OLAC Record oai:paradisec.org.au:KK1-1413

Metadata
Title:		Lak lai ai masha ni (The unique man) with English translation
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), M. Ja Tawng (speaker), 2017. Lak lai ai masha ni (The unique man) with English translation. MPEG/X-WAV/XML. KK1-1413 at catalog.paradisec.org.au. https://dx.doi.org/10.4225/72/598b37f54898a
Contributor (compiler):		Keita Kurabe
Contributor (depositor):		Keita Kurabe
Contributor (speaker):		M. Ja Tawng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-21
Date Created (W3CDTF):		2017-02-21
Description:		Translation (Htoi San) Once upon a time, a couple had a baby in a town. The baby was the size of a forearm. The couple got a forearm-size baby. As soon as the baby was born, he did not suck the milk, but he requested his mother, "I want to eat rice." His mother was so amazed and fed him rice. The mother cooked two pounds of rice for him to eat. After a week, he said, "I am not enough with only two pounds of rice." So his mother cooked a sixteenth portion of a basket for rice. When he was almost a month old, he ate double portions of rice. After he was three to four months old, his mother had to cook triple portions. So the mother and the father discussed for him, "Our son can eat a lot of rice. We cannot provide for him as we are very poor. So shall we throw him in a far jungle?" They agreed, "Okay, can." Then the couple sent him to the very far jungle. They left him sitting on a tree. When the time was about a week, a man with perfect eyesight reached where the child was. The boy asked the man, "Hey, friend. Why are you coming here?" The man answered, "I have excellent eyesight, so I can see everything people do. Therefore, my village people don't like me and send me here." Another week passed, and another man came who was a crossbowman with very straight hands. They asked the arbalist, "Hey, friend. Why do you come to the jungle?" The arbalist answered, "I have very straight hands, so I shot wild animals and other people's chickens. As a result, the people from my village hate me and send me to this jungle." The three boys gathered as a group. While they stayed together, a man who was a fast runner with tiny legs arrived at them. They asked him, "Hey, friend. You don't even have legs, and why do you come here?" The runner replied, "I am a speedy runner, and when I run, I step on and kill people's chickens and pigs. Thus our villagers did not like me and sent me to this jungle." Another week, a man who had very flattened ears reached them. "Oh my! Friend, why do you reach where we stay?" asked the boys, and he responded, "My ears are very flat, so I step on with my ears and kill people's chickens and pigs when I walk through. Therefore our villagers did not like me and sent me here." The following week, a man who had a very big nose arrived. The boys asked him, "Hey, friend. Why did you arrive where we are?" The big-nose man answered, "I have a huge nose. When I breathe out, the air from my nose blows away people's valuable things. So they dislike me." They all lived together in that forest. They talked to each other, "if we stay together in this place, it will be difficult to find food. So let's move to another place." They all agreed and started their journey. They traveled until sunset. The friends told the good-eyesight man, as it was dark, "Hey, friend. You have bright eyesight, so can you see whether there is an animal for us to eat?" The sharp eyesight man looked and checked. "Hey, friend. Hey, friend. There is a red deer on a mountain," replied the bright-eyed man. The man, whose body was forearm-sized, gave an idea, and he said, "If so, the straight crossbowman, you shoot it." As the straight arbalist got an order to shoot, he shot the crossbow and hit the deer. The forearm-sized man said, "Now, the fast runner, go and check whether the deer died or not." The fast runner ran and saw, "It is dead." Among them, a mighty man came and joined them. So the forearm-sized man asked him to go when he heard the deer was dead, "If so, the strong man, go and carry it back." After bringing it back, they ate all the meat until only horns were left then they slept. While they slept, the forearm-sized man asked, "The very flattened ear man, place your ears on the ground." When he put his ears on the ground, they slept on one ear and out on another. The following day, they got up and continued their journey. On their journey, they accidentally went into a war against two kings. One king requested their help, "If you fight with me to get my country back, I will give you power and position." "I will give you my throne and my daughter," promised the king. When the king said, "I will give you all the positions below me, and I can even give you the king's position. Moreover, I can give you my daughter, and whoever gets my daughter will be the king," they discussed. After their discussion, they agreed, "Let's get involved in the fighting." The short man advised, "Let's fight for him." "If so, let's march tomorrow. Fight like this. Do like that. Like this," the forearm-sized man gave the instruction. The man who was perfect at shooting crossbows took in the war shooting his crossbow. The very good eyesight man looked where the enemies were. The speedy runner ran into the enemy expeditiously and stepped and killed them. The considerable ear man swung his ears and killed them. The big nose man breathed out the air to blow away and kill them. The powerful man lifted and threw them to kill. Therefore, they won the battle. When they defeated the enemy, the king called them. The king said to them, "We won the battle because you helped us. Therefore, I will give my daughter to one of the perfect men." Then he looked at them. The king thought, "If I let the crossbowman marry my daughter, she will feel lonely when the husband goes hunting." The king looked at the big ear man and thought, "If I give my daughter to the huge ear man, she will be scared of him." He did not satisfy any of the others and, at last, "Alright, I will give my daughter to the strongest man among you all." The most muscular man was relatively short. The king announced, "I let my daughter marry the strongest man but short." After that, the king did the wedding ceremony for them and gave his throne to the most muscular man. In the end, they all lived happily ever after. Transcription (La Ring) Moi shawng da mare langai kaw she e shan la gaw ma lu ai da. Ndai ta lahpum ram re sha lu ai da. Ta lahpum ram re sha da ma dai hpe lu ai shaloi. Ma dai gaw shangai ai hte she shat nsha ai da aw chyu nchyu ai da "Shat sha na" ngu ai da kanu hpe she. Kanu mung grai mau na she e shat shadu jaw ai da. Pawng lahkawng hkawng shadu jaw ai da. Dai she bat mi du wa yang "Anu pawng lahkawng sha nlaw sha sai" ngu tsun ai da ma dai wa. Rai jang bye mi bai shadu jaw ai da. Shata hku du ten jang gaw bye lahkawng dai hku shadu jaw ai da. Shata mali manga du ai hte bye masum shadu jaw wa ra ai kaw na kanu gaw e ma e aw shan la hkrai bawng ban sai da "E an lahkawng a kasha gaw shat grai lu sha ai wa an lahkawng pyi matsan si yang wa nlu bau na re dai majaw wo grai tsan ai nam mali de sa sa kau ga i" ngu tsun ai da. "Mai ai" ngu she shan la lahkawng grai tsan ai nam de sa sa kau ai da. Sa sa kau re she ma dai hpe hpun ntsa kaw sa shadun kau da ai da. Dai hku shadun kau da ai she bat mi ram na ai shaloi she myi grai zen ai la wa du wa ai da. La dai du wa ai shaloi she "E hkau e nang hpa rai na ndai nam malu de du wa ai rai" ngu yang she "Ngai myi ngai myi nau zen na masha ni hpa galaw ai yawng ngai mu ai dai majaw anhte mare na ni ngai hpe nra na ndai nam de sa sa kau ai re" ngu na tsun ai da. Shaloi she bat mi nga shan lahkawng dai hku bai nga sai da nga ai shaloi she ta grai ding ai ndan gap yang grai ding ai la bai du wa ai da. La dai bai du wa ai shaloi she "E hkau e nang hpa rai na ndai nam mali de sa wa ai rai" ngu tsun jang she "Ngai gaw da ta grai ding ai majaw ngai nam rai ni gap e dai hku masha ni na u ni dai hku gap sha rai na dan re majaw anhte na mare na ni grai nju ai majaw ngai hpe ndai nam mali kaw sa sa kau ai re" ngu tsun ai da. Rai yang she shanhte masum bai pawng nga sai da. Pawng nga she lani mi na aten hta she grai kagat chyang ai lagaw tai mi sha re grai kagat chyang ai la bai du wa ai da. "E hkau e nang gaw lagaw mung ntu ai wa hpa na ndai anhte nga ai de sa wa ai rai" ngu yang she "Ngai nau kagat chyang ngai kagat mat wa ai shaloi masha ni na u wa ni yawng kabye sat kau ya ai dai majaw anhte mare na ni nra ai majaw ngai hpe ndai kaw sa sa kau ai re" ngu tsun ai da. Dai shaloi she bat mi bai na ai shaloi she wora na grai pa ai la wa bai da na grai pa ai la wa bai du wa ai da. "Yi hkau e nang gaw nhpa rai na ndai anhte nga ai de du wa ai rai" ngu tsun yang she "Ngai na grai pa na ngai lai wa yang masha ni na u ni hpa ni hpe kamyet sat kau ya dan re majaw ngai hpe nra na gawt kau dat ai re" ngu na tsun ai da. Hpang shani bai rai jang gaw aw bat mi nga bai re shaloi she ladi grai kaba ai la wa bai du wa ai da. Ladi grai kaba ai la wa bai du wa ai shaloi she "E hkau e nang hpa rai na anhte nga ai de du wa ai rai" ngu yang she "Ngai ladi nau kaba na nsa sa dat yang mung masha ni na rai ni e masha ni grai manu shadan ai rai ni hpe gawut shapoi kau ya dan re majaw ngai hpe nra na sa sa ai re" ngu tsun ai da. Dai she shanhte shanhte ni dai nam mali kaw sha nga sai da. Nga shaloi "E anhte ni ndai kaw sha nga yang gaw anhte tam sha shara grai yak sai dai majaw kaga kaga de bai htawt ga i" ngu tsun ai da. "Kaga de bai htawt ga" ngu na shanhte ni hkrun lam hkawm ai da. Hkrun lam hkawm re she lana mi nsin sin mat ai da. Nsin sin mat re shaloi she e dai myi grai zen ai wa hpe "E hkau e nang myi grai zen ai wa gara kaw anhte sha nan re dusat nga ai kun yu dat yu u" ngu tsun ai da. Dai hku tsun yang she dai myi grai zen ai wa yu dat ai da. Yu dat ai shaloi she "E hkau e hkau ni e bum langai din ai kaw shan nga langai mi nga nga ai" ngu da. Dai she dai kadun sha law ai dai la lata lahpum ram sha law ai la wa gaw hpaji jaw ai rai na hku nga "Dan nga yang dai ndan grai ding ai wa hpe gap dat u" ngu ai da. "Gap dat u" ngu tsun ai da dai shaloi she dai ndan grai gap yang grai ding ai la wa ndan gap dat ai shaloi she hkra sai da. Hkra ai shaloi she e "Gai ya gaw dai shan nga dai si ai kun nsi ai kun gai kagat chyang ai wa bai gat yu su" ngu ai da. Shaloi she kagat chyang ai wa bai sa kagat yu ai she "Si sai" ngu tsun ai da. Aw n-gun grai ja ai langai ma lawm ai da dai she "Si sai" ngu tsun ai da "E dan nga jang gaw gai n-gun grai ja ai wa sa hpai wa su" ngu tsun ai da. Dai she dai n-gun grai ja ai wa gaw hpai wa shaloi she hpai wa shaloi she nrung hte mawng re she shanhte dai shana sha na yup sai. Yup ai shaloi she "Grai na grai pa ai wa nyep dat yu u" ngu da. Dai she na grai pa ai na langai nyep na she langai mi gaw shanhte hpun nna yup ai da. Yup na she e hpang jahpawt du shaloi bai hkawm sai da. Shanhte hkrun lam bai hkawm na she mare dai hku hkaw hkam lahkawng she majan gasat ai shara sa hkrup sa mu ai da. Grai gasat hkat ai mu re shaloi she dai shanhte hpe hkaw hkam langai mi gaw karum hpyi ai da "E nanhte ngai hpe majan gasat lawm na ngai na mung ngai dang jang gaw da nye na mungdan kaw nanhte hpe e yawng hpe e dai hku shara jaw na. Nanhte hpe hkaw hkam hkaw hkam aya ma jaw na nye kasha ma jaw na" ngu dai hku ngu tsun ai da. Dai rai she "Nanhte hpe gaw aya i ngai na lawu hprut aya yawng jaw na hkaw hkam aya ma jaw na nye kasha hpe la ai wa gaw hkaw hkam aya mung byin na re" ngu dai hku ngu tsun rai she dai ni mung bawngban sai da. Shanhte bawngban na she "Gasat lawm ga" ngu tsun ai da. Dai shaloi she dai kadun sha law ai la dai wa gaw hpaji jaw ai shaloi "Gasat lawm ga" ngu tsun ai da. Dai shaloi she "E dan nga jang gaw hpawtde anhte rawt saga" ngu tsun ai she dai kachyi sha law ai wa gaw "Dai hku dai hku dai hku gasat u" ngu tsun ai da. Ndan gap grai gap byin ai wa gaw ndan gap gap gap gap na dai hku gasat lawm ai da. Myi grai zen ai wa gaw gara kaw hpyen ni nga ai ngu hpe yu ya ai da. Dai hku yu ya ai shaloi she grai kagat ai wa gaw dai hku na kagat lai kau da kagat lai kau da di she kabye sat kau da da di ai da. Dai na grai pa ai wa gaw na hte awu sat sai da. Dai ladi grai kaba ai wa gaw nsa sa na she dai hku kawut shapoi sat kau ya ya di ai da. N-gun grai ja ai wa gaw hpai kabai dai hku na gasat na she shan lahkawng gaw shanhte ni gaw dai hku yawng dang kau ai da. Dai kaga mungdan na hpyen ni hpe dang kau ai shaloi she dai hkaw hkam wa shaga sai da. "Nanhte karum ai majaw ngai dang la ai re dai majaw hka nanhte kaw na ra nrawng ai la langai hpe ngai nye kasha hte jaw sha na" ngu tsun ai shaloi she yawng hte gaw yu sai da. Yu rai yang she "Yi ndan grai gap jin ai wa hte jaw sha yang gaw nye kasha shi jau gawng tai mat yang nye kasha hkrai garen nga na re" ngu myit ai da. Dai she dai na grai pa ai wa "Yi na grai pa yang gaw nye kasha hkrit na re" ngu da. Dai hku ngu na njaw sha ai da dai shaloi she hpang e she "E nanhte kaw na ngai yu na n-gun grai ja ai la wa hpe jaw sha na yaw" ngu tsun na she n-gun grai ja ai la wa kadun ma loi kadun ai da. Dai shaloi she dai majaw "Dai nanhte kaw na kadun ma loi kadun n-gun ma grai ja re la wa hpe nye kasha hte jaw sha na yaw" ngu na she hkungran poi galaw ya na shanhte hpe hkaw hkam aya ni dai hku rai jaw kau ai da. Dai kaw grai pyaw hkra nga mat ai da. . Language as given: Jinghpaw
Format:		Digitised: no Media: Audio
Identifier:		KK1-1413
Identifier (URI):		http://catalog.paradisec.org.au/repository/KK1/1413
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1413/KK1-1413-A.mp3
		http://catalog.paradisec.org.au/repository/KK1/1413/KK1-1413-A.wav
		http://catalog.paradisec.org.au/repository/KK1/1413/KK1-1413-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1413
DateStamp:		2023-02-14
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); M. Ja Tawng (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia