OLAC Record oai:paradisec.org.au:KK1-1531

Metadata
Title:		Nga nawng (The fish basket)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), M. Ja Tawng (speaker), 2017. Nga nawng (The fish basket). MPEG/X-WAV. KK1-1531 at catalog.paradisec.org.au. https://dx.doi.org/10.4225/72/598b39f022673
Contributor (compiler):		Keita Kurabe
Contributor (depositor):		Keita Kurabe
Contributor (speaker):		M. Ja Tawng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-23
Date Created (W3CDTF):		2017-02-23
Description:		Moi kalang mi hta da grai lagawn ai e oh ra tsap langai mi nga ai da. Tsap langai nga she e dai tsap dai gaw bat mi na matu ngu na lani mi bat mi na matu ngu na dai hku lu sha tam da da re ai da. Lu sha tam re dai bat mi sha n du yang dai sha n ma yang shi lu sha laga n tam ai da. Yup na sha yup na sha yup na sha re ai da. Dai hku re she e dai hku yup na sha re she lani mi na aten hta shi lai hkawm ai da. Lu sha tam ngu na lai hkawm ai ten hta she nga nawng langai mi kaw nga grai rawng ai mu ai da. Nga grai rawng ai mu na she shi gaw dai nga dai hpe she sa mu da na shi nta wa sai da. Nta wa she shi na ka le ka hte she ka sa bang da yang gaw nga ndai ni ka ndai kaw lu na re ngu na ka dai nawng dai kaw sa bang da ai da. Sa bang da ai shaloi she ka dai hpring hkra nga rawng mat ai da. Nga rawng mat na shi dai la wa ai da. Koi ndai gaw ngai na bat mi na lu sha rai sai n tam ra sai ngu na shi nta la wa na she dai shi nta na nlung nlung kaba nga ai dai makau kaw makoi da ai da. N lung kaba na makau kaw makoi da na she shi gaw yup sai da. Yup na she e makoi da ai da. Dai she lani mi na aten hta she ga gwi wa sa mu ai da sa mu ga gwi wa dai hku lai wa she dai e tsap na nta na nta kaw shi nga sin manam ai na ai da. Na n na she shi lagu yu na she dai tsap na nta nga sin manam ai na ai majaw hpa mi nga nga ndai tsap wa kaw gaw nga nan nga ai re dai majaw ngai e dai hku gram sha na re ngu na she myit grai magau rawng ai da dai ga gwi gaw dai hku ngu na she sa sai da. Dai tsap wa kaw sa she e hkau tsap e nang dai ni lu sha tam n sa ai i ngu tsun yang e n sa sai bat mi ti na ngai na lu sha lu tam da sai ngu tsun ai da. Dai hku ngu tsun she e dang nga yang ngai nang kaw manam na ngu na sa wa ai re le ngu tsun ai da. E nang ngai kaw manang na nga yang gaw nang gaw nta n lu i ngu she i mana na mawru nbung bung ai kaw ngai na nta kadawng mat ai dai majaw ngai nta n lu mat ai e bat mi sha pi ngai nang na nta kaw manam na yaw ngai nta galaw ngut ai hte nye nta de bai kalang ta wa mat na ngu tsun dai hku ngu tsun ai da. Bai wa na dai hku ngu tsun re she dai tsap wa mung tsun sai da. E mai ai mai ai nye nta kaw nga u ngu dai hku ngu tsun ai da shi gaw shi na nga ka gaw n dum re she nga u ngu tsun ai da. Nga she e dai hku ngu na tsun na nga yang she lani mi na aten hta she dai tsap dai ga gwi wa gaw grai n kaja nga she yup tsi dai hku grai yup ai hpang i dai hpang tsi she dai gwi wa hpe aw dai tsap wa sha ai dai kaw bang ya ai da. Bang ya she dai tsap wa dai sha na she yup mat ai da. Yup mat re she shani ting yup sai da. Yup she e dai ga gwi wa gaw tsun sai da hkrit sai da e ndai tsap wa gaw ndai ram ram lu yup ai she rai nga hka hpawt ni na gaw ngai ya dai ni jaw ai htam lahkawng dai tsi bang na jaw ngu na myit na she htam lahkawng dai tsi bang na jaw ai da. Jaw re she rai tim e dai tsap wa gaw lu na she yup sai da. Yup re she um dai hku ngu yup re she dai ga gwi wa gaw grai le ai da. Tsap wa yup nga ai shaloi she dai tsap wa makoi da ai e nga ka dai hpe she tam ai da. Tam re she dai e oh ra manam ai sama madat na tam ai da. Tam she nlung nlung na makau kaw tawn nga ai mu ai da. Dai hpe makoi da ai mu she agra ndai nawn hpai yang gaw ngai n dan hpai ai wa dai majaw kaji kaji kaji di na hpai htawt la na re nye nta de ngu ai da. Dai hku ngu myit na she dai hku ngu tsun she tsap dai tsap wa she dai yup taw nga na she hamm ngu na rawt wa ai da. Dai she e hkau e hpa galaw nga ta ye ngu tsun she tsap wa she e ngai ni nanhte nta nlung grai taw ai majaw ngai nye na nta kaw i shadaw nga na matu nlung loi mi hta la na ngu na tam taw nga ai lo ngu tsun ai da. E mai ai mai ai ngu tsun ai da. Dai hku ngu na dai tsap wa nga bai sha la na bai yup mat sai da. Bai yup mat re ai shaloi she hpa mi nga nga ndai lang gaw shi tsawm ra na hkra bai yup na re ngu na she nga hpe she lahkawng masum di na hpai htawt ai da. Hpai htawt re ai shaloi she lahkawng na ngu na shaloi gaw shi wa chyinhka hpaw dat ai wa maja grai ja hkra hpaw kau dat na hku nga dun nga ngoi ai da. Dai shaloi she tsap wa bai kajawng rawt wa ai da. Agar ya hkau e myi gaw n hpaw ai da dai tsap wa hkau e ya hpa ngoi wa ai ta e ngu dai hku ngu tsun she e ngai oh ra nta de ngai na nta galaw na shadaw ndai nlung wa sa ai ngu na bai shang wa na ngoi wa ai bai rai nga aw aw hpai la u hpai la u bai ngu da. Aw aw hpai la u hpai la u bai ngu da dai she tsap wa mung bai yup mat ai da. Kalang bai yup mat da kalang bai dai gagwi wa gaw kalang bai nga dai lahkawng masum bai hpai na bai wa sai da. Wa she kalang bai chyihka bai sa la na ngu na chyinhka bai hpaw dun nga bai ngoi yang she dai tsap dai gaw myi mung n hpaw she e hkau e hpa baw ngoi wa ta e ngu she manam du ai i ngu dai hku ngu tsun yang she n re hkau e ngai shadaw ya lang gaw ngai oh shadaw la na ngu na sa na ya ni de bai wa re shadaw wa tawn da na bai sa wa re ngu tsun ai da. Dai shaloi aw aw aw ngu na she tsap wa mung dai shaloi gaw oh ra rai bai nga bai rawt sha na bai nga bai yup mat ai da. Bai yup masum lang ngu na bai wa sa na bai wa ai shaloi she gar hkau e hpa baw wa ngoi wa ta e ngu she e hkau e ngai ya nta e wa galaw ai kaw na bai wa ai re she ngut sai i ngu tsun ai da. E ka-an hkup naw nga ai ngu tsun ai da. Shi ka-an hkup naw nga ai ngu gaw oh nga ka-an hkup naw nga ai hpe tsun ai re na hku nga re she e ka-an hkup naw ra ai ngu tsun ai da. Dai she dai tsap wa mung yup su yup ma re she aw aw aw galaw galaw u ngu na bai yup mat ai da. Bai yup mat re she shi nga bai la sai da nga la she kalang bai wa tawn da ai shaloi she kalang bai chyinhka hpaw yang bai ngoi ai da. Tsap wa bai myi gaw n hpaw she koi ya bai manam du ai i ngu she n re ai hkau e ngai ngai rai nga ai lo ngai nta wa galaw na wa gawang yu kau da na bai sa wa ai ngu tsun she nang na nta n ngut shi ai i ngu tsun jang kaji mi naw ra ai ngu tsun ai da. Kaji mi naw ra ai ngu tsun ai dai she e galaw u ngut jang nye ma shaga u yaw ngu tsun ai da. Dai shaloi she e dai ga gwi wa bai nga bai hpai mat wa sai da. Nga bai hpai mat wa ai shaloi she e ndai nga ndai ma hkra hpai mat wa yang gaw nmai na re ndai tsap wa e ngai hpe i ntsen ai myit rawng na re dai majaw lahkawng masum sha pi ngam da na re ngu na myit dai ngam da na ngai ma n mai wa mat ndai kaw dai hku naw nga nga na re rai yang she shi ngai hpe n shadu na re ngu na she dai nga bai wa tawn da she shi bang shang mat ai da. Shi bang shang wa she e hkau e hpa baw wa ngoi wa ta e bai ngu tsun she e hkau e ngai nta wa galaw na ya wa ai re ngu tsun ai da. E na nta ngut sai i ngu yang ngut sai kaji mi sha ra sai dai gaw n galaw sai ngu tsun ai da. Dai hku ngu tsun ai shaloi she e dai tsap wa dai shaloi bai rawt wa ai da. Bai rawt wa she agar ya nga bai sha na matu sa gar ngai bat mi na matu ngu ai wa ya nga grai yawm mat ai wa i ngai mi yup mang mu mi ngai yup nga ai shaloi ngai bai rawt sha sha re ai shaloi ma mat ai rai sam ai ngu dai hku ngu tsun ai da. Dai hku ngu tsun she e hkau e mi nang yup nga ai shaloi ngai na tsi jaw sha ai le nang nga sha ai nang n dum ai re nga nang sha kau ai i rawt sha rawt sha re na nang n dum ai re nga ai ngu dai hku ngu tsun ai da. Dai she e rai na re ya ngai lu sha bai tam ra sai ga rai nga ai ngu tsun ai da. Tsun re she dai tsap wa mung dai shi na nga dai hpe sha sha na she hpang shani nga yang ma rai re nga lu sha tam na shara de bai sa na she e hkau e tsap wa lu sha tam sa ai shaloi she dai ga gwi wa hte bai hkrum ai da. Hkrum she e hkau e nang dai ni lu sha tam sa ai i ngu e lu sha tam sa re hkau e dai hku ngu tsun ai da. Yahte nan sa hkwi ai kaw nga bai n rawng sai ngu tsun ai da. E dai sa yu na ngu sa wa ai re ngu tsun ai da. Dai shaloi she yahte nang hkwi ai nga nga yang gaw ngai nga hkwi ai nang chye ai i ngu tsun ai da. Dai shaloi tsap kaw dai hku ngu san re shaloi gwi gaw aw n chye ai law n chye ai law dai hku ngu tsun ai da. Masu sha ai da masu na she e nchye jang nang dai hku nga yaw dai hku ngu tsun na she dai tsap wa sumru nga sai da. Gar mi gaw shi tsi katut da n re nga i nau n dum n dum nga da she tam hkawm ai shaloi she ngai bat mi sha na matu ngu na she hpring hkra tawn da ai re wa gara hku mat mat ai i ngu tsun ai da. Dai hku ngu tsun ai shaloi she hpa mi nga nga ndai gaw ga gwi wa ngai hpe galaw ai rai sai ngu na shi nga n tam ai wa sai da. Wa na she e hkau ga gwi e ngu wa sha ga ai . Aw grau mu ai hpang lu sha mu da sai nga yang ngai hpe ma madung u le ngu pru wa ai shaloi she dai tsap wa agw dai ga gwi hpe rim na she ni gaw ngai grau mu hkra mu da ai gaw nan ye rai sai ngu na nang ngai hpe tsi jaw lu na ngai hpe yup shagun na nang ngai na nga yawng sha kau ya ai majaw dai ni gaw nang hpe nan sha na re ngu na dai ga gwi hpe rim na sha kau ai da. . Language as given: Jinghpaw
Format:		Digitised: no Media: Audio
Identifier:		KK1-1531
Identifier (URI):		http://catalog.paradisec.org.au/repository/KK1/1531
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1531/KK1-1531-A.mp3
		http://catalog.paradisec.org.au/repository/KK1/1531/KK1-1531-A.wav
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1531
DateStamp:		2017-08-09
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia