OLAC Record oai:paradisec.org.au:KK1-0647

Metadata
Title:		Nat kawa ai num (The spirit-possessed woman)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), M. Lu Htoi (speaker), 2017. Nat kawa ai num (The spirit-possessed woman). MPEG/X-WAV/XML. KK1-0647 at catalog.paradisec.org.au. https://dx.doi.org/10.4225/72/5989e25d51254
Contributor (compiler):		Keita Kurabe
Contributor (depositor):		Keita Kurabe
Contributor (speaker):		M. Lu Htoi
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-09
Date Created (W3CDTF):		2017-02-09
Description:		Transcription (Lu Hkawng) Ya tsun na gaw ma kanu langai mi ma shangai ai hte shi hpe nat ni amyu myu hku na shi hpe malap mali hku na nat shang wa ai lam hpe tsun na re. Ma num langai mi ma shangai nna shi malap mat wa ai zawn zawn shinglet ni shaw ndai n-gup ni galu wa ai zawn re nna dai hku ndum ndam machyi mat wa ai hpe mare masha ni yawng chyawm yawng chyawm nna majap ni bye hku bye lahkawng masum dai hku ju re na she dai num jan hpe gaw shakum shakap gaw yawng mahkam hkrai hkam masawn ni jun di nna mare ting chyawm nna chyawm la lu ai rai tim mung dai hpang e kalang mi bai byin ai da. Hpang e kalang bai byin ai gaw kalang bai dai hku na bai ndum wa ndum wa ai shaloi gaw yawng kahtawng ting bai kalang ta bai htim bang wa nna bai yawng bai jawm re yang she shani tup ndang ga nat ga ga mat ai da. Saw gaw nbaw ngu ai hte lam n kam hkawm sai ngu ai hte tsun mihta n kam jawng sai, mawdaw lam n kam hkan sai ngu amyu myu ngu na jawp nna shi ndum ndam dai hku rai mat ai rai yang shi hpe yawng hkra bai jawm, jawm nna bai bran sai, bran re na she num langai mi gaw oh sara ni hpe sa shangun sai da. Num lahkawng hpe num lahkawng hpe sara ni kaw sa shangun re yang she shan lahkawng mung dai kaw sa yang she dai sara wa gaw ''Ngai ma shangai ai kaw n sa ai'' ngu na hka ni gawut dat ya n-gu ni hkai-nu ni shi ga matan nna jaw dat rai yang she ''Hkying masum htu yang nanhte ndep na re nanhte lawan wa mu kanu n pru jang kasha pru na re'' ngu na tsun dat ya ai da. Tsun dat yang gaw dai num dai yan mung grai grai kaba ai yan rai nga lagat she lagat apa re na wa re na she shan lahkawng du wa ai hte gaw mayu la ni shawng shawng ra ai nga nna mayu la ni shawng re nna lam mali nga yang mali sa nna dai nat ni ndang ni hpe shanchyut ai da. Ndang ni hpe sha chyut re yang she oh masha ni hka hkawng de nga taw yang she htaw de sanat pawng e pang e gap jahtau jang ndang ni gaw ma ba jahkrat hkat wa ai hka hku hku shi hku ma ba nna hprawng ma ai da. Dan re na yawng shawa ting bungli nsa ra ai aten re ai majaw lu chyawm la ai da. Lu chyawm la nna dai num dai gaw grai na hkra mana zawn re mau mau dai hku nga mat re kan mung tit tit rai mat, kasha mung dai hku na hkrap hkrai hkrap, hkrap hkrai hkrap nna gaw hpang e gaw kasha dai mung bai si mat da. Si mat re na manu mana tsi tsi lajang nna dai num hpe lu hkye la ai hku re da. Dai nat ngu ai shang sai kaw na gaw nat ngu ai dai hku na wu sai kaw na gaw anhte shinggyim masha ni mung grai mana wa, grai nhpyan nlang re wa re ai hku rai nga, nkau kau shabam hkawm wa ai. Dan re na dai num dai hpe kahtawng ting jawm nna lu chyawm la ai re ya dai ni du hkra naw nga ai da. Dai num dai gaw dinggai dai gaw dai majaw anhte shinggyim masha ni kadai rai tim mung kashu kasha lu ai aten hta ndai zawn re nat shang na hpe yawng grai tsang ra ai hku re dai majaw ndai nat a lam hpe gaw moi kaw na Karai Kasang moi kaw na nga ai nat re ai majaw gaw kadai hta mung nbyin ai re ngu ai byin wa na hpe ya na prat na ma ni yawng chye da ga, ndai zawn re na nat ngu ai hpe gaw hkrit tsang ra ai re yawng dum chye ga ngu na dai mauwmi hpe moi na ji woi ji wa ni hkai da ai majaw dai ni du hkra sak se nga ai mabyin maumwi hpe ma ni kadai mung chyena da na matu hkai dan ai hku rai sai law. . Language as given: Jinghpaw
Format:		Digitised: no Media: Audio
Identifier:		KK1-0647
Identifier (URI):		http://catalog.paradisec.org.au/repository/KK1/0647
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/0647/KK1-0647-A.mp3
		http://catalog.paradisec.org.au/repository/KK1/0647/KK1-0647-A.wav
		http://catalog.paradisec.org.au/repository/KK1/0647/KK1-0647-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-0647
DateStamp:		2021-01-08
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); M. Lu Htoi (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia