OLAC Record oai:paradisec.org.au:KK1-1453

Metadata
Title:		Galang gayet yang shi (The poor man who killed ten flies)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), M. Ja Tawng (speaker), 2017. Galang gayet yang shi (The poor man who killed ten flies). MPEG/X-WAV/XML. KK1-1453 at catalog.paradisec.org.au. https://dx.doi.org/10.4225/72/598b38a15824e
Contributor (compiler):		Keita Kurabe
Contributor (depositor):		Keita Kurabe
Contributor (speaker):		M. Ja Tawng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-22
Date Created (W3CDTF):		2017-02-22
Description:		Moi kalang mi hta da la langai mi gaw grai matsan ai da. La dai gaw grai matsan na she muk chyaw chyaw dut sha ai da. E dai hku muk chyaw chyaw dut sha re she shi she dai layit hte ni hku wan wut na dai hku dung nga she shi chyaw da ai muk kaw she ji nu shi tim sa kap ai da. Ji nu shi tim sa kap yang she shi gaw grai pyawt mayu na she ji nu dai ye kalang kayet dat ai hte ji nu dai shi hte si mat ai da. Si mat re she dai kaw na shi gaw e ngai ngai na atsam grai nga nga ai ngu shi gaw dai hku myit la na she shi kalang kayet yan shi ngu laika ka na she ndai kahtan yang kaw sha kap na shi gaw muk dut hkawm ai da. Muk dut hkawm re she jahte wa mu ai da. Jahte wa shi kasha hpe ra ai dai hku sha lawm e sha lawa sha lawa dai shi kasha hpe ra ai sha lawa langai mi nga ai da. Sha lawa dai nga she dai hku shi na lahtan kaw kalang kayet yang shi ngu ai dai hpe she dai jahte wa mu ai da. Mu na she sha ga la ai da. E nan de sa wa yu rit ngu tsun ai da. Dai shaloi she dai la wa gaw wa sa ai da. Sa wa shaloi she um hpabaw hpabaw ngu na rai jahte wa ngu tsun ai shaloi she dai nang na lahtan kaw kalang kayet yang shi nga ka da ai gaw hpa baw lachyum rai ngu tsun ai da. Dan she e jahte wa e ngai gaw ngai hpa galaw tim mung grai kan ka ai ngu ai lachyum re ngu tsun ai da. Dai hku ngu tsun ai shaloi she e dai nga yang ngai nang hpe bungli lama mi shangu mayu ai le ngu tsun ai da. Dai she mai ai le jahte wa hpabaw bungli shangu na hpa mung ngai chye galaw ya lu ai lu galaw ya ai ngu tsun ai da. E nang ngai tsun ai dai bungli lu galaw lu yang jan gaw nang hpe nye kasha ma jaw sha na hkawhkam wang na jaw na ngu tsun ai da. Dai shaloi she dai dai la dai gaw tsun ai da. Mai ai hpabaw sha ma tsun dat u ngu tsun ai da. Dai shaloi hkawhkam wa nye kasha ye ra taw ai oh ra sha la wa langai mi nga ai da. Nang shi hpe sat ya jang gaw nye kasha hpe ma jaw sha na ngu tsun ai da. E shi nye kasha hpe ra ai majaw anhte na ndai mungdan kaw nga taw na anhte grai jam jau ai ngu tsun ai da. Mai ai ngu tsun ai da. Dai nhtoi sha daw dan dat u ngai dai shani sa wa na ngu tsun ai da. Dai shaloi she um dai shaloi she nhtoi daw dan ai da. Daw dan ai shaloi dai sha lawa wa hte dai la wa hpe jahkrum ya ai da. Dai shaloi sha lawa wa e an lahkawng dai hku shing jawng na shani hpawt ni shing jawng ga yaw ngu tsun ai da. Dai she sha lawa wa mai ai hpawt ni ndai shara kaw sha bai sa wa ngu tsun ai da. Dai shaloi she sha lawa hte shang lahkawng hkrum sai da. Hkrum she dai sa wa ai shaloi she dai la wa gaw kawbya ma bau ma la sa ai da. La sa ai shaloi she oh ra aw hpyi ma hpyi magau hpyi magau grai galu ai dai ma la sa ai da. Grai law hkra la sa ai da ngut na kawbya ma dai bau ma la sai ai da. Dai de sha lawa wa hte hkrum sai da. Hkrum yang she grai dai ni an lahkawng shing jawng na gaw ngu da dai la wa tsun ai da. Grai nang hte ngai mun paw shing jawng na re dai ngu tsun ai da. Dai shaloi she dai sha lawa gaw mai ai sha lawa shawng tsun ai da law ngai mun paw shing jawng ga ngu tsun ai da. Dai shaloi dai la wa gaw nang shawn paw nang ngut jang ngai bai paw na ngu tsun ai da. Dai she dai sha lawa wa shi gaw tu ai mun yawng paw sai da. Paw re she kaji mi sha re da. Dai she dai hte sha i ngu tsun ai da. E ndai hte sha rai sai ngu da. Dai hku ngu e rai jang nang bai paw u ngu tsun ai da. Dai sha lawa wa dai she shi gaw shi na hkum kata kaw gun da ai dai hpyi ju dai galu law ai hpyi ju galu dai shaw sha praw na tawn da ai da. Ndai ngai na mun rai sai ngu tsun dai shaloi she dai hpyi ju wa ndai ram ram kaba ai da. Yung nu ram ram kaba jang she dai balu dai sha lawa wa hkrit sai da. Um ndai wa na mun daram ram kaba ai gaw ngun atsam tsawm ra nga na re ngu myit la sai da. Dai shaloi she kalang bai tsun sai tsun sai da. Dai sha lawa wa grai nang nang nang na wa hte nye na wa malawt na i kaga wa na wa grau kaba kaba malawt shing jawng na i ngu tsun ai da. Dai sha lawa wa shi na wa grai kaba ai re shi dai hku chye dum ai majaw tsun she mai ai le ngu tsun ai da. Dai she dai sha lawa wa gaw shi na wa grau kaba sai i kaba sai malawt dan ai da. Malawt ai shaloi she dai la dai mung gai nang na ale ngu bai tsun ai da. Dai sha lawa wa tsun ai shaloi she mai ai dan nga jang ngai na ngai bai ngai bai malawt na ngu tsun ai da. Dai shaloi she dai dai la wa gaw hpang de ni hku gayi na she daw kawbya kawbya hpe she pawk ngu gabai bung ai da. Gabai bung shaloi she oh ra dai sha lawa wa bai mu sai da. Agar nye na wa hta ngu htam kade mung kaba ai she rai nga ndai wa gaw ndai wa n-gun atsam tsawm ya nga ai wa rai nga ngu tsun ai dai shaloi dai shaloi loi hkrit wa sai da. Dai sha lawa wa loi hkrit na she hpan bai tsun sai da. Dai shaloi gaw dai la nan tsun sai da. Grai kade wa na ntsun grau lu ma rawn rawn marawn shing jawng ga tsun da. Dai la wa gaw e dai marawn shing jawng ai shaloi e kadai mung kadai na shara maga kayin na marawn shing jawg ga ngu dai la wa gaw bau htum tum tum bau wa ngoi hkrai ngoi ngio hkrai ngoi ngoi hkrai ngoi dai hku grai ngoi mat ai da. Grai ngoi hkra dum re ai shaloi she grai ya nang na ale bai nang bai marawn yu u ngu tsun ai da. Dai shaloi she dai sha lawa wa bai marawn ai da. Marawn hkrai marawn marawn hkrai marawn marawn hkrai marawn yang she shi na paw si di mat na dai kaw si mat ai da. . Language as given: Jinghpaw
Format:		Digitised: no Media: Audio
Identifier:		KK1-1453
Identifier (URI):		http://catalog.paradisec.org.au/repository/KK1/1453
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1453/KK1-1453-A.mp3
		http://catalog.paradisec.org.au/repository/KK1/1453/KK1-1453-A.wav
		http://catalog.paradisec.org.au/repository/KK1/1453/KK1-1453-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1453
DateStamp:		2017-08-09
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia