OLAC Record: Mauhpa ta chyawp (The miracle ring)

OLAC Record
oai:paradisec.org.au:KK1-1292

Metadata

Title: Mauhpa ta chyawp (The miracle ring)

Access Rights: Open (subject to agreeing to PDSC access conditions)

Bibliographic Citation: Keita Kurabe (collector), Keita Kurabe (depositor), G. Htang San (speaker), 2017. Mauhpa ta chyawp (The miracle ring). X-WAV/MPEG/XML. KK1-1292 at catalog.paradisec.org.au. https://dx.doi.org/10.4225/72/598b35ebc8b93

Contributor (compiler): Keita Kurabe

Contributor (depositor): Keita Kurabe

Contributor (speaker): G. Htang San

Coverage (Box): northlimit=27.331; southlimit=23.137; westlimit=95.335; eastlimit=98.498

Coverage (ISO3166): MM

Date (W3CDTF): 2017-02-18

Date Created (W3CDTF): 2017-02-18

Description: Transcription (Htu Bu) Moi shawng de da, ndai kanu yan kawa, shan nu wa ni masum nga ai da, dai shaloi she kawa yan kanu gaw da, shi na kasha hpe grai tsawra ai da. kasha mung grai myitsu rai yang she, lani mi na ten hta gaw da, ndai ma na kanu yan kawa gaw da, n myit mada ai sha n nga mat ai da. N nga mat re shaloi she, Shi gaw da, ndai n nga mat, shi na kanu yan kawa n nga mat ai hpang da, shi dai nta kaw nga taw na matu shi grai n kam mat ai da. N kam mat re majaw she, shi gaw da, shi lama mi myit lu ai da. "Aw ngai ndai nta kaw sha nga taw yang gaw, nye nu nye wa hpe sha dum shai di na, ngai, i, grai garen taw na re. Dai majaw, ngai ndai nta, nta kaga kaw she ngai nga sana." ngu na she, shi myit di na she, nta langai mi hpe galaw ai da. Yi hkyep kasha langai mi hpe galaw rai na, shi dai kaw nga rai na she, shi gaw da, hpun hta sha ai da. Hpun lani mi hta yang da, shi gaw lap 3, lap 3 lu ai da. Dai hte shi na kan bau ai da. Kan bau na shi grai myit dik ai da, dai bungli hpe galaw na. Rai na she shi gaw, yawng yawng hpe ma shi chye karum ai la kasha re da. Rai yang she, lani mi na ten hta gaw da, shi lap masum lu ai hte she gat sa ai da. Gat sa re shaloi she, shi na manang langai mi gaw da, ndai Lanyau langai hpe woi sa wa ai mu ai da. Lanyau langai hpe woi sa wa ai mu rai na she, "Yi nang Lanyau ndai hpe i, hpa baw gara de woi sa hkyen ai rai?" ngu she. "Ngai ndai na aw ra loi mi tsan ai hka shara kaw, ndai Lanyau hpe ngai, i, du kaw nlung gyit di na ngai dai hku sat kau mayu ai. " ngu tsun ai da. Dai shaloi, "E.. dai rai yang gaw ngai hpe jaw dat rit. Ngai la mat na re. Nang hpe kade jaw ra na?" ngu she, "E, nang la na nga yang mung la mat u. Ngai hpe lap lahkawng sha jaw rit." ngu tsun ai da. Rai, kaja nan shi la mat sai da. La mat na she, nta kaw Lanyau hpe tawn da di na, Shi lu ai lap mi hte n-gu mari di na, shan lahkawng gaw da, chyan mi hpra hpra garan sha sai da. Dai hku shadu di na, kachyi hpra hpra garan sha re da. Rai na she, Shi gaw da, grai pyaw ai da. Grai myit dik ai da. Rai, shi bungli bai sa sai da. Hpang jahpawt bungli bai sa rai yang she, bungli kaw na bai wa re shaloi she, shi na manang langai mi, dai mung manang sha re ai da. Shi wa she, Gwi dun di na nga taw ai da. Gwi dun di na nga taw re shaloi she, "E.. nang ndai Gwi hpe gara hku i, gara, hpa baw di na ngu rai? Gara de, i, tawn, gara kaw di kau na?" ngu tsun, san re shaloi she, "Ngai ndai Gwi hpe, i, kadai n chye ai shara de wa tawn kau na." ngu na tsun ai da. Dai shaloi she, "E..dai rai yang gaw Gwi dai hpe ngai la mat na." ngu na she, mi na zawn sha, lap lahkawng jaw di na da, shi gaw lap mi ngam ai hpe muk mari wa ai da. Muk ni mari wa na she, nta kaw du rai Lanyau ma, Gwi ma, shanhte masum gaw da, dai hpe jawm sha sai da. Dai hpe jawm sha rai na nga rai na she, Lani mi na ten hta gaw, shanhte, shi gaw da, dai hku bungli bai sa sai da. Sa na she, num sha langai mi shi bungli galaw law re, hpun hta ya ai kaw na num langai hpe mu ai da. Num dai gaw duk langai mi lang da ai da. Lang da re shaloi she, duk dai na ning re ntsa kaw she, Lapu langai mi noi taw ai da. Rai yang she, "E.. nang, i, ndai hpa baw di na ngu rai?" ngu na she shi hpe san ai da. Dai shaloi she, "Ngai gaw ndai Lapu hpe tawk sat kau na." ngu tsun ai da. "Tawk sat kau na ngu na ndai de shapraw sa wa ai re." ngu da. Dai she, "E.. hkum galaw." ngu tsun ai da. "Ndai Lapu hpe ngai la mat na." ngu tsun na she, mi na zawn sha, lap lahkawng hte shi bai mari wa na she, Lapu dai hpe da, grai tsit lali tsawm ai kaw shi dat dat ai da. Dat dat re shaloi she, shi ma nta wa mat sai da. Nta wa mat wa rai na she, shi, lani, lahkawng ni re din ai aten hta da, dai chyinghka, jahpawt grai jau nsen na ai majaw shi chyinghka hpaw na yu dat yu ai shaloi da, mi shi dat dat ya ai Lapu wa gaw da, shi na dai chyinghka lam shawng kaw wa nga taw re da. Rai yang she, wa nga taw na she, shi yu dat ai shaloi shi hkye da ai Lapu re hpe shi chye ai da. Dai Lapu na du kaw, ning re du bau kaw da, Lachyawp langai hpe shachyawp, chyawp tawn da ai da shi gaw. Rai yang she, "Nang hpe ngai chyeju dum ai majaw, nang hpe chyeju htang na matu, ngai sa wa ai re." ngu tsun ai da. Dai shaloi she, "E, nang, i, ngai hpe gara hku chyeju htang na ngu ta?" ngu na tsun ai da. Dai shaloi she, "Maw ndai La-chyawp na na layung kaw chyawp dat u. Nang dai rai di, kayin dat u. Re ai shaloi, nang byin mayu ai ma hkra nang lu byin na re." ngu na tsun ai da. Dai shaloi she shi gaw, "Aw, ngai kaga n hpyi ai, i. hpyi yu na re. Nang tsun ai, i, ngai kam ai." ngu na she shi gaw "Anhte ni mu mu, ngai, mu mu mai mai n lu sha ai grai na sai. Dai majaw ngai mu mu mai mai sha mayu ai law. Dai majaw ndai shara kaw anhte sha na matu mu hpa ma hkra, du wa u ga." ngu dat ai shaloi, kaja nan du wa ai da. Du wa rai na she shi gaw kaja mu mu mai mai sha sai da. Hta sha na she, mi shi, aw, shanhte masum gaw, Gwi ma, Nyau ma, shanhte masum gaw da, pru mat sai da. Pru wa re shaloi she, nang shi bungli galaw ai, mi shi Lapu dut jaw kau ai num kaw du ai da. Du re shaloi she, dai num hpe shi gaw tsun dan ai da. um, aw, dai num wa shawng shi hpe san ai da. "E, nang zawn re, i, mawhpyi gaw da, hpa rai na ndai nta kaw sa ai rai? ngu tsun ai da. "Nang ndai nta galoi sa, i, nang, ngai kaw sha, hpyi sha gwi nni?" ngu san ai da. "Nang hpyi sha gwi ai i?" ngu san ai da. Dai hku san re shaloi she, "Ngai mawhpyi n re ai." ngu tsun ai da. Ngai, nang kaw du sa ai gaw, i, ngai hpa re tim ngai hpa lu sai. Raitim mung ngai gaw, i, ya ngai hpa n hpyi shi ai majaw ngai hpa n lu ai re. Ngai wudek nta lu rawng mayu yang mung ngai lu rawng sai." ngu na tsun ai da. Dai shaloi she, shi, num dai gaw grai mau mat na i, "Deng gaw hpa baw majaw rai?" ngu san re shaloi she, shi gaw myit kaja ai la re majaw she, shi Ta-chyawp madun ai da. Dai Ta-chyawp dai hpe madun rai na, "Ndai Ta-chyawp hte i, byin mayu ai ma hkra lu byin ai." ngu tsun dat ai da. Dai shaloi she, num dai gaw grai ra sharawng mat sai da. Dai hpe she, grai ra mat na she, "Dai rai yang gaw, i, nang dai Ta-chyawp ngai hpe chyahkring mi shap yu." ngu tsun ai da. Dai shaloi she num dai gaw, dai hku tsun ai majaw la dat gaw myit kaja na shi shap jaw dat ai da. Dai shaloi, shi na ta kaw chyawp na she, shi gaw, mi aw ra wa tsun dan da sai re majaw, kayin dat na she, "Ndai la hpe, i, ndai wa hpe, ga htawng de du hkra bang kau ya rit." ngu na tsun ai da. Dai hku kayin di tsun dat ai da. Dai shaloi kaja nan she, nbung kaba bung wa ai ten hta she, shi wa she, ga htawng de rawng mat wa ai da. Ga htawng de du mat wa re shaloi she, ndai Gwi hte Nyau mung hkan shachyut ai da. shi poi mat ai maga de hkan shachyut rai yang she, kaja nan ga htawng de du mat wa ai da. Dai shaloi shanhkawng gaw myit ai da. "Aw, anhkawng na, e, ndai madu hpe gara hku hkye na kun?" ngu na shan lahkawng maw ai da. Maw re shaloi she, "Hpa mi raitim, an lahkawng maw ra sai. i, Gwi nang." Gwi hpe gaw da ndai, aw chye, Gwi hte Nyau gaw maw na she, Shanhkawng gara hku di na ngu ni galaw sai da. Dai shaloi she, ndai Yu, Nyau wa gaw tsun ai da, "Ngai, i, ndai e, ndai htawng, htawng sin ai ni hpe ngai shala tawn da na dai shaloi nang shang mat u yaw." ngu na tsun ai da. Dai shaloi kaja nan shawng kaw she, shi gaw, kwi shala dan ai da. Dai pyada ni ngu na dai sin ai ni hpe she, shala, shala na magyi ni apuk dan rai na she, shala dan ai da. Rai na she, aw ra ni gaw dai yu mau re taw shaloi she, Gwi gaw shang mat ai da. Htawng de shang mat wa rai na she, shi na madu kaw sa ai da. Madu kaw sa na she, gara hku di na ni, i, dai hku ni san re da. Dai shaloi she, "Ngai gaw...", shi gaw hkrap ai da, la dai gaw. "Ngai gaw ndai nye na prat ngam ai hteng hpe ngai ndai htawng kata kaw e, i, asak htum na hku rai sai." ngu na hkrap ai da. Dai shaloi she, Gwi gaw tsun ai da, "Nang hpa hkum tsang." ngu tsun ai da. "Anhkawng. Nang gaw anhkawng na chyeju madu re. Nang hpe an lahkawng bai hkye na. Nang la u yaw myit galu ai hte la u." ngu na tsun dan na she, shi gaw shinggan de bai pru wa ai da. Dai shaloi she, aw ra wa Lanyau wa shala taw ai re majaw she, htawng sin ai ni gaw n mu ai da. Dai shaloi, Gwi mung pru wa rai di na she, shanhkawng kalang ta gat hprawng mat wa ai da. Gat hprawng mat wa na she, nang shara mi kaw du na, shanhkawng grai ba di nga taw yang, hka kau mi, hka kau kaw she, Taukawk wa she, n-ga kran rai na nga taw ai da. N-ga kran rai nga taw rai she, shanhkawng gaw Taukawk dai hpe shanhkawng na lagaw hte galaw yu tim n mai ai da. Gara hku sharawt yu tim n mai ai da. Re majaw Taukawk gaw jan mung du wa rai na she, "Yi, manang yan hkawng e, ngai hpe aw hka sung ai de hka de kanawng bang dat rit law." ngu tsun ai da. Shanhkawng mung dai hka sung ai de shanhkawng kanawng bang ai da. Kanawng bang da na shanhkawng bai wa sai da. Wa re shaloi she, ndai mahkrai langai hpe shanhkawng rap hkyen ai da. Rap hkyen re shaloi she, dai mahkrai shara kaw she, aw, Yu wunawng ni grai law hkra rai na sa wa ai da. Re, shanhkawng yu taw ai da. Dai shaloi she, ndai hkung-ran ai Yu, Yu shayi hte Yu la rai nga hku rai nga. Rai yang she, hkung-ran num yan hkung-ran la rai, rai yang she, shanhkawng gaw kalang ta, nyan taw, i, lama mi ngu na shanhkawng tsun dat ai da. Lanyau gaw lam kaw pat galaw di na she, dai Yu, hkung-ran num Yu, Yu hpe she, shi gaw jahkrit dat ai da. Dai shaloi she, dai Yu aw ra wa gaw tsun ai da, "Nye na, i, ndai hkung-ran num nnan hpe nang dai hku hkum jahkrit ya." ngu tsun ai da. "Nang gaw kaning re masha rai? ngu na "Kaning, kaning re ai wa rai? ngu na tsun ai da. "Kaning rai?" ngu na tsun re shaloi she, "Ngai, nye na mying gaw, masha ni shamying ai 'Lanyau' ngu re ai." ngu da. "Dai majaw, nye na mying 'Lanyau' nga ai hte maren, ngai gaw na na ndai Yu shayi hpe ngai sha na hku maw sai." ngu tsun ai da. Dai shaloi she, "Yi, hkum di law. Ngai gaw Yu hkawhkam re ai. Ndai gaw ya nye na Yu hkawhkam jan re. Dai majaw nang ra ma hkra, nanhkawng ra ai yawng galaw ya na. Nye madu jan hpe gaw hkum hkra yaw." ngu na tsun ai da. Dai shaloi she kaja nan, "Dai rai yang gaw, i, nanhte gara hku lu karum, hpa baw karum lu na? ngu na san ai da. Ndai Lanyau wa gaw san rai na she, "Nang ra ai tsun u." ngu da. "E, dai rai yang gaw ndai hkawhkam wang kaw nga ai, hkawhkam, hkawhkam n re law, ndai e le, hkawhkam zawn rai na nga taw ai, ndai num sha na lata kaw i, dai hkawhkawm jan ngu ga le, hkawhkan num ngu saga le dai kaw na she, dai wa kaw anhte na, anhkawng ra sharawng ai Ta-chyawp nga ai. Dai hpe lu shaw ya yang gaw, i, dai hpe lu la ya yang, nanhte na Yu shayi hpe ngai n sha ai." ngu na tsun ai da. Dai shaloi she, "E, maisa." ngu na she ndai Yu ni gaw zuphpawng hpawng na she, Yu kaji dik htum nna she, magrau grang dik htum hpe shanhte shangun dat ai da. Shangun dat re shaloi she, dai Yu kasha wa gaw Sa mat sai da. Sa mat na she "Dai, hkawhkam wang zawn rai hkra rai na, hkyik tawn da ai dai kaw na num dai wa re." ngu dat ai hpe shi gaw sa yu ai da. Dai shaloi she, kwi grai hkyik hkam ai hku na she shi gaw dai Ta-chyawp hte shi kam ai hku galaw la na she, yawng Ra-na kade law, dan rai na nga na pyaw di na, shi gaw dai shana dai hku yup taw ai da. Yup taw re shaloi she, shara mung grai tsawm ai, Ka-din ni grai tsawm ai dan re kaw yup taw ai num hpe wa mu ai da. Dai shaloi shi gaw "Yi..ndai wa na, i, ndai wa na Ta-chyawp, ndai wa na ta kaw rai na sai, Ta-chyawp ndai gaw." ngu na shi tam yu ai shaloi, Ta-chyawp n mu ai da. N mu rai, grai myitru ai da Yu dai gaw. Raitim, shi wa myit ai da, "Ndai wa gaw ndai ram reng ai rai re nga yang gaw, n-gup kaw mai bang da ai." ngu di she shi gaw "N-gup kaw nga yang gaw ngai gara hku na shaw la na kun?" ngu na shi maw ai da. Maw tim shi, n lu, n lu myit ai da. Tim hpang jahtum shi lu myit ai lam gaw da, shi na nmaitsan hte she shi dai ladi hpe, i, anyaw na mayu ai da. Anyaw ya di na shi kahti yang, i, jahkru kahti wa yang, da, dai Ta-chyawp hpe jahkrat na re." ngu shi myit mada ai majaw she shi, dai hku galaw yu ai da. Yu mun rau dai hku galaw yu re shaloi, kaja nan kahti wa na she, Ta-chyawp dai wa hkrat mat ai da. Hkrat mat re shaloi shi gaw, kalang ta Ta-chyawp dai hpe makrang di na shinggan de pru mat wa ai da. Pru mat na she, mi shanhte tsun da ai hte maren, Lanyau hte, dai hpe, Lanyau hte Gwi hpe jaw dat ai da. Jaw dat re shaloi she, shanhkawng gaw dai lu na grai kabu di wa sai da. Wa re shaloi she, shanhkawng hka rap hkyen sai da. Hka rap na ngu na hka rap wa re shaloi she, ndai nbung laru, aw chye, hka rap sa wa shaloi she, ndai wa na, Lanyau na n-gup kaw makrang tawn da ai re ai da. Ta-chyawp dai gaw. Rai yang she, aw hka ka-ang kaw du yang she, Mawru kabu byin di na she, shanhkawng gaw lim mat ai da. Lim mat wa re shaloi she, N-nyau, N-nyau hpe, N-nyau na n-gup na dai tat mat wa rai yang she, Tim mung, Gwi gaw da, shi hpe n tat ai da. N tat ai sha shi na mai kaw makrang da na, aw, kawng de du mat na, shanhkawng myitru taw sai da. "Anhkawng Ta-chyawp ndai hpe jahkrat kau sai. Anhkawng na chyeju madu hpe gara hku hkyen na? ngu shanhkawng dai hku myit taw na she, hpang gaw, shanhkawng myitru di dung taw nga yang she, hka, ndai laru zim re shaloi she, Taukawk langai mi pru wa ai da. Dai she, Taukawk dai gaw da, mi, shanhkawng yu dat yang, shanhkawng hkye da ai Taukawk rai taw ai da. Dai shaloi she, yu dat ai hte wa da, Taukawk dai kaw Ta-chyawp lawm wa ai da. Ta-chyawp lawm wa na shanhkawng gaw Ta-chyawp dai hpe dai Taukawk kaw na la na, grai kabu di shi na madu kaw bai du rai na she, mi na zawn sha, dai hku htawng kata na ni hpe dai hku shala nna shang mat wa na she, shang ai hte, aw, n lu, dai lang na gaw tsawmra shang yak ai da. Shanhkawng shang na matu grai yak mat ai da. Rai na tim, shanhkawng hpe wang tawn da ai da. Wang da ai kaw, shanhkawng gaw lawt hkra lai na she, aw, dai Ta-chyawp hpe kalang ta Gwi dai gaw kalang ta wa jaw ai da. Madu hpe sa jaw na she, Dai madu mung kalang ta la mat na shanhkawng, shanhte ni masum gaw da, mi, shanhte hpe dai hku galaw kau ai, i, dai num wa kaw shanhte du hkra sa ai da. Dai hkawhkam wang hta pa naw grau pyaw mat sai dai shara de du hkra sa na she, dai num hpe shi sa tsun ai da, sa tsun na she, dai num wa gaw tsun ai da, "E..ngai hpe mara raw ya rit. Ngai ya kaw na myit malai sai." ngu tsun ai da. "Myit malai sai." ngu na tsun rai she, "Ngai, i, nang ntsa hta shut sai." ngu na tsun ai da. "Nang, ngai hpe mara raw ya rit." ngu na tsun re shaloi she, ndai la wa gaw grai pawt mayu mat ai da. Mi na shi pawt mayu ai hpe she shi, mara raw ya ai nga tim pyi naw shi grai yak mat wa ai da. Raitim shi hpang e gaw dai Ta-chyawp hpe shi kayin di na she, "Nang zawn rai na myit n san sen gai num gaw, nang, i, ndai hku nga na matu n gying dan ai. Nang, Shu tai mat u ga." ngu na she, shi dai hku tsun dat ai shaloi, num dai gaw da, kaja nan Shu tai mat wa ai da. Rai na, la dai ma, Lanyau ma, Gwi ma rai na, dai kaw na shanhte ni, mi kaw na nga taw ai Ra-na ni hte rai na, dai kaw grai pyaw di na nga lu mat wa ai da. . Language as given: Jinghpaw

Format: Digitised: no Media: Audio

Identifier: KK1-1292

Identifier (URI): http://catalog.paradisec.org.au/repository/KK1/1292

Language: Kachin

Language (ISO639): kac

Rights: Open (subject to agreeing to PDSC access conditions)

Subject: Kachin language

Subject (ISO639): kac

Subject (OLAC): language_documentation

text_and_corpus_linguistics

Table Of Contents (URI): http://catalog.paradisec.org.au/repository/KK1/1292/KK1-1292-A.wav

http://catalog.paradisec.org.au/repository/KK1/1292/KK1-1292-A.mp3

http://catalog.paradisec.org.au/repository/KK1/1292/KK1-1292-A.eaf

Type (DCMI): Sound

Type (OLAC): primary_text

OLAC Info

Archive: Pacific And Regional Archive for Digital Sources in Endangered Cultures (PARADISEC)

Description: http://www.language-archives.org/archive/paradisec.org.au

GetRecord: OAI-PMH request for OLAC format

GetRecord: Pre-generated XML file

OAI Info

OaiIdentifier: oai:paradisec.org.au:KK1-1292

DateStamp: 2021-01-12

GetRecord: OAI-PMH request for simple DC format

Search Info
Citation: Keita Kurabe (compiler); Keita Kurabe (depositor); G. Htang San (speaker). 2017. Pacific And Regional Archive for Digital Sources in Endangered Cultures (PARADISEC).
Terms: area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics

Inferred Metadata
Country: Myanmar
Area: Asia

http://www.language-archives.org/item.php/oai:paradisec.org.au:KK1-1292
Up-to-date as of: Fri Sep 29 1:57:26 EDT 2023

Metadata
Title:		Mauhpa ta chyawp (The miracle ring)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), G. Htang San (speaker), 2017. Mauhpa ta chyawp (The miracle ring). X-WAV/MPEG/XML. KK1-1292 at catalog.paradisec.org.au. https://dx.doi.org/10.4225/72/598b35ebc8b93
Contributor (compiler):		Keita Kurabe
Contributor (depositor):		Keita Kurabe
Contributor (speaker):		G. Htang San
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-18
Date Created (W3CDTF):		2017-02-18
Description:		Transcription (Htu Bu) Moi shawng de da, ndai kanu yan kawa, shan nu wa ni masum nga ai da, dai shaloi she kawa yan kanu gaw da, shi na kasha hpe grai tsawra ai da. kasha mung grai myitsu rai yang she, lani mi na ten hta gaw da, ndai ma na kanu yan kawa gaw da, n myit mada ai sha n nga mat ai da. N nga mat re shaloi she, Shi gaw da, ndai n nga mat, shi na kanu yan kawa n nga mat ai hpang da, shi dai nta kaw nga taw na matu shi grai n kam mat ai da. N kam mat re majaw she, shi gaw da, shi lama mi myit lu ai da. "Aw ngai ndai nta kaw sha nga taw yang gaw, nye nu nye wa hpe sha dum shai di na, ngai, i, grai garen taw na re. Dai majaw, ngai ndai nta, nta kaga kaw she ngai nga sana." ngu na she, shi myit di na she, nta langai mi hpe galaw ai da. Yi hkyep kasha langai mi hpe galaw rai na, shi dai kaw nga rai na she, shi gaw da, hpun hta sha ai da. Hpun lani mi hta yang da, shi gaw lap 3, lap 3 lu ai da. Dai hte shi na kan bau ai da. Kan bau na shi grai myit dik ai da, dai bungli hpe galaw na. Rai na she shi gaw, yawng yawng hpe ma shi chye karum ai la kasha re da. Rai yang she, lani mi na ten hta gaw da, shi lap masum lu ai hte she gat sa ai da. Gat sa re shaloi she, shi na manang langai mi gaw da, ndai Lanyau langai hpe woi sa wa ai mu ai da. Lanyau langai hpe woi sa wa ai mu rai na she, "Yi nang Lanyau ndai hpe i, hpa baw gara de woi sa hkyen ai rai?" ngu she. "Ngai ndai na aw ra loi mi tsan ai hka shara kaw, ndai Lanyau hpe ngai, i, du kaw nlung gyit di na ngai dai hku sat kau mayu ai. " ngu tsun ai da. Dai shaloi, "E.. dai rai yang gaw ngai hpe jaw dat rit. Ngai la mat na re. Nang hpe kade jaw ra na?" ngu she, "E, nang la na nga yang mung la mat u. Ngai hpe lap lahkawng sha jaw rit." ngu tsun ai da. Rai, kaja nan shi la mat sai da. La mat na she, nta kaw Lanyau hpe tawn da di na, Shi lu ai lap mi hte n-gu mari di na, shan lahkawng gaw da, chyan mi hpra hpra garan sha sai da. Dai hku shadu di na, kachyi hpra hpra garan sha re da. Rai na she, Shi gaw da, grai pyaw ai da. Grai myit dik ai da. Rai, shi bungli bai sa sai da. Hpang jahpawt bungli bai sa rai yang she, bungli kaw na bai wa re shaloi she, shi na manang langai mi, dai mung manang sha re ai da. Shi wa she, Gwi dun di na nga taw ai da. Gwi dun di na nga taw re shaloi she, "E.. nang ndai Gwi hpe gara hku i, gara, hpa baw di na ngu rai? Gara de, i, tawn, gara kaw di kau na?" ngu tsun, san re shaloi she, "Ngai ndai Gwi hpe, i, kadai n chye ai shara de wa tawn kau na." ngu na tsun ai da. Dai shaloi she, "E..dai rai yang gaw Gwi dai hpe ngai la mat na." ngu na she, mi na zawn sha, lap lahkawng jaw di na da, shi gaw lap mi ngam ai hpe muk mari wa ai da. Muk ni mari wa na she, nta kaw du rai Lanyau ma, Gwi ma, shanhte masum gaw da, dai hpe jawm sha sai da. Dai hpe jawm sha rai na nga rai na she, Lani mi na ten hta gaw, shanhte, shi gaw da, dai hku bungli bai sa sai da. Sa na she, num sha langai mi shi bungli galaw law re, hpun hta ya ai kaw na num langai hpe mu ai da. Num dai gaw duk langai mi lang da ai da. Lang da re shaloi she, duk dai na ning re ntsa kaw she, Lapu langai mi noi taw ai da. Rai yang she, "E.. nang, i, ndai hpa baw di na ngu rai?" ngu na she shi hpe san ai da. Dai shaloi she, "Ngai gaw ndai Lapu hpe tawk sat kau na." ngu tsun ai da. "Tawk sat kau na ngu na ndai de shapraw sa wa ai re." ngu da. Dai she, "E.. hkum galaw." ngu tsun ai da. "Ndai Lapu hpe ngai la mat na." ngu tsun na she, mi na zawn sha, lap lahkawng hte shi bai mari wa na she, Lapu dai hpe da, grai tsit lali tsawm ai kaw shi dat dat ai da. Dat dat re shaloi she, shi ma nta wa mat sai da. Nta wa mat wa rai na she, shi, lani, lahkawng ni re din ai aten hta da, dai chyinghka, jahpawt grai jau nsen na ai majaw shi chyinghka hpaw na yu dat yu ai shaloi da, mi shi dat dat ya ai Lapu wa gaw da, shi na dai chyinghka lam shawng kaw wa nga taw re da. Rai yang she, wa nga taw na she, shi yu dat ai shaloi shi hkye da ai Lapu re hpe shi chye ai da. Dai Lapu na du kaw, ning re du bau kaw da, Lachyawp langai hpe shachyawp, chyawp tawn da ai da shi gaw. Rai yang she, "Nang hpe ngai chyeju dum ai majaw, nang hpe chyeju htang na matu, ngai sa wa ai re." ngu tsun ai da. Dai shaloi she, "E, nang, i, ngai hpe gara hku chyeju htang na ngu ta?" ngu na tsun ai da. Dai shaloi she, "Maw ndai La-chyawp na na layung kaw chyawp dat u. Nang dai rai di, kayin dat u. Re ai shaloi, nang byin mayu ai ma hkra nang lu byin na re." ngu na tsun ai da. Dai shaloi she shi gaw, "Aw, ngai kaga n hpyi ai, i. hpyi yu na re. Nang tsun ai, i, ngai kam ai." ngu na she shi gaw "Anhte ni mu mu, ngai, mu mu mai mai n lu sha ai grai na sai. Dai majaw ngai mu mu mai mai sha mayu ai law. Dai majaw ndai shara kaw anhte sha na matu mu hpa ma hkra, du wa u ga." ngu dat ai shaloi, kaja nan du wa ai da. Du wa rai na she shi gaw kaja mu mu mai mai sha sai da. Hta sha na she, mi shi, aw, shanhte masum gaw, Gwi ma, Nyau ma, shanhte masum gaw da, pru mat sai da. Pru wa re shaloi she, nang shi bungli galaw ai, mi shi Lapu dut jaw kau ai num kaw du ai da. Du re shaloi she, dai num hpe shi gaw tsun dan ai da. um, aw, dai num wa shawng shi hpe san ai da. "E, nang zawn re, i, mawhpyi gaw da, hpa rai na ndai nta kaw sa ai rai? ngu tsun ai da. "Nang ndai nta galoi sa, i, nang, ngai kaw sha, hpyi sha gwi nni?" ngu san ai da. "Nang hpyi sha gwi ai i?" ngu san ai da. Dai hku san re shaloi she, "Ngai mawhpyi n re ai." ngu tsun ai da. Ngai, nang kaw du sa ai gaw, i, ngai hpa re tim ngai hpa lu sai. Raitim mung ngai gaw, i, ya ngai hpa n hpyi shi ai majaw ngai hpa n lu ai re. Ngai wudek nta lu rawng mayu yang mung ngai lu rawng sai." ngu na tsun ai da. Dai shaloi she, shi, num dai gaw grai mau mat na i, "Deng gaw hpa baw majaw rai?" ngu san re shaloi she, shi gaw myit kaja ai la re majaw she, shi Ta-chyawp madun ai da. Dai Ta-chyawp dai hpe madun rai na, "Ndai Ta-chyawp hte i, byin mayu ai ma hkra lu byin ai." ngu tsun dat ai da. Dai shaloi she, num dai gaw grai ra sharawng mat sai da. Dai hpe she, grai ra mat na she, "Dai rai yang gaw, i, nang dai Ta-chyawp ngai hpe chyahkring mi shap yu." ngu tsun ai da. Dai shaloi she num dai gaw, dai hku tsun ai majaw la dat gaw myit kaja na shi shap jaw dat ai da. Dai shaloi, shi na ta kaw chyawp na she, shi gaw, mi aw ra wa tsun dan da sai re majaw, kayin dat na she, "Ndai la hpe, i, ndai wa hpe, ga htawng de du hkra bang kau ya rit." ngu na tsun ai da. Dai hku kayin di tsun dat ai da. Dai shaloi kaja nan she, nbung kaba bung wa ai ten hta she, shi wa she, ga htawng de rawng mat wa ai da. Ga htawng de du mat wa re shaloi she, ndai Gwi hte Nyau mung hkan shachyut ai da. shi poi mat ai maga de hkan shachyut rai yang she, kaja nan ga htawng de du mat wa ai da. Dai shaloi shanhkawng gaw myit ai da. "Aw, anhkawng na, e, ndai madu hpe gara hku hkye na kun?" ngu na shan lahkawng maw ai da. Maw re shaloi she, "Hpa mi raitim, an lahkawng maw ra sai. i, Gwi nang." Gwi hpe gaw da ndai, aw chye, Gwi hte Nyau gaw maw na she, Shanhkawng gara hku di na ngu ni galaw sai da. Dai shaloi she, ndai Yu, Nyau wa gaw tsun ai da, "Ngai, i, ndai e, ndai htawng, htawng sin ai ni hpe ngai shala tawn da na dai shaloi nang shang mat u yaw." ngu na tsun ai da. Dai shaloi kaja nan shawng kaw she, shi gaw, kwi shala dan ai da. Dai pyada ni ngu na dai sin ai ni hpe she, shala, shala na magyi ni apuk dan rai na she, shala dan ai da. Rai na she, aw ra ni gaw dai yu mau re taw shaloi she, Gwi gaw shang mat ai da. Htawng de shang mat wa rai na she, shi na madu kaw sa ai da. Madu kaw sa na she, gara hku di na ni, i, dai hku ni san re da. Dai shaloi she, "Ngai gaw...", shi gaw hkrap ai da, la dai gaw. "Ngai gaw ndai nye na prat ngam ai hteng hpe ngai ndai htawng kata kaw e, i, asak htum na hku rai sai." ngu na hkrap ai da. Dai shaloi she, Gwi gaw tsun ai da, "Nang hpa hkum tsang." ngu tsun ai da. "Anhkawng. Nang gaw anhkawng na chyeju madu re. Nang hpe an lahkawng bai hkye na. Nang la u yaw myit galu ai hte la u." ngu na tsun dan na she, shi gaw shinggan de bai pru wa ai da. Dai shaloi she, aw ra wa Lanyau wa shala taw ai re majaw she, htawng sin ai ni gaw n mu ai da. Dai shaloi, Gwi mung pru wa rai di na she, shanhkawng kalang ta gat hprawng mat wa ai da. Gat hprawng mat wa na she, nang shara mi kaw du na, shanhkawng grai ba di nga taw yang, hka kau mi, hka kau kaw she, Taukawk wa she, n-ga kran rai na nga taw ai da. N-ga kran rai nga taw rai she, shanhkawng gaw Taukawk dai hpe shanhkawng na lagaw hte galaw yu tim n mai ai da. Gara hku sharawt yu tim n mai ai da. Re majaw Taukawk gaw jan mung du wa rai na she, "Yi, manang yan hkawng e, ngai hpe aw hka sung ai de hka de kanawng bang dat rit law." ngu tsun ai da. Shanhkawng mung dai hka sung ai de shanhkawng kanawng bang ai da. Kanawng bang da na shanhkawng bai wa sai da. Wa re shaloi she, ndai mahkrai langai hpe shanhkawng rap hkyen ai da. Rap hkyen re shaloi she, dai mahkrai shara kaw she, aw, Yu wunawng ni grai law hkra rai na sa wa ai da. Re, shanhkawng yu taw ai da. Dai shaloi she, ndai hkung-ran ai Yu, Yu shayi hte Yu la rai nga hku rai nga. Rai yang she, hkung-ran num yan hkung-ran la rai, rai yang she, shanhkawng gaw kalang ta, nyan taw, i, lama mi ngu na shanhkawng tsun dat ai da. Lanyau gaw lam kaw pat galaw di na she, dai Yu, hkung-ran num Yu, Yu hpe she, shi gaw jahkrit dat ai da. Dai shaloi she, dai Yu aw ra wa gaw tsun ai da, "Nye na, i, ndai hkung-ran num nnan hpe nang dai hku hkum jahkrit ya." ngu tsun ai da. "Nang gaw kaning re masha rai? ngu na "Kaning, kaning re ai wa rai? ngu na tsun ai da. "Kaning rai?" ngu na tsun re shaloi she, "Ngai, nye na mying gaw, masha ni shamying ai 'Lanyau' ngu re ai." ngu da. "Dai majaw, nye na mying 'Lanyau' nga ai hte maren, ngai gaw na na ndai Yu shayi hpe ngai sha na hku maw sai." ngu tsun ai da. Dai shaloi she, "Yi, hkum di law. Ngai gaw Yu hkawhkam re ai. Ndai gaw ya nye na Yu hkawhkam jan re. Dai majaw nang ra ma hkra, nanhkawng ra ai yawng galaw ya na. Nye madu jan hpe gaw hkum hkra yaw." ngu na tsun ai da. Dai shaloi she kaja nan, "Dai rai yang gaw, i, nanhte gara hku lu karum, hpa baw karum lu na? ngu na san ai da. Ndai Lanyau wa gaw san rai na she, "Nang ra ai tsun u." ngu da. "E, dai rai yang gaw ndai hkawhkam wang kaw nga ai, hkawhkam, hkawhkam n re law, ndai e le, hkawhkam zawn rai na nga taw ai, ndai num sha na lata kaw i, dai hkawhkawm jan ngu ga le, hkawhkan num ngu saga le dai kaw na she, dai wa kaw anhte na, anhkawng ra sharawng ai Ta-chyawp nga ai. Dai hpe lu shaw ya yang gaw, i, dai hpe lu la ya yang, nanhte na Yu shayi hpe ngai n sha ai." ngu na tsun ai da. Dai shaloi she, "E, maisa." ngu na she ndai Yu ni gaw zuphpawng hpawng na she, Yu kaji dik htum nna she, magrau grang dik htum hpe shanhte shangun dat ai da. Shangun dat re shaloi she, dai Yu kasha wa gaw Sa mat sai da. Sa mat na she "Dai, hkawhkam wang zawn rai hkra rai na, hkyik tawn da ai dai kaw na num dai wa re." ngu dat ai hpe shi gaw sa yu ai da. Dai shaloi she, kwi grai hkyik hkam ai hku na she shi gaw dai Ta-chyawp hte shi kam ai hku galaw la na she, yawng Ra-na kade law, dan rai na nga na pyaw di na, shi gaw dai shana dai hku yup taw ai da. Yup taw re shaloi she, shara mung grai tsawm ai, Ka-din ni grai tsawm ai dan re kaw yup taw ai num hpe wa mu ai da. Dai shaloi shi gaw "Yi..ndai wa na, i, ndai wa na Ta-chyawp, ndai wa na ta kaw rai na sai, Ta-chyawp ndai gaw." ngu na shi tam yu ai shaloi, Ta-chyawp n mu ai da. N mu rai, grai myitru ai da Yu dai gaw. Raitim, shi wa myit ai da, "Ndai wa gaw ndai ram reng ai rai re nga yang gaw, n-gup kaw mai bang da ai." ngu di she shi gaw "N-gup kaw nga yang gaw ngai gara hku na shaw la na kun?" ngu na shi maw ai da. Maw tim shi, n lu, n lu myit ai da. Tim hpang jahtum shi lu myit ai lam gaw da, shi na nmaitsan hte she shi dai ladi hpe, i, anyaw na mayu ai da. Anyaw ya di na shi kahti yang, i, jahkru kahti wa yang, da, dai Ta-chyawp hpe jahkrat na re." ngu shi myit mada ai majaw she shi, dai hku galaw yu ai da. Yu mun rau dai hku galaw yu re shaloi, kaja nan kahti wa na she, Ta-chyawp dai wa hkrat mat ai da. Hkrat mat re shaloi shi gaw, kalang ta Ta-chyawp dai hpe makrang di na shinggan de pru mat wa ai da. Pru mat na she, mi shanhte tsun da ai hte maren, Lanyau hte, dai hpe, Lanyau hte Gwi hpe jaw dat ai da. Jaw dat re shaloi she, shanhkawng gaw dai lu na grai kabu di wa sai da. Wa re shaloi she, shanhkawng hka rap hkyen sai da. Hka rap na ngu na hka rap wa re shaloi she, ndai nbung laru, aw chye, hka rap sa wa shaloi she, ndai wa na, Lanyau na n-gup kaw makrang tawn da ai re ai da. Ta-chyawp dai gaw. Rai yang she, aw hka ka-ang kaw du yang she, Mawru kabu byin di na she, shanhkawng gaw lim mat ai da. Lim mat wa re shaloi she, N-nyau, N-nyau hpe, N-nyau na n-gup na dai tat mat wa rai yang she, Tim mung, Gwi gaw da, shi hpe n tat ai da. N tat ai sha shi na mai kaw makrang da na, aw, kawng de du mat na, shanhkawng myitru taw sai da. "Anhkawng Ta-chyawp ndai hpe jahkrat kau sai. Anhkawng na chyeju madu hpe gara hku hkyen na? ngu shanhkawng dai hku myit taw na she, hpang gaw, shanhkawng myitru di dung taw nga yang she, hka, ndai laru zim re shaloi she, Taukawk langai mi pru wa ai da. Dai she, Taukawk dai gaw da, mi, shanhkawng yu dat yang, shanhkawng hkye da ai Taukawk rai taw ai da. Dai shaloi she, yu dat ai hte wa da, Taukawk dai kaw Ta-chyawp lawm wa ai da. Ta-chyawp lawm wa na shanhkawng gaw Ta-chyawp dai hpe dai Taukawk kaw na la na, grai kabu di shi na madu kaw bai du rai na she, mi na zawn sha, dai hku htawng kata na ni hpe dai hku shala nna shang mat wa na she, shang ai hte, aw, n lu, dai lang na gaw tsawmra shang yak ai da. Shanhkawng shang na matu grai yak mat ai da. Rai na tim, shanhkawng hpe wang tawn da ai da. Wang da ai kaw, shanhkawng gaw lawt hkra lai na she, aw, dai Ta-chyawp hpe kalang ta Gwi dai gaw kalang ta wa jaw ai da. Madu hpe sa jaw na she, Dai madu mung kalang ta la mat na shanhkawng, shanhte ni masum gaw da, mi, shanhte hpe dai hku galaw kau ai, i, dai num wa kaw shanhte du hkra sa ai da. Dai hkawhkam wang hta pa naw grau pyaw mat sai dai shara de du hkra sa na she, dai num hpe shi sa tsun ai da, sa tsun na she, dai num wa gaw tsun ai da, "E..ngai hpe mara raw ya rit. Ngai ya kaw na myit malai sai." ngu tsun ai da. "Myit malai sai." ngu na tsun rai she, "Ngai, i, nang ntsa hta shut sai." ngu na tsun ai da. "Nang, ngai hpe mara raw ya rit." ngu na tsun re shaloi she, ndai la wa gaw grai pawt mayu mat ai da. Mi na shi pawt mayu ai hpe she shi, mara raw ya ai nga tim pyi naw shi grai yak mat wa ai da. Raitim shi hpang e gaw dai Ta-chyawp hpe shi kayin di na she, "Nang zawn rai na myit n san sen gai num gaw, nang, i, ndai hku nga na matu n gying dan ai. Nang, Shu tai mat u ga." ngu na she, shi dai hku tsun dat ai shaloi, num dai gaw da, kaja nan Shu tai mat wa ai da. Rai na, la dai ma, Lanyau ma, Gwi ma rai na, dai kaw na shanhte ni, mi kaw na nga taw ai Ra-na ni hte rai na, dai kaw grai pyaw di na nga lu mat wa ai da. . Language as given: Jinghpaw
Format:		Digitised: no Media: Audio
Identifier:		KK1-1292
Identifier (URI):		http://catalog.paradisec.org.au/repository/KK1/1292
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
Subject (OLAC):		text_and_corpus_linguistics
Table Of Contents (URI):		http://catalog.paradisec.org.au/repository/KK1/1292/KK1-1292-A.wav
		http://catalog.paradisec.org.au/repository/KK1/1292/KK1-1292-A.mp3
		http://catalog.paradisec.org.au/repository/KK1/1292/KK1-1292-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1292
DateStamp:		2021-01-12
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); G. Htang San (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia