-2120

Metadata
Title:		Nyan rawng ai num (Clever woman)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), Laga Kai Ja Aung (speaker), 2017. Nyan rawng ai num (Clever woman). MPEG/X-WAV/XML. KK1-2120 at catalog.paradisec.org.au. https://dx.doi.org/10.26278/5fa1752a4c5c9
Contributor (compiler):		Keita Kurabe
Contributor (depositor):		Keita Kurabe
Contributor (speaker):		Laga Kai Ja Aung
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-04-12
Date Created (W3CDTF):		2017-04-12
Description:		Transcription (Lu Hkawng) Ya ngai hkai na maumwi gaw nyan rawng ai num langai a lam re, moi shawng de e num langai mi gaw nyan grai rawng ai da. Shi gaw yi galaw sha ai wa re ai da. Yi galaw sha ai ngu ai gaw ndai htingra yi ni hpe shi yi hkyen nna yi nat re nna hkrang sawm ai amu magam bungli hpe shi galaw ai da. Dai lani mi na nhtoi hta shi yi kaw e yi nat tawn da ai kaw na htingra yi hpun ni hpe sawm taw nga aten hta e, nam de na nat num langai mi sa wa nhtawm shi hpe e, ''E ning'' ngu nna shi sa shaga ai majaw shi mung htan hkrup kau sai da. Shi htan kau dat ai ten hta e nat num mung bai shi hpang de gahtep sa wa nhtawm e, shi hpe e tsun ai gaw ''Ning nang ma n lu i ning'' ngu na sa san ai da. Shi gaw ''Lu ai" ngu na tsun ai da. ''Ya na ma kanang da sai rai'' ngu na tsun yang ''Nye ma nwoi sa ai nta kaw tawn da sai'' ngu na tsun ai da. Shaloi nat num wa gaw ''Hpawt ni na ma woi sa wa rit na ma hte nye ma galai ga'' ngu na jinghpaw num hpe e, tsun ai da. Shaloi shi gaw ''Mai gaw e'' ngu na jinghpaw num gaw dai hku tsun ai hte e, yau la nna shana de shi gaw wa sai da. Dai majaw shi gaw hpan jahpawt rai jang e, shi yaw tawn da ai shi nta na Gwi la n-hkru dik ai hpe e hkum ting n mu hkra shi gaw ba hpai nna, yi de woi sa wa ba sa wa nna, yi de e woi sa wa nu ai da. Shaloi jinghpaw num shawng du taw nga ai hpan e, ndai nat num mung shi ma ba nna shi du sa wa ra ai da. Shaloi gaw jinghpaw num hpe e shi gaw ''Ning na ma shawng yu dat u, dat dat u'' ngu na tsun ai da. Dai shaloi e, ndai jinghpaw num gaw ''Ning ye nye ma gaw grai ga-dau ai na ma shawng sha yu dat u'' ngu na tsun ai da. Dai shaloi nat num wa gaw ''Nang na shawng sha yu u'' ngu tsun yang jinghpaw num mung ''Nye ma gaw grai ga-dau ai law na na shawng she sha yu u'' ngu tsun rai jang she, nat num wa gaw sha yu sai da. Sha yu ai hpang nat num wa shayu ai hpang e, jinghpaw num na ma Gwi la kaba grai n-hkru ai hpe bai dat dat sa i nga jang sha yu dat ai hte rau gaw nat num na ma gaw hta sha kau ya ai da. Hta sha kau ya ai majaw nat num gaw pawt nna, shi gaw nam de marawn shang wa nna, ''A num ndai hpe e, ma-ni kaw na nang hpe ngai maya agrawp sha kau yang rai sai re ai wa ya gaw nang ngai hpe masu sha i'' ngu na nam de marawn shabam mat wa ai da. Ngut sai. . Language as given: Jinghpaw
Format:		Digitised: no Media: Audio
Identifier:		KK1-2120
Identifier (URI):		http://catalog.paradisec.org.au/repository/KK1/2120
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/2120/KK1-2120-A.mp3
		http://catalog.paradisec.org.au/repository/KK1/2120/KK1-2120-A.wav
		http://catalog.paradisec.org.au/repository/KK1/2120/KK1-2120-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-2120
DateStamp:		2020-11-09
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); Laga Kai Ja Aung (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia