OLAC Record oai:paradisec.org.au:KK1-0032

Metadata
Title:		Shada garum hkat ai lam (Helping each other)
Access Rights:		Open (subject to agreeing to PDSC access conditions)
Bibliographic Citation:		Keita Kurabe (collector), Keita Kurabe (depositor), D. Lum Naw (speaker), 2016. Shada garum hkat ai lam (Helping each other). MPEG/X-WAV/XML. KK1-0032 at catalog.paradisec.org.au. https://dx.doi.org/10.4225/72/59888f37181f1
Contributor (compiler):		Keita Kurabe
Contributor (depositor):		Keita Kurabe
Contributor (speaker):		D. Lum Naw
Coverage (Box):		northlimit=27.331; southlimit=23.137; westlimit=95.335; eastlimit=98.498
Coverage (ISO3166):		MM
Date (W3CDTF):		2016-12-12
Date Created (W3CDTF):		2016-12-12
Description:		Transcription (Lu Hkawng) Langai gaw nta galaw yang i anhte ya na anhte (Myo) kaw Manmaw myo zawn Myitkyina myo zawn anhte Wunpawng mungdan kaw na myo kaba ni gaw ndai ni rai nga ai, no(2) Manmaw no(1) Myitkyina, e dai re ai majaw gaw myo kaw sha ndai gumhpraw hte galaw ai. Anhte Wunpawng sha ni moi kaw na ga saw ai ngu ai galaw ai, ga saw ai ngu galaw ai hta e dai shani hta e n ngut jang ndai makau grup yin na shakum zawn re ai ni i ndai zawn re da ai le, da ai ndai da ai she ga saw ai shani n ngut jang she hpawt ni gaw oh ra nta kaw lahkawng sa garum bai galaw hpawt ding ni gaw oh ra nta lahkawng galaw ndai hku re na hpawt ding ni hpawt hpa ni ngut hkra gumhpraw n jaw ai sha shada da tsawra ai hte myit hkrum hka hkyin gum ding let jawm galaw ai shi nta kaw mung dai hku nye nta kaw mung dai hku oh ra nta kaw mung dai hku sha jawm galaw ai. Nam kahtawng de gaw ya du hkra naw galaw ai. E nta galaw yang nchyang saw yang nchyang wa hpe gaw gumhpraw laga law law n jaw ai. Moi kaw na anhte Wunpawng htung hkying le i, Htung hkying labau n dai palawng, labu, nhtu, shi hpe magam bungli kaw saw ai re ai majaw shi bai galaw sa wa na matu nhtu grem ai i, kaja ai ndai hta tung zawn re ai nhtu majoi gun chyai ai baw n re ai, dai kaw jaw nna she, shat lit hte shat lit kaw gaw nbaw shat nbaw shat bye mali gawbaw na U hkrawn "u" di gaw hkrun rai yang rai na mali shi rai yang rai na Nga chyu bu gaw lahkawng coffee htuk mi rai nna jum dwi gaw joi mi ndai hku re na shan hkat nga i dumsu shan hpe shan hkat nga Jinghpaw shadu shan hkat dai hpe grai mu hkra shadu shadu nna dai hpe gaw ndum ndai ram law ai kaw bang di na dai hpe shi hpe e nchyang sa ai ngu na dai kaw gumhpraw, gumhpraw gaw moi gaw lap hkun ngu ai gaw grai manu dang ai hku rai nga mali shi lap hkun kaw na mali shi rai yang rai na dai bang nna dai sa sa ai shani mung lamu kap shata hpe yu nna mali ya rai yang rai, kru ya rai yang rai, shi lahkawng ya rai yang rai, e ndai nhtoi masum ya lata la nna dai shalit hte shi nta de sa sa ai. Shing rai na oh ra nta kaw akyu hpyi re na dai hku di shanhte gaw dai hku di, nta galaw yang mung dai hku saw nna dai hku sa ai le, e sa nna dai kaw nchyang saw ai lam nta galaw na nchyang saw ai lam dai kaw ngut sai. Langai mi ngut sai. Ya langai mi ngut sai, langai mi bai tsun na (Matut tsun mai ai i?) rai jang hkauna galaw yang mung i hkauna galaw yang gaw anhte gaw gumhpraw n jaw ai anhte Wunpawng sha ni Jinghpaw ni gaw ya rai tim mung htaw nam de gaw ndai ya mung shut na she re nam de gaw gumhpraw n jaw ra ai. Rai yang she ya layang ga de de rai jang ya gaw kadai mung n galaw ai, ya she galaw ai. Anhte Jinghpaw ni gaw ga saw ai ngu ai n chyang ngu ai gaw n nan bawng galaw na matu mai shau mai lat le e dai hpun shaw ai kaw na nnan kaw na saw ai wa nchyang langai mi lama saw yang dai wa hpe sha jaw ra ai. E dai nchyang saw nna ga saw ai ngu ai mare ting le i lani mi ga saw shat sha daw ra ai. Dai mam sa dan lawm ai hte hkauna hkau ai shaprawn kau na yaw hkai ai hkai ngut jang dan ai yaw e dan ai ndai ni hpe sa dan garum ai mam hkai ai shaloi mung sa hkau garum ai, gumhpraw n jaw ra ai mam myin wa sai nga jang mam dan ai shaloi mam dan shabrai n jaw ra ai. E shi nta kaw mung dai hku nye nta kaw mung dai hku jawm garum ai le i, dai ga saw ai shani kaw na ngut jang htaw ra nta masum mali ya ga sa la ai le shanhte mung ndai (Latsa) la ai le, ya shanhte bai hkai jang dan jang anhte bai sa garum na le, e dai hku re na shanhte ga saw ai shani sa dan ai hkai ai rai yang mung nhkai ngut ai. Dan ai rai yang n dan ngut ai shaloi hkai ai shani mung n hkai ngut jang htingbu na ni sa hkai htingbu na ni n hkai jang tinang a kasha ni dama ni hte tinang hkai makau grup yin kaw na ni ga ra jang gaw sa garum nna ngut hkra hkai ngut rai na dan ai baw rai yang mung dai hku ngut hkra sa garum na dan ai. Shat sha daw jaw ra ai, e anhte gaw dai hku mam hkai mam dan tim mung anhte Jinghpaw Wunpawng amyu sha ni gaw ndai hku re na galaw lu galaw sha de mung anhte a labau gaw ndai hku re na galaw sha ga ai. Dai yang e dai n-nan kaw na hkai ai dan ai ma hkra mam ma hkra nta kaw ma hkra htaw zing bang jang nga jang shi hpe gaw mam tang hkun rai yang rai, sum shi rai yang rai, dai jaw nna e manang wa hpe mung mi na nta nchyang saw ai zawn zawn hkauna galaw ai nchyang hpe mung mi na zawn zawn jahkum sa zup i, shat lit le mi na hku dai kaw rawng sai dai, dai zawn re nbaw lit hte shat lit hte Nga chyu, Hpalap, Udi, Ushan ni hte rai na dai nhtoi kaja ai shani dai sa sa ai dai gumhpraw hte rau sa sa ai. E dai hkauhting hkauna galaw sha ai lam kaw mung anhte Jinghpaw ni a galaw lu galaw sha ai labau gaw moi kaw na ndai hku galaw sha ga ai ngu ya ndai hkauna galaw sha ai lam ndai hte ngut sai. Rai na ya nat jaw prat na num la ai bai tsun na yaw anhte Jinghpaw htunghkring labau le, nat jaw prat e gaw ndai hku re anhte Jinghpaw Wunpawng sha ni gaw ya tim mung grai lata ai. Mahtai lu ai kun i? ndai kahpu kanau shada da sat hkat ai le, nta langai ngai kaw na gaw dai hku byin ai dai gaw shada da sat hkat ai gawmai gawsha lu ai labau lu ai ni re ngu dai hpe na anhte gaw n la ai i, rai na she ndang si ai, ndang si ai ngu ai gaw ma shangai na si ai le, shangai ngut ai hte si ai shangai ngut ai loi hkring rai yang si ai. Shangai ngut ai rai yang manga ya kru ya rai yang si ai, dai ni ma hkra gaw ndai ndang e rai jang she dai zawn re ai gawmai gawsha ngu ndai myen hku rai yang (Lamai) e dai lu ai ni hpe n la ai. Dai sagawn la nna she tinang mare kaw e, tinang ra ai n nga jang htaw laga mare de sa nna dai gaw myen hku gaw (Awng twin) ngu anhte Jinghpaw Wunpawng htunghkring hku shamying ai rai jang gaw shan htung ngu shatai na le i, shan htung ngu nta kaw sa nga sa nga nna lahkawng ya masum ya, mali ya dang dai kaw marai lahkawng sha sa marai lahkawng num sa yu ai le, num sa yaw ai htaw ra Jinghku kasha shing nrai kahpu na kasha na matu sa tam rai yang she shaga ai laileng masha hte ganawn mazum ai nsam lai leng tsun shaga ai dai gaw tsan tsan re hkrat ai law hpa baw amyu anhte gaw marip ngai num la na wa marip rai yang marip kasha hpe n mai yaw ai gaw ngai nhkum rai yang nhkum kasha hpe n mai yaw ai i rai jang she ngai gaw, ngai gaw maran maran nre ai laga hpe yaw na oh ra htuk sai nga yang (Nat jaw prat na yaw) ndai gaw nat jaw part na labau htuk sai nga jang dai yu sai, yu jang she shi gaw hpa baw kasha re ai, amying kaning nga ai wa re ai, asak kade ning rai sai, dai ni ma hkra ndai kasa wa le i, ndai shanhtung wa ngu ai anhte Jinghpaw hku sha mying ai gaw myen hku gaw (Aung Twen) nta le (Aung twen) nta kaw na dai shanhtung wa hpe sa na shanhtung wa gaw dai mare kaw na rai nga ai gaw i re gaw shi ma hkra tsun dan jang matsing gun la moi na ni laika n chye ai le matsing gun la sai. Yawng matsing ngut jang tinang mare de lahkawng ya hkawm ai de masum ya hkawm ai de wa sai. Wa na she shaba wa wawt ai le, nat hku shaba wawt wawt, wawt yang she dai wa kaw hpru sai nga jang la kasha ni mung nchye ai, num kasha wa mung la wa wa na la hpe n mu yu nchye ai la wa mung num jan chyang ai kun, hpraw ai kun kadun ai kun, galu ai kun hpum ai kun, lasi ai kun, n mu ai. Rai tim mung shaba wawt wawt shaba hpru ai ngu jang gaw kaja ai le i, (Aung myin) ndai wa (Aung myin) sai nga jang gaw e (Aung myin) sai nga jang e dai num la na nta kaw na ni e la na nga sai kawn na gaw dai (Aung Twen) nta de bai sa sai, bai sa na she dai wa gaw kaning re shanhtung wa gaw kaning re bai (Chyi chat na) i nga jang gaw shi gaw shanhte yi hkyen ai kun hkauna galaw ai kun dai shanhte chye ai le i, yi hkyen ai rai jang gaw ya yi hkyen ai yi hkyen sa nga ma ai, yi hkyen na yi hkyen hkyeng na nga ai shaloi gaw (In te sha) ai le i, Yi hkyen ngut sai ngut jang e ndai wa maram taw nga ai le ndai wa (Aung Twen) wa ndai shanhtung ngu ai Jinghpaw hku shanghtun ngu shamying ai shanghtung wa gaw maram taw sai, maram taw yang ya shanhte yi hkyen ngut sai re ai majaw gaw shi sa yang sa na dama ni sa yang sa wa na rai jang she ya shanhte yi hkyen sai, yi hkyen jang gaw yi sawm na le mam hkai na matu i dai nat ai ma hkru ai hte hpe sawm jang gaw shanhte gaw yi hkyen ai nga jang tsawm ra tsan ai le i, e dai de hpa majaw nga yang nhtoi ni n ladaw ai dai zawn re nat jaw prat na gaw shaba htu jang kahpu ni mung nchye kanu ni mung nchye kawa mung nchye kanau mung n mu dat lagu ra ai le, num sa hprau nga jang e, loi mi kaji ai lasi ai kadun ai kaji ai rai jang marai lahkawng sa ra hpum hpum re, n-gun ja na zawn re yang marai mali la marai mali sa na dai shanhtung wa a nta kaw sa nga sa maram na le sa maram ya yi sawm sa wa sai, nga nna dai nta kaw na ma ni hpe shangun sa wa sai nga jang dai ya yang gaw yi du na sai ngu ai aten lam kaw n mai ai, lam kaw rai jang sanat hte hkan gap la ai kahpu ni le i, htaw grai tsan ai kaw na yi kaw du sai du na sai ngu jang du na sai ngu ai aten hta la ma re na (Nhkat man) lu na ndai hku sa yang wa shanhte hpe naw hkan mu ai rai jang makoi mat na makoi mat na htaw grai tsan hkra wa shanhte nhtang yu tim n mu na hku ning re lam kaw makoi nga na she shanhte num rai jang gaw lanyang na rai nga rai jang hkang mu jang dai hku bai makoi n mu sai i nga jang yi du ni sai nga jang gaw nra nra grai tsan ai kaw na lagat jang shanhte (Yet mi) mat na le i, chye mat na dai majaw akatsi sha n ra nra re shanhte ma hkawm ai masha zawn zawn re na hkawm mi ma num sa yaw yang ma shanhte nchye ai gaw dai hku re ai majaw hkang nang na sa manat na agyin dung mat wa (nre nre num hprawn ai hpe tsun nga ai) jawm hpai, hpai na she htaw ndang hpai jang jahkring mi jahkring na bai dai dung, dung yang num n nan jan gaw oh kaw magra n hkraw ai le i, le kaw magra ah hpun kaw nam lam grai tsan ai re nga oh kaw magra le kaw magra rai jang bai dung wat sumri hte gyit ti na jawm hpai le lagaw hte hpai ai ni gaw hpai hkum kaw hpai ai ni gaw hpai ndai lahpa kaw hpai hpai hkrai hpai wat hkring nna hpai nta du hkra hpai e dai hku lagu na ya du sai nga jang she du sai nga jang, du sai nga lahkawng ya nga tim mung ndai ya na anhte ya na prat na zawn zawn re num n nan hte la n nan hpe mu mung n mu hkat shangun shi ai, dai ndai shanhtung nta (Aung twen) nta kaw wa makoi da, makoi da na she dai kaw na shanhtung ni hte she e anhte gaw dai nta ni anhte ni tsaw ai ra ai tsawm ai htap ai ngu na ra nna anhte sa woi la sa ga ai lo nga nna htaw mayu ni kaw she ja hte i ja nga jang dai zawn re lagu ai rai jang gaw num n san bau nga, nsin ja nga sa bang ai le, nsin ja ngu bau gaw dai num san bau ngu ai gaw lahkam sanit hte lahkam sanit hte kru re, rai tim kru gaw nau nlang ai, sanit malawng lang ai. Lahkam sanit dai bau du du nga ai baw le e manau hkan ni dum ai hpunggyi jawng hkan ni dum ai e dai baw lahkam sanit, kru ma gaw kajai gaw kajai tim kru gaw nau pyi n re ai law n lang ai law, num san bau gaw lahkam sanit ndai zawn re hkrup hkra re sanit le ndai hku lahkam ai, sanit lahkam sanit dai kaw she nsin ja ngu ai gaw Yu nga mayawn ngu ai kaw gaw Nga ndai daram ram law ai, ndai daram ram galu ai i, gakang jahkraw ai dai zawn re matsat rai yang rai na, shi lahkawng rai yang rai na dai hpe shinnam ma, Nga ma Shinnam makai ma Nga ma makai atsawm sha makai, makai ai mung dai n jaw jang gaw shawat ai dai n jaw ai dai naw sharai mung nga jang Ja rang langai mi, ja rang langai mi ngu ai gaw ndai (Taung she Pa soe) le i (Taung she pasoe) dai zawn re ai ndai gai mali manga re ai hpu nba ngu ai gaw gai manga, gai mali dai hku re ai, e dai zawn re langai mi galaw jang she ndai sumri makyit ai shajaw ya ai ngu bai galaw ai, ndai Yu nga mayawn ngu ai atsawm sha makyit na she oh de bai ning di ndai hpe mung manai ai mung atsawm sha hkayawm ya ai, hka yawm na mayu ga sa yang gaw ning ngu na di na bai (hpa ngu na i) grai hkungga ai ngu ai kumla le, dai gyit ai kaw mung grai hkungga ai ngu ai hku kumla dai hku madung di na dai dai bai la sa jang dai mayu ni gaw i dai makyit ai ni yu, nba yan ni magyi magaw galaw ai kun atsawm sha ya ndai shi laika hte atsawm sha gyit nna dai atsawm sha hka yawp na dai Yu nga mayawn hte atsawm sha rai na dai dama sa ai shana ma grai ahkyak ai, sa tsun ai shaloi le i dai shanhte hpe sa jahpu ai num n nan anhte lu sai ngu sa jahpu ai shaloi "Mayu du ni e, dai ni gaw law nhtoi kaja mali kaja nhtoi hta anhte dauma ni ja gun ai dama ni du sa ga ai law ai law" nga yang oh ra ni gaw nta langai ngai kaw gaw hkap shachyut ai da, atsawm sha dai hku di na sa oh ra myit su ngu ga le re dai zawn re ai mayu ni rai jang gaw "E sa wa marit sa wa marit" ngu na shanhte chyam yu ai le dai kaw mung shante naw chyam yu ai ding lit yu ai ngu ai le ndai jinghpaw ni gaw ndai gaw daw dap kaw ndai anhte ya na hku tsun yang (Haw hkang) kaw wan dap tawn ai le i, wan dap nga ai, dai wan dap nga ai ndai hku gaw shang wa ai, ndai hku gaw shawa dung ai ndai de gaw salang dung ai daw dap rai nga ai ndai nhtung ngu ai baw ndai dap re ndai de,ndai maga de ndai de gaw oh hku shang wa, shawa daw tsa yawng shang wa na shang dung ai shara rai yang she dai mayu du ni gaw "Dung mu law dama du ni e dung mu dung mu" ngu ning hku nga atsawm sha madung ai, rai tim mung dama ni gaw nang de lama rai na rai yang "Dama ni re i, mayu du ni rai n ning? dama du ni rai n ning?" oh ra wa gaw nchye ai Jinghpaw rai tim mung nchye ai naw nga ai gaw rai jang nchye na sa dung shut jang gaw dung shut jang dai gaw ja rang langai mi rai sai "Nang mayu rai n ning" nga jang gaw dai shut sai "E rai sai law du ni rai sai law" nga jang oh ra de she la ni gaw ndai hku gaw ndung ai gaw i "Rai sai law nang kaw rai sai law mayu du ni e kabu sai law oh law ga ai law" ning re na kabu gara hkap tau ai i kabu gara hkap tau sai gaw grai kabu ai law oh ra de atsawm sha dung rai jang gaw shanhte grai kabu sai da. E dai shana na shanhte la sa ai dai makau grup yin na mahka shaga na e shanhte ni dai hku mang gala ai akyu nhpyi ai le shanhte gaw hkristan prat n re ai nat jaw prat re ai majaw e dai hku di na ya ndai num hpe e bai hkungran jang gaw nat jaw hku kum ba ni hpa ni jung na galaw ai, rai na ndai mayu du ni gaw myit hkrum sai atsawm sha dai shanhte la sa ai hpe hkap hpya sha na ma mang gala nna ya shanhte ni bai wa na dai hpa baw hpa baw lama kana nga anhte gaw ma lu nga yang anhte gaw ma roi hpe no(3) hpe sa la jang gaw shin kawt ja ngu na dai dama ni hpe tsun dat ai le, kana nga ai yaw kana hpe ndai shing kawk ja ngu ai ra na re ndai kana bawk nga ai, anhte gaw kana bawk hpe n la kanau ma roi hpe ra nga ai gaw rai jang ndai hpe shing kawk ja rai jang ja ta chyawp zawn re ai ni ja na latan zawn re ai ni dai zawn re ai ni jaw ra ai nga jang ya shanhte nat jaw prat e gaw shama lai nga, nga ai ya gaw shama lai ngai jang gaw sen mali hte sen manga re, dai shama lai nga ai gaw kanu hpe jaw ai le hpu Nga ngu ai gaw laksan rai jang she kaji ndai kaw ndai (Taung she pasoe) e shanhte nta de wa na kashu kasha sha prat mayu mayat maya u ga law nga nna manu mana le i la kasha num kasha ni shangai shaprat ya u ga nga nna mang gala nna kaji dwi dai hku galaw ai wa hpe gaw dai hpe gaw kaji hpu ngu na Nga wuloi ndai ram re nrung kra ai Nga hpe jaw ra ai. E dai hku galaw na oh ra de mung ya hkungran ngut jang dai nat jaw prat e gaw hpa baw kamoi na hpabaw le baw nga na dai kaw she hpu ja hpyi sha ai le e dai zawn re ai dan re na mayu ni gaw hkungran ai shaloi poi sa yang jaw ra ai ri nhtu le ri nhtu hte nri hte nhtu ndai gaw galoi mung ndai yan gaw hpa baw ru, kaning re machyi makaw kaning re ai rai tim mung nga-kan ai shut shai ai rai tim nga-kan ai ndai hpri zawn nga ai tsawra myit nga-kan ai sadi dung ai myit gaw ndai hpri zawn re na ja ja nna nga-kan mu ga nga nna ri nhtu nri hte nhtu gyit na dai kaw she nli ni ma naw shakap ai law hkai li le mam zawn re ai ni mung naw shakap ai, dan re ai ni hpe she sa jaw dai jaw sai kawn na gaw dai hkungran ngut sai hpu ni ma jaw ngut sai i, la wa (Titsa hpawk) num jan hpawk ai gaw nau n nga ai moi prat gaw la wa (Titsa hpawk) na num jan hpe e nta kaw dai kaw kanu kawa tsawra ai dai shaba wawt yang awng ai wa rai nga Jinghpaw hku gaw Wunpawng ga hku shaba hpru ai ngu ai rai nga dai kaw kajan ni kahpu ni kanu ni kawa dim ma hkra amyu ting n dai kaw kaja ai ngu na la da ai wa re ai majaw ndai wa hpe la ma rai na num laga sa ra na mahkawn sa ra na ngyi ba shangun ai i, rai tim mung ndai num hpe n wa shangun ai, dai num jan hpe she hka woi woi ai ngu na nta kaw woi nga na she ma shangai ngut hkra dai kaw woi nga ai, dai num jan gaw la wa hpe tsun na rai nga ai le, nang ndai la nmai ai hpraw jaw ga nga jang dai num jan hpe gaw Nga langai mi gumhpraw palawng gumhpraw kachyi ja kachyi ndai kaw gumhpraw lahkawng ja lata chyawp, ja na latan yawng jaw nna Nga langai mi dai ma na gaw sumrai daw ai ngu ai rai yang rai hpraw jaw ai ngu ai rai yang rai re dai Nga langai mi dung jaw nna ma hpe gaw tinang la na shi hpe wa sa kau jang shi ma hte woi wa tim mung ma ka ba jang gaw anhte woi la na le, e dai hku re na ndai hkungran ai num ngu ai kaw na lama shi n hka lu ai law nga jang mung ndai shaba hpraw ai wa gaw num kaba nga nga na num kaji hpe le gawk langai mi oh gawk langai mi galaw na dai kaw shan la ni hpe dai kaw nga shangun dai kaw num kaba gaw nga taw nga dai hku rai na anhte Jinghpaw Wunpawng sha ni a num awn num la lam mung e dai majaw ndai wa wa mat ai la ma rai yang anhte gaw mayu hku na nang hpu grai bang sai nang dama manu dang ai dama re hpu grai bang ya Jinghpaw ni laga ni shanhte num kasha lu na dut sha ai nga n dut sha ai dama wa mung hpu law law bang ai anhte mung law law sharun ai, e shada da i, anhte mayu ni mung dama ni hpe tsawra ai shagrau ai ngu jaw dama wa mung ngai tsawra ai kaning katsa hpe hkungga ai ngai tsawra ai, ngai la langai mi la du ai wa re n ngai nanhte kasha hpe ngai tsawra na la ai hku shada da hpa baw ngu na i myi mang galaw ai hkungga la ra ai matut mahkai ai ngu na anhte gaw dai hku di na num ya na zawn laga num zawn re na bai hka wa mat bai la bai hka dai hku n nga ai, moi kaw na ya du hkra e dai hku re na mayu ni wa bai sa jaw re e ndai zawn re dai gaw nat jaw prat na re. Ya hpun prat na bai yaw. . Language as given: Jinghpaw
Format:		Digitised: no Media: Audio
Identifier:		KK1-0032
Identifier (URI):		http://catalog.paradisec.org.au/repository/KK1/0032
Language:		Kachin
Language (ISO639):		kac
Rights:		Open (subject to agreeing to PDSC access conditions)
Subject:		Kachin language
Subject (ISO639):		kac
Subject (OLAC):		language_documentation
		text_and_corpus_linguistics
Table Of Contents (URI):		http://catalog.paradisec.org.au/repository/KK1/0032/KK1-0032-A.mp3
		http://catalog.paradisec.org.au/repository/KK1/0032/KK1-0032-A.wav
		http://catalog.paradisec.org.au/repository/KK1/0032/KK1-0032-A.eaf
Type (DCMI):		Sound
Type (OLAC):		primary_text
OLAC Info
Archive:		Pacific And Regional Archive for Digital Sources in Endangered Cultures (PARADISEC)
Description:		http://www.language-archives.org/archive/paradisec.org.au
GetRecord:		OAI-PMH request for OLAC format
GetRecord:		Pre-generated XML file
OAI Info
OaiIdentifier:		oai:paradisec.org.au:KK1-0032
DateStamp:		2021-02-12
GetRecord:		OAI-PMH request for simple DC format
Search Info
Citation:		Keita Kurabe (compiler); Keita Kurabe (depositor); D. Lum Naw (speaker). 2016. Pacific And Regional Archive for Digital Sources in Endangered Cultures (PARADISEC).
Terms:		area_Asia country_MM dcmi_Sound iso639_kac olac_language_documentation olac_primary_text olac_text_and_corpus_linguistics
Inferred Metadata
Country:		Myanmar
Area:		Asia