OLAC Record oai:paradisec.org.au:KK1-1067

Metadata
Title:		Jahkrit mai dum (The cowardly man)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), G. Htang San (speaker), 2017. Jahkrit mai dum (The cowardly man). X-WAV/MPEG/XML. KK1-1067 at catalog.paradisec.org.au. https://dx.doi.org/10.4225/72/598b323a5b2a9
Contributor (compiler):		Keita Kurabe
Contributor (depositor):		Keita Kurabe
Contributor (speaker):		G. Htang San
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-15
Date Created (W3CDTF):		2017-02-15
Description:		Transcription (Lu Hkawng) Ya ngai hkai na maumwi gaw grai hkrit ai jahkrit maidum la langai a lam re, moi mare kahtawng langai mi kaw da, ndai Hkainu sun galaw sha ai shan la nga ai da. Shan la ni gaw kashu kasha ma law law lu ai da. Lu re na she shan la gaw shani shagu yi de sa ai da. Yi de dai hkainu sun de sa rai tim hkainu wa yu shani shagu yu dat yang wa she Tsap sha kau ai hkang hkrai hkrai rai taw ai da. Tsap sha kau ai hkang hkrai hkrai rai taw na she shan lahkawng gaw grai mau ai da. Ndai i ndai ram ram sha kau ya ai gaw an lahkawng gaw gara hku na ma ni hpe bau maka na ngu na shan lahkawng dai hku na myit ai da. Rai tim mung shan lahkawng myit n daw ai le i, dai hku re yang she madu wa hpe tsun ai da. ''Gai ning wa e ya yi sin yup u yaw'' ngu tsun ai da. ''Ndai hkainu sun sin yup u dai na gaw'' ngu tsun ai da. Madu jan gaw shi wa mat ai da. Wa mat wa ai shaloi she madu wa mung ''E mai sai'' ngu na hkam la nna shi mung nga taw sai. Dai kaw na nsin loi mi rim wa yang she shi gaw madu jan hpe grai marit wa ai da. Grai marit wa na she hkrit ma grai hkrit wa ai da, Tsap nga ai nga yang shi mung grai hkrit wa ai da. gat wa ai da, nta de bai wa re nta du rai yang she ''Hpa rai na wa ai rai'' ngu tsun ai da. ''Nang hpe i Tsap sin u she ngu yang mi hpa re na wa ai rai hkainu ni yawng ma sa na'' ngu tsun ai da. ''Madu wa gaw ngai nang hpe grai marit wa ai majaw grai dum wa ai majaw wa ai re'' ngu tsun ai da. Dai shaloi she rai sai dai yang gaw dai na gaw dai hku rai mat sa nu ga ngu na dai hku yup mat sai da. Yup mat wa re hpang shani bai shan lahkawng sun sa re she kaja nan grai sha kau ya ai da. Dai shaloi she dai na gaw ''Nang nyup nmai re ai yaw nang yup nan yup sa nu'' ngu na tsun na she dai hku tsun da na dai shana maga wa na ten hta mung dai hku bai tsun sai da. Dai shaloi she kaja nan mung shi gaw wa mat sai da. Madun jan wa mat wa re madu wa mung ''E sin na ngu'' bai nga taw ai da. Nga taw re she rim rim nga wa na dai hku rai yang bai gat wa ai da, nta de nta de bai gat wa re na she madu jan gaw grai pawt mayu sai da. Dai shani gaw grai pawt mayu ai majaw she ''Nang gaw na kasha ni hpe n kam kau ai i, na kasha ni hpe ntsawra ai majaw nang dai hku galaw ai i nang ma ni hpe dai hku kansi ti na sat kau na i'' ngu dai hku ni tsun ai da. Dai shaloi she shi gaw dai madu jan na ga hpe ma n dang hkam re na kasha ni hpe mung matsan dum re nna hpang shani kaw na gaw shi gaw kaja nan yi sin yup sa na re ngu na kaja wa yi sin yup sai da. Sin yup re yang she n sin sin wa re ai shaloi shi gaw nhku yi nhku kaw dung taw nna shi grai hkrit sai da. Grai hkrit wa na she oh shangu n-gaw kaw dung taw ai da. Shi masawn langai mi lang galaw lang re na shi nhku de ntsa de nga taw re ai shaloi she, kaja nan tsap sa wa ai da. Tsap dai she dai hku hkrawp hkrawp nga i nam maling ni dai hku hkawm ai na ai da. Dai hku hkawm magang dai hku na magang rai dai she, dai ntsa kaw shi gaw hkayum ti na ah pa ti na dai hku shangu n-gaw kaw nga taw re yang she ndai Tsap wa hpe shi yu dat ai da. Dai shaloi she Tsap wa she shi kaw wa di re wa ai da law rai yang she shi gaw nau hkrit mat ai majaw she dai kaw na gari ti gumhtawn hkrat mat ai da. Hkrat mat wa re ai shaloi she shi gumhtawng na hkrat tim mung shi gaw dai masawn shi lang ai kawa masaw hpe gaw n tat ai da.n N tat na shi gaw ding chyun di na lang tawn da rai yang she dai Sharaw wa she shi hpe htim sa wa ai hte she dai shi na dai sumhpraw kaw she anyaw hka mat wa ai da. A nyaw hkra mat wa na shi gaw grau nna i shi hpa baw ngu na i, grau oh ra rai magang ndai wa gaw n tat magang rai yang she galun si mat wa ai le i, Tsap gaw galun si mat wa re yang she shi gaw ''E rai sai'' nga ti she shi dai Tsap shi na shi galun si ai hpe she si galaw ai rai u ga'' ngu na she lagaw hkang hkrai di tawn da ai da. Hpang jahpawt gaw lagaw hkang hkrai dai grup yin hkan ni lagaw hkang hkrai rai na she dai Tsap na sai hpe mung dai sumbu hkan ni chya la shi hkum ni hkan ni mung chya la re na shi gaw wa sai da. ''E mare masha ni e, ngai Tsap langai mi sat da sai law ngai tsap langai hte htim gasat sai'' ngu na tsun na mare masha ni mung yawng sa yu sai, kaja nan grai gasat da ai i, shana tup gasat da ai hkang hkang ai da. Rai na she shi hpe she madu jan mung i grai shakawn mat ai da. Grai shakawn mat na shi gaw dai hku na grai mying kaba mat ai da. Shi wa she tsap hte pyi gasat ai la ngu na grai mying kaba mat wa na she, dai hku nga re ai shaloi she ndai kahtawng langai mi kaw she kahtawng langai dai kaw na ni wa na sai da. Na re grai magrau grang ai la nga ai hpe na ai le i, dai shanhte mare kaw gaw da, ndai damya le i, damya grai nga ai shara (aw damya n rai shi ai law) sharaw grai ju ai shara re ai da. Sharaw grai ju ai shara rai re she, Sharaw dai hpe she gasat ya na matu ndai wa hpe tsun ai da. Tsun re ai shaloi she e ngai n kam ai ngu dat yang mung ngai na shayi hpoi na dai re ai majaw ngai gara hku tsun na kun ngu na dai hku naw myit la taw ai da. Kalang bai sa tsun tim shi n sa ai da. Kalang bai sa tsun tim n sa rai hpang kalang hpang jahtum lang na masum lang mali lang ngu na hta e shi gaw ''E ngai n sa yang gaw nye shayi hpoi ai ngu'' na she sa mat sai da. Sa mat wa re yang she Dai rai yang gaw i nanhte dai Sharaw gaw gara hku na byin chye ai rai i hpa nya ngu na shi dai mare masha ni hpe san ai da. San ai shaloi she ndai Sharaw gaw i nsin rim rim rai wa yang ndai mare shinggan kaw na wa hpang langai mi kaw nga ti na masha ni hpe i dai hku na shana nsin sin sai nga yang shang sha ai ngu na tsun ai da. Dai shaloi she aw dai nga yang dai wa hpang de ngai hpe sa sa rit ngu na tsun ai da. Shi na myit hta gaw hpa myit da ai lam ngu ai gaw n nga ai da. N nga ai rai tim shi wa she shi na shari hpe shi n kam hpoi ai majaw sa mat sai da. Sa mat na she shi oh kaw du nna she masha ni hpe "Nanhte wa mai sai" ngu ai da. Wa kau shangun re she shi gaw grai hkit sai da lu ya ngai dai na gaw Sharaw ndai hpe gaw kaning di ti na she sat shana re na mung nchye kaning di na n chye sai ngu na shi grai hkrit taw hkrit taw rai yang she Kawa kata kaw rawng taw ai da. Wa hpan na oh kata kaw rawng taw re ai shaloi she shi kaja nan she shanhte tsun ai hte maren jan du nsin sin wa yang she dai wa sa wa sai da. Sa wa re na she dai kaw she masha bat manam ai majaw shi gaw gayin hkrai gayin ai da. Sharaw gaw gayin hkrai gayin na she shi gaw hpa n chye galaw ai majaw mi sharaw n sa shi ai shaloi pali dai hku shit tawn da ai da. Pali grai law hkra shit ti na nga taw rai taw kaja nan Sharaw dai gaw sa nna htim shang ai da. Shi hpe mu nna htim shang rai yang mung n lu da, n lu htim sha lu na hku nga rai yang she shi gaw mai hte she ndai hku ndai hku shi hpe she myiman hkum hkan ni i dai hku dai hku na anyaw sha tsang ai da. Shi na Shawraw mai hte she dai hku wa hpang hpe dai hku re na anyaw sha tsang rai yang she, Dai la gaw da, dai sharaw na nmai hpe she la na she mi shi shit da ai pali hte she hkang ya ai da. Hkang Kawa langai mi kaw di la nna hkang ai da. Dai shaloi she Sharaw gaw grai pawt mayu sai da. Grau pawt mayu nna grai lak ai da. Rai tim shi gaw dai hpe she grau ja hkra hkang ai da. Hkang nna Sharaw gaw marawng she marawng ai da. Marawn hkrai marawng marawn hkrai marawn na she mare na ni gaw na ai da. Sharaw n sen na sai i, ndai la gaw shi langai sha gaw dang di lu ai re kun shi hpe masha sha kau ai kun kaning hku re ai kun ngu dai hku myit ai da. Rai nna shi gaw dai Sharaw hpe shana tup hkang tawn da ai da. Mai hteng kaw yawng majaw ti hkang tawn da rai yang she Sharaw gaw shana tup shabam jin ti na she yuhkraw krawp ti na she si mat ai da. Yu hkraw ga ti na si mat wa rai yang she mare masha ni gaw shi mare masha ni hpang jahpawt sa yu yang gaw shi mahtan grai zen taw re ai le i dai hku rai re yang she, ''E nang Sharaw hpe pyi lu sat ai i dai hku rai na she tsun na she shi hpe she mi shanhte tsun tawn da ai i, gumhpraw jaw na lam hpe tsun tawn da ai majaw shi hpe dai gumhpraw ni jaw dat ai da. Jaw dat na she shi gaw dai gumhpraw lang nna nta wa sai da. Wa re na she ndai kahtawng langai kaw bai ndai damya grai hprawng ai nga bai na ai da. dai ni bai du wa ai da, shi kaw ''E magrau grang ai la hpe i anhte ni ra ai dai majaw anhte hpe i naw garum la rit'' ngu sa tsun ai da. Dai wa hpe mung dai hku sha shi gaw nsa na zawn zawn dai hku na galaw na she ''Rai tim ngai sa ra ai'' ngu dai hku myit la na shi gaw dai ni hpe bai hkang nang mat sai da. Hkan nang mat wa ai shaloi ''Gara hku ni byin chye ai rai'' ngu san ai da. Dai shaloi she dai gaw i dai shana rai yang lagat hpun npu kaw shanhte ni masha mahkawng la ai'' ngu tsun ai da. ''Masha mahkawn la nna she ndai shana n sin sin sai nga yang dai hku na dai hku na shang gasat ma ai'' ngu tsun ai da. Dai shaloi she shi gaw ''Aw rai sai dai rai yang gaw i nanhte ndai lagut damya ni hpe nanhte ni hpa tsang n ra ai ya ngai hku na i la jang na re'' ngu na she ngai hpe Gumra langai jaw dat rit ngu tsun ai da. Gumra langai sha jaw dat rit ngu na she dai tsun re na she, dai Gumra kaw she, Gumra hte hpawn dai hpun de sa sa shangun ai da. Dai kaw na she dai shi she ''Ngai hpe Gumra ntsa kaw grai nga hkra gyit da mi'' ngu tsun ai da. Shaloi she shi hpe she grai ngang hkra gyit da sai da. Dai hku na hpun makau kaw makoi taw ai da. Makoi taw nna kaja wa shanhte tsun ai hte maren damya ni she sa wa ai da. Sa wa na she dai kaw shanhte ni jahkrum ma ai da. Dai hku galaw ga, dai hku galaw ga ni jahkrum taw ai shaloi she, shi gaw grai hkrit ai da, grai hkrit wa na she nhkrit langai ma lang da ai da. Nau hkrit nna gari nna she dai Gumra na kan kaw sha galun hkrup ai hku nga, dai nhkri hte she nau gari wa na she galun hkrup dat ai she Gumra wa she kalang ta gat mat wa na she dai damya ni lagut ni nga ai dai lagut ni nga ai shara de she dum bre shang wa na hku nga dum bre shang mat wa re ai shaloi she, dai ni yu dat ai da. Dai shaloi she oh ra wa gaw nau hkrit ti na she dai hku rai taw nna she dai Gumra na kan de shang mat wa ai da. Shi gaw kan de she kalang ta gale shang mat wa she ''E ndai gaw i grai magrau grang ai la she anhte hpe gasat sai law, ya shawoi na ni hte nbung sai'' ngu na she shanhte gaw grai hkrit ti na she gat hprawng ai da. Gat hprawng ti na she shanhte la wa ai arung arai ma hkra hpe ma shanhte kabai kau da na she, hprawng sa mat wa na she dai la wa gaw dai shaloi she dai Gumra kaw na Gumra mung shi wa she anyaw hkrai anyaw anyaw hkrai anyaw rai yang she Gumra mung dai kaw si mat ai da. Si mat wa re shi na nhkyi hte anyaw hkrup nna si mat wa re yang she shi gaw dai kaw na yu re na she dai ni kabai tawn da ai arai ni hpe hta lang re na she mare masha ni hpang jahpawt mare masha ni du re ai shaloi she ngai gaw ndai i shanhte ni na rai pyi yawng lu la sai ngu na dai hku ngu na madun ai da. Madun re na she kaja na dai kaw na mung lagut damya mung nsa mat ai da. Rai na shi hpe mung shanhte tsun da ai hte maren gumhpraw shadang hte hkrak di ti na shi hpe dai mare salang salang wa gaw dai jaw dat ai da. Rai na shi gaw dum nta de bai wa re na she shi madu jan ni hpe dai hku na magrau grang ai la re ai ngu ai hku na nga mat ai da. Kaja wa nga yang gaw shi gaw hpa n chye ai hpa ma n myit tawn da ai jahkrit mai dum la she re ai da. Hkrit ti na byin mat wa ai lam ni hkrai sha re ai da. Ndai maumwi gaw ndai kaw ngut sai. . Language as given: Jinghpaw
Format:		Digitised: no Media: Audio
Identifier:		KK1-1067
Identifier (URI):		http://catalog.paradisec.org.au/repository/KK1/1067
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/1067/KK1-1067-A.wav
		http://catalog.paradisec.org.au/repository/KK1/1067/KK1-1067-A.mp3
		http://catalog.paradisec.org.au/repository/KK1/1067/KK1-1067-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-1067
DateStamp:		2021-01-30
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); G. Htang San (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia