OLAC Record oai:paradisec.org.au:KK1-1125

Metadata
Title:		Dinghku num ni myit magaw (The dishonest wife)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), D. Tu Ja (speaker), 2017. Dinghku num ni myit magaw (The dishonest wife). X-WAV/MPEG/XML. KK1-1125 at catalog.paradisec.org.au. https://dx.doi.org/10.4225/72/598b3324db9e1
Contributor (compiler):		Keita Kurabe
Contributor (depositor):		Keita Kurabe
Contributor (speaker):		D. Tu Ja
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-16
Date Created (W3CDTF):		2017-02-16
Description:		Transcription (Lu Hkawng) Ya hkai na gaw dinghku num ni myit magaw ai lam e, masha num jan hte masha yan la mi dinghku de sha ma ai da. Dai num jan gaw la kaji ma lagu lu ai rai re nga gaw rai yang she madu yi hkyen yi n yup ai nga yi hkyen yang mung yi yup ra ai nga nta chyu chyu wa ai nga shi gaw la kaji lu ai rai nga she ngu na shara ai da. Yi hkyen ngut jang she kaning nchye yang she masha ni hpaga ga hkawm ai hkrai re nang gaw hpaga ga mung nchye re ai la gaw nga rai yang she hpa hte ga na law kaning re hpaga ga na rai i ngu yang she masha ni ''u'' ni hpa ni hkam hkam la dai hkan Uhka hka kyet ni mung grai nga ai le dai ni tam rim la na le sam kahtawng de sa dut yang mung sam ni grai ra ai le ngu bai tsun ai da. ''Aw dai rai jang gaw'' ngu she dai la wa gaw lani mi na hta gaw shi moi gaw bum ga gaw Uhka hka kyet ni bum ga kaw grai nga ai rai na hku nga nta kaw she u shat lu sha tawn na she Uhka hkam la sai da. Uhka lahkawng lu jang she, Uhka lahkawng sha gun nna she le sam kahtawng de sam kahtawng (Hpunggyi) dingla kaw she dai Uhka dai sa dut na hka kyet rai nga ai hka kyet dai sa dut nga yang she, sa wa yang she, dai la wa gaw ''Ya nang hpa baw sa dut ai rai'' ngu she ''E ngai ja gumhpraw ra nna ndai Uhka lahkawng sha rim gun nna sa wa ai law, nang ra ai kun ngu sa wa ai law'' ngu yang she, ''E ngai dai gaw ra gaw ra ai nang a ja hpaga sutgan yam nga ni gaw htaw nta de grai jawng nga ai, grai lu nang grai lu ai dai ngai hpe gam kau u, ya nang dai na ya loi hkring jan shadu la nna nta de lawan she wa u, le na nta kaw sutgan yam nga mung hpying nga na ra ai'' ngu na kaja wa shi jan shadu la nna wa yang she htaw shi madu jan gaw la kaji hte she grai nga re Arr se rawng nga ai hku nga shi gaw dai wa mu jang she kalang ta she ''E ndai chyinghka hpaw u'' ngu na shi kalang ta wa marawng dat ai hte she dai shi a la kaji ngu na wa gaw kade n chye yawng wa yang she le shani mam lam ai daw dap kaw jahtai su mi tawn re nga ai, shaloi dai la dai wa gaw jahtai su kaw she hprawng bang wa sai da. Hprawng bang wa yang she la dai wa mung shi dan re nga she ''Aw ngai hpe nta de sutgan lu ai gaw oh ra rai sai'' ngu na she shi gaw shang wa nna she garap kaw na pali ni shayu la di na she atsawm sha hka ma dit la na she sam dingla jahtai htet ai re ndai sa dut sha na re nga na she gade nde hkang di tawn sai da. Shaloi she manang jan madu jan gaw hkrit sai da law, gari nna ''Ngai hka galaw sai re kaning wa di, masha ni a la kasha wa ngai ndan di ai gaw ya kaning wa di ai baw rai sai kun'' nga na she Du salang ni kaw sa sai da. Du salang ni kaw shana sa yup pyi n chye hkra dai la wa gaw dai jahtai sha hkang tawn na she, a gatsi sha nga nga ai hku rai re nga shaloi she dai madu jan gaw oh du salang ni dai la a kanu kawa ni a shawng shaga nna she, kaning rai tim ndai salang dung ra sai amu tsun ra sai ngu hku na she, shi gaw hkrit na she salang hkang shaga hkawm dai la wa a kanu kawa ni hpe sa tsun re na sa shaga sai da. Shaga yang gaw kaja salang ni sa wa sai da. Mare salang wa shawng sa wa yang she, ''Hka ya gara hku gara hku byin ai da aw, hkau ya nang manang ni a kasha jahtai su kaw hkang tawn ai da aw'' ngu yang she ''Ngai n hkang ai law ngai hpa n hkang ai ngai ya hpawt de nhtoi htoi jang le sam dingla htet nna jahtai sa dut sha na ngu re dai jahtai ra ai da sam dingla hpa mung jaw na nga ai re'' nga ''E n rai na re na num jan masha ni na kasha hpe shut tawn ai gara hku tim ndai gaw amu ndai gaw hparan ra na re'' ngu yang she ''Dai rai jang gaw nanhte ngai ra ai hte jaw na rai jang gaw mai ai, ngai ra ai hte n jaw jang hpawt de sam dingla wa kaw sa hpai ya kau na re'' ngu she shaloi she dai hku ngu yang she kachyi tim n mai na re ngu na she dai tsun na rai jang gaw "Ngai mung kahpu kanau shaga na re'' nga dai la wa gaw kahpu kanau shaga na she ja hpaga daw bang wa masai da. Masha jan shaw ai lam hpe hpaga kade ngu ai Nga kade, Bau kade ngu ai hpaga manga kru hpyi nna she, dai la wa hpe hkye la ai da. Dai la wa hpe hkye la num jan hpe mung dai shani kawn na gaw ra ai wa hpe jaw kau rai na she dai kaw htuk la ai ja hpaga hte she num laga bai la nna nga mat ai da. . Language as given: Jinghpaw
Format:		Digitised: no Media: Audio
Identifier:		KK1-1125
Identifier (URI):		http://catalog.paradisec.org.au/repository/KK1/1125
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1125/KK1-1125-A.wav
		http://catalog.paradisec.org.au/repository/KK1/1125/KK1-1125-A.mp3
		http://catalog.paradisec.org.au/repository/KK1/1125/KK1-1125-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1125
DateStamp:		2021-01-30
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); D. Tu Ja (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia