OLAC Record oai:paradisec.org.au:KK1-1300

Metadata
Title:		Hkawhkam tai mayu ai yu (The rat that wants to be a king)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), H. Htu Nan (speaker), 2017. Hkawhkam tai mayu ai yu (The rat that wants to be a king). X-WAV/MPEG/XML. KK1-1300 at catalog.paradisec.org.au. https://dx.doi.org/10.4225/72/598b360e308f5
Contributor (compiler):		Keita Kurabe
Contributor (depositor):		Keita Kurabe
Contributor (speaker):		H. Htu Nan
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-18
Date Created (W3CDTF):		2017-02-18
Description:		Hkawhkam tai mayu ai yu, moi shawng de da yu dai gaw nam yu re ai da. Shi gaw ningmai ma grai galu ai da. Mum ma grai suk suk re n gup mung grai masen na hku nga. Shi gaw kei ningmai wa she yu ni hta jan na shi gaw grai galu na hku nga. Grai galu shi gaw hkawhkam grai tai mayu ai da. Ngai ram ram lamai galu ngai ram ram ningmai grai galu ai manang ni yawng hta gaw ngai hkawhkam lu tai ai, mai tai ai ngu na dai nam yu kaw na ni hpe yawng hkra shi hkawhkam tai na hkrai ngu da. Retim oh ra na yu ni shi hpe wa kadai n yu ai da. Kadai hpa baw ngu na rai nkam ai le i, hkawhkam tai na nga tim kadai n madat ya. Kadai n madat ya re she um ngai gaw ndai nam kaw sha ngai gaw hkawhkam nmai galaw ai. Ngai gaw ndai mare de naw sa wa na re, mare kaw bai sa wa da, kaja sha mare kaw wa yu ni gaw hpum asau re dan re grai nga taw ai da. Dai she shi hkrai wa she kachyi sha law ningmai gaw galu law mung gaw suk suk re na sa wa na hku nga. Shang wa she oh ra ni tsun ai da. Nang gara kaw na du wa ai rai ngu tsun, nang hpa baw yu re ma ngu tsun, ngai nanhte na hkawhkam re ngu tsun ai da, shi wa dai hku (hkat titi) dai hku sa tsun. Ngai nanhte na yu re, nanhte na hkawhkam re ngu tsun na she anhte hpe nang amyu ma n bung ai gaw ngu tsun ai da. Retim ngai nanhte hta grau madang tsaw ai nanhte ngai grau ningmai galu ai. Nanhte hta ngai grau chye ai, nanhte na hkawhkam ngai re ngu tsun. Dai she oh ra ni mung zim zim sha na nga she, Oh ra yu 2 hpe she nan 2 ngai hpe lusha sa tam jaw u ngu tsun da, kaja sha oh ra yen mung bakhkrisi ni lagu la, oh ra nga shan chyaw hpan ni lagu wa ya da. Hpai wa ya she kei shi gaw sha ai da. Um ndai she ngai grai ra sha ai bakhkrisi mung ngai grai ra sha ai, ndai shan mung ngai grai ra sha ai she re nga ai. Hkrak sai, nanhte ma ni hkrak sai ngu shi dan nga tsun na she dai bai sa la masu ngu da. Bai sa la masu bai ngu ndai yu 2 bai sa mat ai da. (chyaungIn) kaw sa lagu ai le i, ndai n hku kata kaw sa lagu ai shaloi she madu mu kau ai da. Madu langai mi she nyau na kau ai da, dai sa lagu ai nyau wa mi langai mi hpe makret sha kau ai da. Makret sha kau she ndai bakhkrisi lu hpai ai wa gaw oh gat gat hprawng na she ndai mi na ndai yu hkawhkam tai mayu ai ndai yu hpe wa jaw sha ai da. Dai shaloi she shi dai sha na she ya langai mi gaw ngu langai mi si mat sai ngu tsun ai da. Gara hku na si ai ngu she nyau gawa sha kau ai re ngu tsun ai da, dai shaloi she ndai yu ni mung shi nau shangun sha ai hpe nkam hkam na she gau ngwi gau ngwi yawng bram bram rai yawng shara htawt ma. Shi hkrai sha nga taw sai da lu. Shi hkrai nga taw she shi mung kadai hpe mung n chye shangun sha, i ngai yu hkawhkam she nga, ya ngai gaw nta i, hkawhkam dai hku nta ni mung ra ai re wa, ya hkawhkam nta mung nlu. Yu ngam ai ni mung yawng hprawng kau da, ngai gara hku wa di sa na i nga shi na shi ndai hku lagu yu ai da. Lagu yu re na pru wa yu yang she nyau hpe mu ai da. Nyau hpe mu she retim shi nyau hpe n gwi sha ai da. Ningmai gaw galu, mun gaw suk suk re hkrit na zawn re jang nyau mung ndan re dusat gaw ngai n mu ga ai ngu na nyau mung gau ngwi gau ngwi hkawm na tsun ai da. Um ngai gaw manu mana hpungja ai ndai wa pyi ngai hpe hkrit ai, ngai gaw grai magrau grang ai yu she re nga ai. Shanhte na nyau ndai na hkawhkam mung ngai mai tai ai shi dan nga ngu na nyau mung hkawm mat wa ndan re yu hpe shi nmu ga ai ngu na nyau mung dan ngu myit na rai mat wa she, Oh masha grai nga ai shara de shi hpe hkam let shi hpe woi sa mat wa. Masha dai gaw kei yu rai nga ai, yu rai nga, ndai kaw na ( yawga) ni anhte ni kaw shang wa na ra ai, yu ndai e gaw a byen sat ga ngu na she masha ni wa shi hpe atawk a nyin, a tawk abyan ai ni a byen re jang ningmai mung daw mi hprut da. Ningmai ni mung tawk kau ya da, yu dai gaw tsam mari sha mi na hku de bai shang mat da, re na mai hkra bai nga mat ai da. Dai shi na ningmai mai hkra dai e shi gaw lagu nga la na hku nga, hpang e she dai mai wa na mi na i, ngai ndai mare kaw sha gaw ngai hkawhkam nmai tai sha ai. Mi na shara de bai nhtang wa na shi mi na shara de bai nhtang mat wa na, shi manang ni she koi na na ningmai gaw taw ngu tsun she ngai nanhte na zawn ningmai ma ntu ai dai majaw nanhte na hkawhkam tai sha ra sai ngu tsun ai da. Nang wa me hkawhkam tai mayu ai nga gaw, hkawhkam ngu ni gaw da myit ni grai zen ra ia le i, dai zawn re masha ni na hta jan jan re na nang hpaji ma rawng ra ai ngu tsun, nang hkawhkam re yang gaw oh ra nung pyi sa gawa sha yu, nang hkawhkam tai mayu yang gaw ngu da. Kaja sha dai wa mung shi hkawhkam tai mayu ai re nga n lung din sa gawa sha ai da. Dai she yu nkau mi gaw nang gaw manya she re. Hkawhkam nlung din pyi nmai sha ai wa nang n lung din sha nang wa ni n makrim ai i ngu tsun, makrim ai retim ngai hkawhkam re nmu i, nanhte shangun ai ngai galaw ra ai ngai gaw manya she re sai ngu tsun ai da. Ngai n manya ai ngu tsun ai da. Nang n manya yang nang hkawhkam re dum yang gaw oh ra hka i, krung de nang gumhtawn bang yu ngu tsun ai da. Shi mung hkawhkam tai mayu ai re nga, dai hka krung de gumhtawn bang mat ai da, dai krung kaw gumhtawn si mat ai da. . Language as given: Jinghpaw
Format:		Digitised: no Media: Audio
Identifier:		KK1-1300
Identifier (URI):		http://catalog.paradisec.org.au/repository/KK1/1300
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1300/KK1-1300-A.wav
		http://catalog.paradisec.org.au/repository/KK1/1300/KK1-1300-A.mp3
		http://catalog.paradisec.org.au/repository/KK1/1300/KK1-1300-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1300
DateStamp:		2018-12-22
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); H. Htu Nan (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia