OLAC Record oai:paradisec.org.au:KK1-0405

Metadata
Title:		Jahkrai ma hte la law ma (The bullies and the bird trip)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), M. Awng (speaker), 2017. Jahkrai ma hte la law ma (The bullies and the bird trip). MPEG/X-WAV/XML. KK1-0405 at catalog.paradisec.org.au. https://dx.doi.org/10.4225/72/5988950cc8e34
Contributor (compiler):		Keita Kurabe
Contributor (depositor):		Keita Kurabe
Contributor (speaker):		M. Awng
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2017-02-02
Date Created (W3CDTF):		2017-02-02
Description:		Transcription (La Ring) Ndai gaw jahkrai ma hte lalaw ma ni ngu ai maumwi rai nga. Ndai gaw "Masha hpe yu nna roi nra nmai galaw ai" ngu ai a maumwi rai sa. Rai jahkrai ma ngu ai gaw marai langai sha nga ai kanu hte kun kawoi dwi hte kun nga ai jahkrai. Dai lalaw ma ni ngu gaw Magam Manaw Mala Matu Mayaw Mahka nga na la mana maka law ai lalaw ni. E dai mare kahtawng langai mi kaw dai lalaw ma ni hte jahkrai ma ni wa dai hku rau rau ginsup chyai taw nga. Rai shanhte gaw lani mi gaw u hkam sa ma ai da. U hkam sa yang gaw jahkrai ma hpe gaw yu roi nna she u gaw ndai u hkam sha ai baw gaw hpun ndung de sha nga ai. Raitim jahkrai ma re majaw yu roi na hpun ndung de nhkam shangun le ga de hkam shangun ga de gaw gara hku tim u nmai lu. Htaw hpun ndung de rai yang gaw u, shi gaw u hpun si ni sa sha ai re majaw gaw hpun ndung kaw gaw u lu ai baw re. Wo u hkam hkam ai gaw le ga kaw hkam shangun jahkrai ma hpe gaw roi di na. "E nang gaw ga kaw hkam u anhte gaw hpun ndung de hkam na" ngu di she hkam u hkam hkam tawn sai da. Hkam tawn na she hpang shani shanhte u hkam bai sa yu yang gaw wora lalaw ma ni gaw jau jau shawng du na hku rai nga. "Mawk ya jahkrai ma hkam ai htawra ga kaw hkam ai rai yang gaw chyahkyi bai lu taw da yaw htaw hpun ndung kaw hkam ai lalaw ma ni na gaw hkawngrang zawn re ndai hkutaw zawn re utu zawn re dai u ntsa de nga ai baw u dai sha lu rai jang she shanhte gaw myit magaw myit na she kalang ta htaw ntsa kaw nga ai u hpe shawng raw la na she ga kaw hkam tawn da ai. Ga kaw galai da ya ai chyahkyi hpe gaw hpun ndung kaw sa gyit kau da. Rai yang gaw shanhte bai nhtang wa na jahkrai ma le wa ai shaloi gaw "Sawk u hkam sa yu ga" ngu di u hkam sa yu, rai yang gaw hpun ndung de gaw chyahkyi wa lu taw le ga de rai jang gaw htaw hpun ntsa de nga ai ntsa de pyen ai baw u ma lu taw rai na she shanhte gaw dai kaw dan re wa lu taw ai hpe wa mu na hku nga. Dan rai wa mu jang she "Aga ndai gaw njaw sai ngai hpe gaw mala la roi sha ai rai sai" ngu na shi mung grai myit npyaw na mare de du wa. Mare de du wa yang gaw mare de na ni mung "Jahkrai ma gaw ga kaw hkam ai wa htaw ntsa malen pyen ai u wa lu wa, lalaw ma ni hpun ndung kaw hkam ai wa gaw chyahkyi lu wa re gaw ndai gaw ntara ai nkaja ai" nga tsun. "Raitim tara ai" nga shanhte gaw law ai re majaw gaw n-gun hte shadang nna "Anhte hkam ai kaw na lu ai re" nga na garu ai da. Rai dai kaw gaw shanhte ndai sagya kasa saw wa ai hku rai nga. "Ndai gaw mung jahta ra sai mungga kamung tsun ra sai ndai hku di na gaw nmai ai" ngu na di jang she "Sakse sakkan shaga ga" nga lalaw ma ni gaw law ai re nga yang gaw kadai hpe mung shaga kadai hpe mung shaga yawng yawng hpe shaga na "She rai law she teng law" ngu gai jahkrai ma gaw masha nlu shaga di she htaw wam hkawm mat wa masha sakse sakkan sakse saw hkawm wa yang gaw wo sum up kata kaw rawng ai u hku hpe she "E ji dwi u hku e ya anhte kahtawng kaw lalaw ma ni rau anhte u sa hkam ai wa mahkam hkam ai wa ngai gaw ga kaw hkam shanhte gaw htaw hpun ndung de hkam re wa shanhte a gaw chyahkyi wa lu ngai na gaw ntsa malen pyen ai ugaw hkawngrang wa lu re ma re. Dai hpe ya ndai amu jahta e ga rung dung e ga ngu ai re chyeju hte naw sa dung ya rit" ngu di htet kau da ai. Rai du wa sai kaga ni yawng lalaw ma ni shaga ai sakse sakkan salang ni yawng du sa. Du rai yang gaw lalaw ma ni gaw lalaw ma ni gaw yawng gaw "Re re re" nga chyu rai yang she u hku gaw loi hpang hkrat nna she du ai hku nga jan pyi law shayang masha pyi bra sayang she hprawt rai. "Ga u hku nang gaw deng ding rai di me dai ram ram hpang hkrat ai gaw hpa di nga ndai rai" ngu dat ai hku rai nga "Hpa rai di nga ai ya du hkra dai ram ram na di nga ai gaw" nga yang "Dai ngai mi gaw htaw kumtsai sharaw hkru di langa tawng hpunjum kaprawng di htingga lang di hka gun jaw di dai rai di nga ai la" ngu tsun dat. Rai yang gaw dai kaw dung ai salang ni gaw "E htingga ran hte mi gaw hka gaw n-gun ai hka gaw njaw a langa tawng hpunjum gaw nkaprawng a kumtsai sharaw gaw nhkawng a" nga rai yang gaw "Bai daini na mung ndai myit yu gaw ngu gai yawng bai myit yu ga kaja wa chyahkyi gaw hpung ndung de gaw nlung ai, mahkam de manang ni mahkam de mi gaw nnoi a e ndai ugaw hkawngrang gaw ka de e n ahpre sha ai hpan re. Ya ndai u hku a ga she madat e she myit yu e ga" ngu di bai shanhte atsawm dai sa dung lawm ai salang du gyi salang ni mung dai hpe atsawm di hparan ya ai. Rai yang gaw kaja wa jahkrai ma lu ai gaw chyahkyi rai mat wora lalaw ma ni lu ai gaw htaw hpun ndung na hkawngrang rai mat re. Ndai a maumwi ndai a lachyum gaw "Jahkrai nmai shingtai re ngu na yu kaji ai zawn re nmai galaw ai. Kaning rai tim mung jaw ang ai hku htuk manu ai hku nna hparan. Tinang lu ang ai hpe lu ang ai hku na la ra ai sha ra ai" ngu nna hkai dan ai maumwi re ndai gaw. . Language as given: Jinghpaw
Format:		Digitised: no Media: Audio
Identifier:		KK1-0405
Identifier (URI):		http://catalog.paradisec.org.au/repository/KK1/0405
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/0405/KK1-0405-A.mp3
		http://catalog.paradisec.org.au/repository/KK1/0405/KK1-0405-A.wav
		http://catalog.paradisec.org.au/repository/KK1/0405/KK1-0405-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-0405
DateStamp:		2021-09-13
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); M. Awng (speaker). 2017. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia